31 October 2018 In Nûçeyên Hevbendiyê

Hevbendiya Niştimanî ya Hêzên Şoreşê û Rikberiya Sûriyê red dike ku wê li ser belgeha li Roma paytexta Îtalya ya ko bi çavdêriya koma Sant Îgîdyo çêbûye erê kiribe, û dibêje ku çi endamên me jî lê amade nebûne.

Berdevkê Hevbendiya Niştimanî Enes Elebde tekez kir ko çi têkiliya Hevbendiya Niştimanî bi wê belgehê nîn e, û ti kes nekiriye nûnerê xwe li wan civînan.

Û tekez kir ko aliyê ji mafê wî ye biryarê di wan kaxezan û siyaseta danûstandinê ya hêzên şoreşê û rikberiya Sûriyê bide; tenê desteya danûstandinan e.

Û Hevbendiya Niştimanî daxwaz ji hemû aliyan kir; çi pêngava navêjin ku ziyanê bigehîne pirosêsa siyasî ya ko misogerkirina hêviyên miletê Sûrî û cîbicîkirina tekûz ji biryarên encûmena ewlehiyê 2254 û 2118 û daxuyaniya Cinêva 1 sala 2012ê amanc dike.

Her weha desteya danûstandinê ya Sûrî di daxuyaniyekê de mandel kir ko ewê nexşerêyek bo misogerkirina aştiyê li Sûriyê pêşkêş kiribe, û bêzariya xwe ji danîna navê wê an çi endamên wê di civînê de diyar kir.

Jêder: Ofêsa ragehandinê ya Hevbendiya Niştimanî

30 October 2018 In Nûçeyên Hevbendiyê

Şandek ji desteya danudistanê ya Sûriyê bi serokatiya Dr. Nesr El-Herîrî, serdana Birîtaniya kir, û çend civîn bi karbidestên navnetewî pêkanîn, di wan civînan de li ser pêvajoya siyasî û pêwîstiya aktivkirin wê bi awayekî berdewam rawestiyan, da bigihên çareseriyeke berfireh li gor biryara 2254.

El-Herîrî ragihand ku şanda desteyê rewşa Sûriyê bi temamî ji nûnerên giropa navnetewî ya piçûk re şirove kir, û bal kişand ser ku xalên girîng yên fayilê niha yê Sûriyê û rewşa li Idlibê û prosesa siyasî bi giştî di nav wan mijaran de bûn, û tevlî mijara Komîsyona Makezagonê, û destdanîna Îranê li ser deveran, û binpêkirinên ji aliyê rejîmê û hevalbendên wê ve hatin şirovekirin.

Herwiha di nav de behsa rewşa girtiyan û kesên revandî hat kirin, herweha pêvajoya avadankirinê û vegera penaberan û dozgeriya tawanbarên şer.

El-Herîrî, bal kişand ku ew bi nûnerê Netewên Yekbûyî ji bo Sûriyê Staffan De Mistura re civiya, û bi wî re pêşketinên dawî yên di warê siyasî de gotûbêj kirin, û tevlî gotûbêjkirina encamên civîna lûtekeya çaralî li Stenbolê, û astengiyên ku rê li ber pêşveçûna pêvajoya siyasî digirin, û pêwîstiya vejandina proseya siyasî bi awayekî çalak.

Û desteya danûstandinên ligel endamê desteya cîgeran Alison McGovern, û endamê parlamentoyê û Serokê Koma parlamentoya hemû aliyan li ser Sûriyê Andrew Mitchell civiya. El-Herîrî bal kişand ku di vê civînê de bi kûrahî li ser dawîtirîn pêşhatên siyasî li Sûriyê, û rola Birîtaniya ya piştgiriya pêvajoya siyasî ji bo çareseriyeke siyasî ya berdewam bi rêya bicîhkirina biryara Encumana Ewlekariyê ya 2254 rawestiyan.

