30 November 2018 In Nûçeyên Hevbendiyê

Li perawêza hevdîtinên desteya siyasî li bajarê Gaziantebê li Tirkiyê, ji aliyê Ofîsa piştgiriya danûstandinan ya ser bi Hevbendiya Niştimanî ya hêzên şoreş û rikberiya Sûriyê ve, worşopek gotûbêjkirina coreyên sîstemên hikûmraniyê ji bo paşeroja Sûriyê hat lidarxistin.

Workşop hat lidarxistin bi beşdariya yasanas û çalakvanên mafên mirovan û pisporên biwarê coreyên hikûmraniyê, û têde sîstemên rêveberiyê yên cuda tevlî başî û nebaşiyên wan hatin gengeşekirin, bi armanca amadekirina seqayekê ji bo bidawîkirina desthilata stemkar li Sûriyê ya bi dirêjahiya dehên salan û nehêlana dubarekirina wê.

Serokê ofîsê û endamê desteya siyasî ya Hevbendiya Niştimanî Hewas Sadûn, tekez kir ku Hevbendiya Niştimanî kar dike ji bo piştgiriya desteya danûstandinê bi dose û belgeyên nû ji bo piştgiriya pêvajoya danûstandinan, û ji bo pêkanîna sîstemeke nû ya hikûmraniyê di nava çarçoveya çareseriya siyasî ya giştî de, ya ligorî tekstên biryarên navnetewî, bi taybetî jî daxuyaniya Cenevre û biryara 2254.

Sadûn bal kişand ku Hevbendiya Niştimanî dê hewldanên xwe berdewam bike ji bo pêkanîna daxwazên gelê Sûriyê ji bo bidestxistina sîstemeke demokratîk û firealî ji bo nûnertiya rastiya corbicorbûna gelê Sûriyê bike, û rê li ber qebûlkirina mafan û beşdariya hemû hemwelatî û pêkhateyan bike, û got ku ev workşop wê her demekê lidar bikevin, ji bo dabînkirina baştirîn şêweyê hikûmraniyê.

Û bal kişand ku ji bo pêkanîna veguhestina tekûz li welêt li gor biryarên navnetewî , hewcedarî bi diristkirina bingehên pêwîst ji bo avakirina sîstemeke nû ya rêveberiyê heye, ku nehêle ti alî yan dezgeha dewletê biryarê bi tekûzî kontrol bike.

Jêder: Ofîsa Ragihandina Hevbendiya Niştimanî ya Sûriyê

29 November 2018 In Nûçeyên Hevbendiyê

Hevbendiya Niştimanî ya Hêzên Şoreşê û Rikberiya Sûriyê tekez kir ko endazyara kompyûter Leyla Şiwêkanî û Doktora Fîzîkê Fatin Receb bi êşkenceyê li ser destê rêjîma Esed hatine kuştin, komîta vekolîna navdewletî ya taybet bo Sûriyê daxwaz kir ko berpirs têkevin dadpirsînê û çarenivîsa hemû girtiyan aşkere bibe.

Dezgehên ewlehiya rêjîmê Şiwêkanî ya 28salî ya du regezname pêre hene -ya Emerîkî û ya Sûrî- sala 2016ê ew li Şamê girtibûn, û Receb ji hêla şaxa ewlehiya asmanî bi sedema çalakiyên wê ko xwepêşandan rêkxistin dikirin li bajarê Dûma hatibû girtin.

Çalakvanan diyar kirine ko navên herdu qurbaniyan di lîsta ko ji birêveberiya nifûsê re hatibûn şandin de bûn, wek bi hezarên qurbaniyên di zindanên rêjîma Esed de hatine kuştin.

Komîta lêpirsînê ya navnetewî ya serbixwe daxwaz ji rêjîmê kir ko sedema kuştina bi hezaran girtî di zindanên Esed de rave bike, û cihê kelaxên wan diyar bike, û bal kişand ser ko rêjîm berpirsiyariya diyarkirina sedemên kuştina wan hiltîne.

Hevbendiya Niştimanî daxwaz kir ko rêjîm pirotesto bibe, û alava bêlayen ya navdewletî aktîv bibe, tako lêpirsîn digel tawankarên cengê li Sûriyê pêk were.

