Toreyeke xwecihî ya mafnasiyê li gor pêzanînên belgehkirî li dev wê diyar kir ko cudahiyeke mezin heye di nav tiştê ko Netewên Yekgirtî derbarê rewşa Sûriyê pêşkêş dike, û tiştê ko li ser xakê çêdibin, û rexne li karê karmendên rêkxistinên navdewletî yên li ser rewşa Sûriyê kar dikin kir.
Di raportekê de roja pêncşembê belav kiriye bi navnîşana ‘’Sûriya welatê herî xerab e ji aliyê ziyana ku li zarokan bûye‘’, û toreya Sûriyê ya mafê mirovan got: ‘’ Netewên Yekgirtî dûrî rastiya jiyana zarokên Sûriyê ye.‘’
Toreyê got: ‘’hejmarên ko rêkxistinên navdewletî radigehînin ne rast in, çimkî Sûriya xerabtirîn dewlet e ji aliyê têkçûna rewşa zarokan ve.’’ Û toreyê bal kişan ser ko ‘’tiştê emîndarê giştî dibêje ne li gora qebareya mezin ji bobelatên li Sûriyê çêdibin.’’
Raportê anî ziman ko cudahiyeke mezin di navbera raporta emîndarê giştî û ya ko toreya Sûrî belgeh kiriye heye, Netewên Yekgirtî kuştina 652 zarokan tenê tomar kiriye, lê li gor toreyê bi nav û hûrbînî hejmara qurbaniyên zarok sala 2016 belge kiriye, ew gihaye 3923 zarokî anko şeş caran ji ya Netewên Yekgirtî bêtire.
Tore di raporta xwe de dibîne ko ‘’ ev kêmasiyeke di belgehkirina binpêkirinan de li Sûriyê bi giştî, û ev ji ber kêmbûna hejmara tîma karmendên Netewên Yekbûyî ji bo Sûriyê ye‘’
Raportê diyar kir ko asta nûnerîtiya bala ya mafên mirovan li Sûriyê ji nîsana 2014ê ve nizim bûye, nûnerîtiya bala serjimara qurbaniyan bi yekcarî rawestandiye, û çi bijarteyên dêvila wê wek belgehkirina encamên qurbaniyan her sal ji hev cuda nekiriye.
Raportê tomar kiriye ko ne kêmî 251 rewşên girtinê di sala 2016ê de bi destê hêzên rêjîma Esed beraber vê raporta Netewên Yekgirtî tenê 12 rewş belgeh kirine, her weha toreyê ne kêmî 1926 rewşên leşkeriya neçar ji zarokan re bi destê Yekîniyên Parastina Gel yên bi ser Partiya Yekîtiya Dîmuqrat ya ko ew ji hemû aliyên din yên biwara leşkerkirina zarokan bêtir e.
Raportê toreya Sûriyê diyar kiriye ko ‘’raporta emîndarê giştî qurbaniyên zarok yên hatine kuştin an birîndar bûne bi sedema êrîşên kîmawî yên ko rêjîma Esed pêk anîne tomar nekiriye, ko ew êrîş bûye sedema kuştina 21 zarokî û 35 birîndar bûne, di 25 êrîşên kîmawî de ko rêjîma Esed sala 2016ê cîbicî kirine. ‘’
Toreyê got raporta navnetewî behsa qurbaniyên zarok nekiriye, yên bi encama bikaranîna hêzên rêjîmê û yên Rûsî ji çekên goşeyî re û mayûnên erdê ko gihaye 171 êrşî û bûye sedema ko 113 zarok pê hatine kuştin.
Toreyê di raporta xwe de daxwaz ji nûnerê taybet yê emîndarê giştî yê peywendîdar bi rewşa zarokan û pêvçûnên çekdar kir, ku hevkarî û hevrêzkariyê digel rêkxistinên mafnasiyê yên Sûrî yên taybetmend re bike di warê belgehkirina binpêkirinan de, tekûztir û hûrbîntir li ser tiştên ko li Sûriyê çêdibin.
Jêder: Nivîsgeha Ragihandinê ya Hevbendiya Niştimanî