Şandeya danûstandinê ligel rêveberê karê siyasî yê wezareta derve ya Birîtanya û balyozê berê yê Birîtanya li Enqerê, Richard Moore civiya, El-Herîrî diyar kir ku wan "rewşa li Idlibê û pêşketinên prosesa siyasî û hewldanên siyasî û mirovî yên ji bo pêşkêşkirina alîkariyan ji aliyê Birîtanyayê ve" gotûbêj kirin.

El-Herîrî sipasiya serokê tîma navxweyî ya karubarê Sûriyê li wezareta derve ya Birîtanyayê, Carla Tomas kir, û got: ku "hevdîtina wê ligel şandeya danustaninê bi sûde bû, û bû alîkarî ji bo pêkanîna civînên din bi rayedar û parlementerên li Londonê re".

Jêder: Ofîsa Ragihandina Hevbendiya Niştîmanî ya Sûriyê

29 October 2018 In Nûçeyên Hevbendiyê

Serokê Hevbendiya Niştimanî ya Hêzên Şoreşê û Rikberiya Sûriyê mamoste Ebdilrehman Mistefa xweşhaliya xwe bi encamên civîna çaralî ya ko roja şembiya bûrî li Istanbulê çêbû diyar kir, û dibîne ko ew encam pir giring bûn û mirov geşbîn dikin, derbarê bidawîkirina derdê miletê Sûrî û bidestxistina azadî û rûmetê.

Mistefa di daxuyaniyeke taybet de îro duşembê diyar kir ko’’ helwestên me wek hev derketin‘’ li gora encamên civînê û bi taybetî tekezkirina danîna komîta destûrê berî dawiya vê sale, û bal kişand ko ew dê fişarê bide ser rêjîma Esed yê ko rola netewên yekgirtî di komîtê de red dike.

Destnîşan kir ko Hevbendiya niştimanî beşdarî nerîna herçar dewletan dibe li ser tekezkirina cîbicîkirina biryara navdewletî 2254 û piştgiriya peymana Idlib dibe, û hewil dide wê bipêş ve bixe tako agirbesta giştî li hemû deverên welat pêk were.

Got: ‘’ Em bi giringî li xala dûmahiyê ya daxuyaniya civîna çaralî ya derbarê vegera penaberan dinerin‘’, û got: ‘’em dibêjin giring e ew veger jixwede be, li gor zemîneke aram li gora yasaya navdewletî û bi beşdarbûna netewên yekgirtî bi rêya nûnerîtiya bala ya penaberan jê re peyda bibe. ‘’

Û got: “Du endamên Astane û du endam ji koma navdewletî ya piçûk di civîna çaralî beşdar bûne”, Ew lihevkirina giring ya herdu koman derbarê kêşeyên bingehîn yên bi kêşeya Sûriyê ve têkildar nîşana hevkokiyek baş e, û ew dê pirosêsa siyasî jî bi pêş ve bibe.

Daxwaz kir ko bêtir fişarê bide ser rêjîmê ji bo binpêkirinên peymana Idlibê rawestîne, û nehêlin çi operasiyonên bombebarana nû ji hêla hêzên rêjîmê û milîtanên Îranî ve çêbibe.

Jêder: Ofêsa Ragehandinê Ya Hevbendiya Niştimanî

27 October 2018 In Nûçeyên Hevbendiyê

Şandeka desteya danûstandinên Sûriyê ya bi serokatiya Dr. Nesr El-Herîrî serdana Moskoyê kir û bi Sergei Lavrov wezîrê derve yê Rûsyayê re civiya, û ligel wî paşeroja pêvajoya siyasî û girîngiya destpêkirina karê komîta destûrê gengeşe kir, tevlî gotûbêjkirina rewşa li Idlibê piştî îmzekirina peymana Idlibê ku bi saya wê dever ji operasyoneke leşkerî hate parastin.