Di pêngavekê giring de, ya rêkxitina lêbûrîna navdewletî dibîne ku ew “Gaveke ber bi misogerkirina dadweriyê de”, dadgeha firensî bîrdoz derbarê girtina sê berpirsiyarên mezin yên rêjîmê bi tawana êşkence û veşartina kotekî û tawankariyên lidijî mirovîniyê û tawankariyên cengê derxistiye.

Hevbendiya Niştimanî tekez kir ko misogerkirina dadweriyê û dadpirsîna tawankarên cengê pênavine giring in bo gihaştina çareseriya siyasî, destnîşan kir ko ji nav wan biryarên navdewletî yên taybet bi Sûriyê daxuyaniya Cinêvê û biryara 2254ê ne.

Jêder: Ofîsa Ragihandina Hevbendiya Niştimanî ya Sûriyê

28 November 2018 In Nûçeyên Hevbendiyê

Serokê Hevbendiya Niştimanî ya hêzên şoreş û rikberiya Sûriyê, Abdul Rehman Mistafa, nameyek ji Sekreterê Giştî yê Komkara Erebî, Ahmed Abo Alxêt re şand, têde hêviya xwe anî ziman ji bo kar ji bo cîbicîkirina hemû biryarên hatine standin ji aliyê Komkara Erebî bibe, û tevlî radestkirina kursiyê Sûriyê bo Hevbendiya Niştimanî.

Mistafa daxwaz kir ji bo Hevbendiya Niştimanî li ser hemû astan bête vexwendin, da beşdariyê di hemû civînên ji aliyê Komkara Erebî lidar dikevin bibe, û herwiha daxwaza redkirina "Hemû daxwazên nerewa yên hin aliyan yên ji bo radestkirina kursiyê Sûriyê careke din bo rejîma Esed" kir.

Mistefa bal kişand ku baştirîn çareseriya siyasî li Sûriyê wê di riya cîbicîkirina plana veguhestina siyasî bi awayekî tekûz re be, li gor daxuyaniya Cenevre û biryarên Konseya Ewlekariyê, û di serî de biryara 2118 û 2254, û tekezî li ser pêwîstiya avakirina desteyeke hikûmraniya veguhêz kir , da bi erkê veguhestina desthilatdariyê li Sûriyê rabe , ber bi qonaxa avakirina demokratiyê bi beşdariya hemû xelkê Sûriyê bê cudahî.

Serokê Hevbendiya Niştimanî di nameya xwe de bal kişand li ser biryar û helwestên ji aliyê Komkara dewletên Erebî hatine standin, ku hijmara wan 40 biryar bûn, û herwiha xembarîya xwe nîşan da hember guhertina hin dewletên erebî ji helwestên xwe û berpirsyariyên xwe yên yasayî re.

Tê zanîn ku Komkara Erebî biryar dabû li ser helawîstina beşdariya rejîma Esed di Komkara Erebî de, û tevlî birîna hemû pêwendiyên dîplomatîk li gel wê, û pêşkêşkirina kursiyê Sûriyê bo Hevbendiya Niştimanî wek nûnerê rewa û aliyê danûstandkarê sereke ligel komkarê.

Her weha komkarê komkujiyên bi destê rejîma Esad li dijî sivîlan şermezar kiribûn, û di nav wan de komkujiyên bi bikaranîna çekên kîmyayî, û daxwaza parastina sivîlan û pêşkêşkirina hemî cûreyên piştevaniyê ji bo gelê Sûriyê kiribû da parastina xwe bike.

Jêder: Ofîsa Ragihandina Hevbendiya Niştimanî ya Sûriyê

27 November 2018 In Nûçeyên Hevbendiyê

Serokê Hevbendiya Niştimanî ya hêzên şoreş û rikberiya Sûriyê, birêz Abdulrehman Mistafa, tekez kir ku rejîma Esad hewil dide civaka navdewletî têxe wê nerînê de ku ew desthilatê çaksaz dike û guhertinan di hikûmetê de çêdike, û bal kişand ku pirsgirêka sereke ya Sûriyê; ne girêdayî hebûn ya tinebûna hikûmetê ye, lê bi kiryar û tawankariyên rejîma stemkar ve girêdayî ye.