Duhî roja înê di konferanseke rojnamevanî de, El-Herîrî hêvî kir ku hevdîtina bi Lavrov re gavek "bi bandor û berhemdar be" ji bo dîtina çareseriyeke siyasî li gor armancên xelkê Sûriyê, û tekez kir ku mana Beşar El-Esed li ser desthilatê, nayê qebûlkirin, ji ber ew berpirsiyar e di ber wêrankirina welat û kuştina gelek welatiyên sivîl de.

El-Herîrî pêdaçûnen şoreşa Sûriyê pêşkêş kir, her ji destpêka xwenîşandanên aştiyane, û bizavên rejîmê ji bo guherîna xwepêşandanên aştiyane ber bi karê çekdarî ve, û paşê çawa welat wêran kir û tawanên herî hovane pêkanîn, heta gihîşt sepandina peymanan bi darê zorê.

Herwiha behsa pêvajoya siyasî ya rawestyayî bi sedema redkirina rêjîmê ji biryarên navnetewî re kir, , El-Herîrî ragihand ku rejîm hêjî astengiyan dixe pêşya gavên çareseriya siyasî, bi riya mercên xwe yên pêşwext, û bal kişand ku di nav wan mercan de destdanîna wê li ser piraniya komîteya destûrî, û daxwaza serokatiya wê dike ku biryar di riya wê re bêne standin, û bi vî awayî wê pêvajoya sîyasî ji destpêka wê ya di nîva wê de beravêtî bike.

Û bal kişand ser ku rejîm hewl dide ku erkê komîteya destûrê bi tenê serrastkirina hin birgên destûrî be ne nivîsandina destûreke bingehîn ya nû be, û diyar kir ku rejîm avakirina komîteyekê di bin sîwana Netewên Yekbûyî de ji bo pêkanîna biryara 2254 ya Konseya Ewlekariyê red dike.

Tekezî li ser pêdiviya cîbicîkirina biryarên navnetewî di bin çavdêriya Netewên Yekbûyî de kir, û got ku "her pêvajoyeke siyasî ya bawerpêkirî, divê hevseng û li gor biryarên Konseya Ewlekariyê û daxuyaniyên Cinêv be, û bi vê yekê divê komîta destûrê ne cuda be ji cîbicîkirina biryara 2254, û divê di çarçoveya qonaxa veguhestina siyasî de be ya li gor biryarên Encumena Ewlekariyê ye ".

Wî herwiha tekezî li ser pêwîstiya "rênexşeyeke zelal, û xişteyeke demkî ya destnîşankirî wek ku di teksta daxuyaniya Cinêvê û biryara 2254 de hatiye kir, ji bo gihîştina çareseriya siyasî "

Û herwiha behsa hebûna hêzên Îranê li Sûriyê kir, û da zanîn ku zêdetir ji 120 deveran li Sûriyê di bin kontrola Îranê de hene, û diyar kir ku serbazgehên leşkerî jî ji aliyê îranê ve li Sûriyê hatine avakirin, û got: ku "nêzîkî 123 dever hene di bin kontrola hêzên Îranê de, ku ji aliyê opozisyonê ve hatibûn girtin û piştre hêzên Îranê hatin û têde serbazgehên xwe yên leşkerî ava kirin".

Jêder: Ofîsa Ragihandina Hevbendiya Niştimanî ya Sûriyê

26 October 2018 In Nûçeyên Hevbendiyê

Serokê Hevbendiya Niştîmaniya Hêzên Şoreş û Dijberiya Sûriyê Mamoste Ebdulrehman Mistefa, û Emîndarê Giştî Dr. Nezîr Hekîm pêşwaziya cîgirê emîndarê giştî yê encûmena karûbarê giştî yê Yekîtiya Ewropayê Giyan Krîstof Bîlîyar û şanda ligel wî li avahiya Hevbendiyê li Stenbolê kirin.

Herdû aliyan pêşhatên meydanî yên dawî li ser asta cîbicîkirina rêkeftina Idlibê û aktîvkirina rêveberiya sivîl li tevahiya deverên azadkirî, herwiha behsa prosêsa siyasî û hewlên astengkirina wê ji aliyê rejîmê ve di berjewendiya projeya wê ya leşkerî de kirin.

Mistefa di rûniştinê de behsa serdanên Hevbendiya Niştîmanî yên vê dawiyê bo deverên azadkirî, û hevdîtinên berfireh ligel nûnerên encûmenên xwecihî û encûmenên dadwerî û polîs û fesîleyên leşkerî kir.

Û tekez kir ku dever bi hewceyî piştevaniya rêvebirineke sivîl e, û da zanîn ku ev di berjewendiya aramî û ewlehî û bilindkirina sta xizmetguzariyan de ye, di berjewendiya welatiyên sivîl de.

Mistefa got: Em kar li ser çend projeyan dikin bi armanca guhertinên bingehîn di rewşa giştî de li deverê, herwiha sûdwergirtina ji rawestandina operasyonên leşkerî yên rejîmê piştî îmzekirina rêkeftina Idlibê", û diyar kir ku ev guhertin dê bêhtir li ser nehiştina rewşa leşkerî û veguhestina ji bo rêveberiya sivîl ya ku dê giringiyê bide damûdezgehên dadwerî û polîs.

Serokê Hevbendiya Niştîmanî girngiya Yekîtiya Eropayê di piştevaniya van projeyan û alîkariya bicihkirina sivîlan di wan deveran de destnîşan kir, û da zanîn ku Yekîtiya Ewropayê" Hevpişkekî rasteqîne ye ji gelê Sûriyê re, û em bihêvî ne ku piştevaniya projeyên me yên geşepêdan û çaksaziyê yên ku alîkariya me di rûbirûbûna rejîma Esed de dikin bike ".

Herwiha civînê behsa prosêsa siyasî kir, û serokê Hevbendiyê tekezî li ser pêwîstiya sûdwergirtin ji rêkeftina Idilibê kir, ya ku bi karînên "Tirkiyê" hate kirin, ji bo destpêkirina prosêseke siyasî ya rasteqîne, û hêvî xwest ku karê komîteya destûrê meha bê bi serperiştiya Neteweyên Yekbûyî dest pê bike, li gor ku şanderê navdewletî di civîna dawî ya Encûmena Ewlekariyê de behs kiribû.

Jêder: Hevbendiya Niştîmaniya Sûriyê

25 October 2018 In Nûçeyên Hevbendiyê

Berdevkê fermî yê Hevbendiya Niştimanî ya hêzên şoreş û rikberiya Sûriyê, Enes El-Ebda, tekez kir ku rejîma Esed, helwesta xwe neguhertiye, û sûr e li ser têkdana pêvajoya siyasî û valakirina naveroka wê, û bal kişand ku hevdîtina rejîmê bi nunerê Netewên Yekgirtî Staffan de Mistura re, hat bi armanca xapandina civaka navnetewî û ji bo xwe wek alîkar nîşan bide.

El-Ebda îro di axaftinên xwe de ji rojnameya "El-heyat" re, got ku "hêjî rejîm astengiyan derdixe", û diyar kir ku "mercên rejîmê tên bi armanca têkdana karê Komîsyona Makezagonê û valkirina naveroka wê".

El-Ebda diyar kir ku "Rejîm hewl dide bi rêya hevdîtina xwe bi De Mistura re, ew hevdîtinên di çarçoveya têkiliyên giştî de, xwe bide xuyakirin ku ew ne asteng e".

Wî got: "Rejîm berdewam lîstika bi pelika demê bikar tine, ji bo paşxistina ragihandina Komîsyona Makezagonê bo demekî zêdetir".