Mistefa îro sêşemê di daxuyaniyeke taybet de bi taybetî bal kişand ku rejîmê maf daye serokê xwe bo guhertina serokwezîr û wezîr û parlementerên wan, herwiha maf daye wî bo hilweşandina Encumena Gel û dadweriyê, û polîs û artêşa welêt jî kontrol dike.

Wî got ku tştê Esed niha dike her ji destpêka şoreşa Sûriyê de li adara 2011'an ve, ev bû şeş caran dubare dibe, bêyî tişteke nû li ser asta daxwazên gelê Sûriyê û bidestxistina mafên azadî û rûmetê pêk bîne, û tekez kir ku rastiyan berovajî piştrast kiriye ku rejîmê tiştek ji stylê xwe yê tawanên xwîndariyê neguhertiye, û kiryarên tolhildan û binçavkirinê hê jî li dijî mirovên sivîl û bêguneh in, û heta li dijî penaberên vedigerin ji Libnanê, li gor gotina wezîrekî Libnanê.

Serokê Hevbendiya Niştimanî derbarê guhertina ji aliyê rejîmê hatiye pêkanîn bi destnîşankirina Mohemed Xalid Rehmon wek wezîrê karên hundir, ku yek ji wan kesên gunehbar e bi pêkanînz tawanên şer li dijî sivîlan, wiha got: " Rejîm ji hejmarek ji sûcdaran pêktê, û çi guhertinek ji aliyê wê ve dibe; pîvanên navdewletî yên li gorî biryarên navnetewî yên ji bo guhertina berfireh bi riya desteyeke hikûmraniya veguhêz ya xudan desthilat bicî nayine".

Herwiha tekez kir ku her hewleke dubarekirina desthilata rejîma Esad nayê pesendkirin û wê sernekeve, û matmayîna xwe nîşan da li hrmber welatên "Hatine xapandin û dixwazin baweriyê li rex welatên din peyda bikin li ser dubarekirina desthilata rejîma Esad û serederiya careke din ligel wê".

Rêxistina "Ligel Edaletê" ya mafên mirov, diyar kir ku Rehmon serpereştiya kiryarên serdegirtin û êrîşên li dijî navçeyên Heresta û Arbîn û Dûma û taxên Barza û Qabûn li Şamê û taxên wê kiriye, û her wiha serpirştiya kiryarên lêkolîn û îşkenceyê kiriye, û bi dehezaran welatiyên sûrî ji aliyê dezgeha wî ve hatine binçavkirin û di bin îşkenceyê de hatin kuştin, û diyar kir ku dezgeha îstîxbarata esmanî ya bi serpirştiya wî bû bi "Dezgeha Mirinê" dihate binavkirin.

Jêder: Ofîsa Ragihandina Hevbendiya Niştimanî ya Sûriyê

26 November 2018 In Nûçeyên Hevbendiyê

Hevbendiya Niştimanî ya Hêzên Şoreş û rikberiya Sûriyê dît ku Hewldanên Rûsya û rêjîmê eşkere ne ji bo têkbirina peymana Idlibê û peydakirina bihaneyan ji bo binpêkirin û êrîşên berdewam yên li dijî sivîlan ku bûne sedema kuştina bidehên sivîlan û di nav wan de zarok jî.

Hevbendiyê di daxuyaniyekê de tekez kir ku Rûsya berdewam e di propagandaya ji derew û gotinên rejîmê re bi riya hewldanên xwe yên belavkirina tevlîheviyê û veşartina rastiyan û atengîkirin û jinavbirina karên siyasî.

Hevbendiyê bal kişand ser ku di dema borî de, milîsên Îranê li derdora Heleb û Idlibê kom dibûn, wek hewildanekê ji bo peydakirina behaneyan ji bo binpêkirina peymana Idlibê, û got ku Rûsya hevdem kar dike ji bo "veşartina van binpêkirinan bi riya dezgehên xwe yên siyasî û medyayî, ji bo yasakirina tawanên rejîmê, û berpirsiyariya wê di ber bikaranîna çekên kîmawî de zêdetir ji 140 carî piştguh dike ".