Herwiha bal kişand li ser daxuyaniyên El-Mohelim ku daxuyaniyên wê "Eşkere dikin ku rejîm naxwaze komîteya makezagonê û di çavdêriya Netewên Yekbûyî de aktiv bibe, ", û El-Ebda civaka navnetewî han da li ser"standina helwesteke çalak û destwerdaneke cidî ji bo danîna pêvajoya siyasî li ser rêya rast".

Jêder: Ofîsa Ragihandina Hevbendiya Niştimanî ya Sûriyê

24 October 2018 In Nûçeyên Hevbendiyê

Desteya siyasî ya Hevbendiya Niştimanî ya hêzên şoreş û rikberiya Sûriyê, îro roja çarşemê dest bi civînên xwe li bajarê Gaziantebê li Tirkiyê kir, bi beşdariya hikûmeta demî ya Sûrî û nûnerên encumenên xwecihî, û sendîka û deste û rêxistinên civaka sivîl.

Tê zanîn ku serdana şanda bi serokatiya birêz Ebdulrehman Mistafa ya ji bo deverên rizgarkirî li gundewarên rojhilat û rojavayê Helebê û Efrînê duhî bi dawî hat, ku ji bo gotûbêjkirina pêvajoya aramiyê û aktivkirina rêveberiya sivîl ya bi riya hikûmet demkî û encumenên xwecihî.

Sekreterê desteya Siyasî ya Hevbendiyê Riyad El-Hesen diyar kir ku di civînan de dê li ser dawîtirîn pêşhatên siyasî û meydanî rawestin, û bal kişand ku dê rewşa guhertinên nû li devera bakurê Sûriyê piştî pêkanîna peymana Idlibê gotûbêj bikin, û tevlî gengeşekirina çawaniya sûdewergirtina ji vê peymanê ji bo vegerandina karê saziyên sivîl û zêdekirina pêşkêşkirina xizmetgozariyan.

El-Hesen got: "Peymanê li ser rejîma Esed ferz kiriye ku hemû êrîşên xwe yên esmanî li ser navçeyê rawestîne", û dît ku ev yek "şert û mercên nû peyda kirin, û em hewl didin peymanê wek delîve bibînin ji bo vegerandina jiyana sivîl û aramiyê ji bo berjewendiya kesên sivîl."

Û diyar kir ku Hevbendiya Niştimanî ligel hikûmeta demî ya Sûrî û encumenên xwecihî hewl didin ji bo peydakirina guherînên bineretî di asta dadweriyê û asayîşê de, tevlî karê ji bo afirandina pêşketinên mezin di projeyê damezrandina artêşeke niştimanî de, û tekez kir ku ev gav dê bargiraniya rewşa mirovî ya li salên borî li ser sivîlên navçeyê sivik bike.

Û bal kişand ku di civînê de, wê şiroveyek li ser pêşketinên Komîteya Makezagonê bê pêşkêşkirin, ya ku yekem civîna wê li paytexta Erebistana Siûdî li Riyadê li hefteya dawî lidar ket, tevlî gotûbêjkirina encamên yekemîn-civîna nûnerên opozisyona sûrî, û hêviyên xwe nîşan dan ji bo destpêkirina karê Komîteya Makezagonê li heyva tê, di bin sponsoriya Netewên Yekbûyî de, li gorî daxuyaniya şanderê navnetewî ya dawiyê di Encumena Ewlekariya Navdewletî de.

Jêder: Ofîsa Ragihandina Hevbendiya Niştimanî ya Sûriyê

23 October 2018 In Nûçeyên Hevbendiyê

Şanda Hevbendiya Niştimanî ya Hêzên Şoreşê û Rikberiya Sûriyê civînên xwe li herêmên rizgarkirî berdewam kirin, û digel encûmenên xwecihî û artêşa Sûrî ya azad civiya, bi amanca amadekirina birêveberiyên sivîl li bakurê Sûriyê û tekûzkirina pirojeyê artêşa niştimanî.

Serokê Hevbendiya Niştimanî mamoste Ebdulrehman Mistefa yê ko serokatiya şandê dike, diyar kir ko gera evro ya sêşembê giha herêma Efrînê, û berdewam kir ku wan çend civîn digel nûnerên herheft encûmenên xwecihî lidar xistin û got: “me karên di dema bûrî de û pêşveçûnên karê encûmenên herêmê û çalakiyên sivîl û planên qonaxa dahatî şopandin”

Û tekez kir ko ‘’amancên me pêşketin û bihêzkirina rola birêveberiyên sivîl e, û kar bo aktîvkirina karên desthilata Sûrî ya demkî li herêmê, û aktîvkirina encûmenên xwecihî û şêweyên birêvebirina xwecihî.’’

Û bal kişand ser van geran ko rê li ber misogerkirina amancên Hevbendiya Niştimanî bo avakirina peywendiyên rasterast bi gel re li herêmên rizgarkirî vedike, û beşdarbûna digel desthilata Sûrî ya demkî û encûmenên xwecihî bo karê wê bi dabînkirina hemû şiyanan û sûdewergirtin ji karînên geşepêdanê li herêmê.

Şenda Hevbendiyê duhî êvarî digel serpereştên Artêşa niştimanî ya Sûrî ya azad li gundewarê Helebê yê bakur civiya, û serokê Hevbendiyê got ku gotûbêj derbarê çakkirin û pêşdebirina karê alayên leşkerî çêbûn, bi armanca ku bigehên pîvanên damezirandina Artêşeke niştimanî, û got ku wê ev artêş bi roleke giring di parastina sivîlan rabe.

Şanda Hevbendiya Niştimanî duh giha herêmên rizgarkirî, û ev seredana sêyem e di çend hefteyên bûrî de, bo tekezkirina peymana Idlibê û sûdewergirtin ji wê bo cîbicîkirina karê birêveberiya sivîl û bicihkirina karê dadweriyê, hem kartêkerkirina karê dezgehên xizmetkariyê da sivîlên wan herêmêan sûdeyê jê bibînin.

Jêder: Ofêsa Ragehandinê ya Hevbendiya Niştimanî

22 October 2018 In Nûçeyên Hevbendiyê

Şandeke Hevbendiya Niştimanî ya Hêzên Şoreşê û Rikberiya Sûriyê bi serokatiya serokê Hevbendiya Niştimanî mamoste Ebdulrehman Mistefa seredana herêmên rizgarkirî li bakurê Sûriyê kir, û çend civîn digel encûmenên xwecihî û alayên leşkerî û navendên dadweriyê lidar xistin.

Şandeyê digel serokê desthilata Sûriyê ya demkî Dr. Cewad Ebû Heteb û emîndarê giştî yê Hevbendiya Niştimanî Dr. Nezîr Elhekîm û çend endamên desteya giştî ya Hevbendiya Niştimanî bû.

Seredan bo gundewarê Helebê yê bakur û rojhelat û ji nav wan bajarokê Elraî’, û şande digel nûnerên encûmena dadwerî li hindirê Koçka dadweriyê ya li bajarok civiya, û digel wan behsa giringiya rola dadweriyê û pakiya wê û dabînkirina dadweriya sizadanê kir, her weha civîneke din digel encûmena parêzgeha Helebê û encûmenên şaxan li herêmê pêk anî.

Serokê Hevbendiyê got ku em dê di dema dahatî de seredanên xwe bo herlêmên rizgarkirî bêtir bikin, û civînan digel birêveberiyên xwecihî û desteyên sivîl pêk bînin, û destnîşan kir ko amanc ji wan ew e, giringiyê bidin rola birêveberiya xwecihî û karê dezgehî, û bi hemû şêwe û karînan piştgiriya wan bikin.

Mistefa got: ‘’hevdîtin bi encamên erênî bûn, û pêdiviya wan bêtir bi kar heye ji bo bigehêjin karên bihêz ko wan ramanan hemûyan li herêmên rizgarkirî cîbicî bikin. Û ‘’ destnîşan kir ko wî raportên ko encûmenên xwecihî amade kirine û arîşeyên têtin pêşiya wan xwendine, û got ku em hewcedar in ko rola birêveberiyên sivîl bi hemû awayan bihêz bikin.

Û got ku gelek karêmn mirov dikare bike hene, tev li beraberiyên mezin yên hene , û got : “Min gelek ji viyana hevkarî û encadanê û avekieinê dît” .

Hevbendiyê diyar kir ko bi hevkariyê digel desthilata demkî û alayên leşkerî di mijara kar de bo aktîvkirina karê dezgehên xizmetkariyê û yên birêvebirina bi hêza xelkên wê û got me plan kiriye ko li nav gel bin, û bi hemû şêweyan em ê hewil bidin wisa bin.

Her weha tekez kir ko cîbicîkirina peymana Idlibê û dabînkirina aramiyê ji niştecihên herêmê re, li ser me ferz dike ku em xizmetguzaiyan û jiyaneke bi rûmet ji tevaya deverên rizgarkirî re dabîn bikin.

Jêder: Ofêsa Ragehandinê ya Hevbendiya Niştimanî

18 October 2018 In Nûçeyên Hevbendiyê

Cîgirê Serokê Hevbendiya Niştimanî ya hêzên şoreş û rikberiya Sûriyê, Abdul Basit Hemo, tekez kir ku derengxistina gihandina karwanên alîkariyên mirovî ji aliyê rejîma Esad de, dê metirsiyê li ser jiyana sivîlan li kampa El-Rikban bêhtir bike , û tekez kir ku ev yek binpêkirinek mezin e ji mafên mirovan re û di asta tawanên şer de ye.

Hemo îro di daxuyaniyeke taybet de got ku raportên ji kampa El-Rikban tên "Cihê sehm û tirsê ne" û daxwaz ji Netewên Yekgirtî kir ku kar ji bo gihandina alîkariyên mirovî û pizîşkî yên awarte ji niştecîhên kampê re bike.

Û bal kişand ser ku rejîma Esed vê rêbazê bikar tîne ji bo sepandina mercên xwe li ser xelkê, bi rêbazên dorpêçkirin û birçîkirinê, û got ku rejîm vê rêbazê bikar tîne bêyî guh bide yasayên ji aliyê Konseya Ewlekariyê derdikevin, û ev yek vegerand sedema bêkêriya Netewên Yekbûyî derbarê rawestandina tawanên rejîmê her ji destpêkê de.

Hemo, bal kişand ser ku rewşa li kampê ber bi xirabiyê diçe, bi taybetî ji ber hebûna bi deh-hezaran koçberên kêmendam, ên ku 1460 jin û 1621 mêr û 4273 zarok in, li gorî amarên rêveberiya sivîl ya kampê.

Û daxwaz ji rêxistinên hawarhatinê yên navnetewî kir ku zarokan rizgar bikin ji ber ku ew yên "herî pêwîstiya wan bi alîkariyan heye" û got ku ew "li benda kesekî ne ku wan ji projeyê birçîkirinê yê ji aliyê rejîmê li dijî wan û malbatên wan tê kirin rizgar bike".

Û daxwaz ji civaka navnetewî kir ku "bilez kar bike", herwiha fişarên pêwîst li ser rejîma Esed bisepîne, ji bo rakirina dorpêçkirina xwe ya li ser kampê, û rê bide derbasbûna karwanên alîkariyê bêyî çi mercan.

Jêder: Ofîsa Ragihandina Hevbendiya Niştimanî ya Sûriyê

Page 1 of 3
Home Nûçe Nûçeyên Hevbendiyê Items filtered by date: October 2018