Hevbendiyê got ku armancên van propagendayên ji madeyên kîmawî re berî lidarxistina civîna Astana ya çaverêkirî eşkere ne, ku ​​rêjîm û Rûsya û Îran dixwazin kaxezan tevlîhev bikin û civînê ji naveroka wê vala bikin, û armancên wê yên ji bo vegera danûstandinên Cinêvê û hewldanên ji bo çareseriya siyasî dûrî rastiyê bixin".

Hevbendiyê got ku rejîma Esed gelê Sûriyê "dorpêç dike bi piştgiriya Rûsya û Îranê, û bi sedhezaran kes hatine girtin û kuştin, û bi milyonan hatine koçberkirin di riya bikaranîna hemû rêbazan, ji bermîlên teqîner ta bighê çekên kîmyayî, û ti carî rêjîm û mîlîsên terorîst yên Îranê dudiliyê nakin, dema bixwazin çi deverê bombebaran bikin, û komkujî ji bo berjewendiyên wan li her derê pêk tên, û ji serê çend salan ve van karan dikin, û niha li Helebê van kirdeyan dikin ji bo koçberkirin û tirsandina xelkê wê".

Herwiha dît ku êş û derdên xelkê Sûriyê û tawanên li dijî wan têne pêkanîn di stûyê hemû dinyayê de ne, û em hemû binpêkirin û tawanan bi rastî dişopînin, û ev yek me han dide li ser pêdiviya dubarekirina aktivkirina Komîsyona Navnetewî ya hevbeş û raguhestina fayilê hemû tawanên li Sûriyê dibin ji bo Dadgeha Ceza ya Navnetewî, û sizakirina hemû kesên ku destê wan di rijandina xwîna xelkê Sûriyê de heye bi sizayên herî dijwar.

Jêder: Ofîsa Ragihandina Hevbendiya Niştimanî ya Sûriyê

24 November 2018 In Nûçeyên Hevbendiyê

Hevbendiya Niştimanî ya hêzên şoreş û rikberiya Sûriyê bi tundî "tawankariya terorîstî" ya terorkirina çalakvanê medyayê Raîd Faris û hevalê wî yê wênegir Himûd Cinêd şermezar kir, û da zanîn ku "vê tawanê cihekî xweştevî di dilê şoreşa sûrî de armanc kir".

Ku Elfaris û Cinêd ji aliyê komeke seruçavpêçayî ve li Kefr Nibl li gundewarê Idlibê hatin gulebarankirin, dema diçûn ji bo romalîna xwepêşandanên roja înê.

Hevbendiya Niştimanî di daxuyaniyekê de tekez kir ku vê tawanê cihekî xweştevî di dilê şoreşa sûrî de armanc kir, û bi taybetî jî ji ber pileya bajarê Kefr Nibl di wijdana xelkê Sûriyê de, wekî sembolekê ji sembolên şoreşa Sûriyê bi rêya çalakiyên xwe yên aştiyane û sivîl, û bi derbirîna pankartên xwe yên li ser daxwazên gelê sûrî bi dirêjahiya çendîn sal.

Hevbendiyê da zanîn ku berpirsyariya vê tawanê dikeve stûyê "hevpeymaniya zordarî û terorê", ku herdu şehîd li dijî wê radiwestiyan, û bi destê wê Raîd li demeke pêştir hatibû revandin û herwiha rastî hewildaneke kuştinê hatibû.

Herwiha Hevbendiyê di daxuyaniya xwe de gotibû ku herdu "şehîdan" xebat li dijî rêxistineke terorîst ya bêsînor dikirin, ku hêjî ew rêxistin ji bo revandina şoreşê û goherîna wê ji ser rêya azadiyê û dadweriyê kar dike, ku ew heman alî ne yên li kêleka rejîmê radiwestin, ji bo dijminatiya gelê Sûriyê û mafên wî û tevgera sivîl ya aştiyane her ji sala 2011'an ve.

Hevbendiyê piştrast kir ku ew û "Bi hevkariyê ligel hikûmeta demî û saziyên wê dê hemû hewldanan bikin ji bo lêgerîna kujeran û dadgehkirina wan".

Û dubare tekez kir ku "ev bûyera diltezên dê bandoreke xwe ya giran hebe di dilê her welatiyekî bişeref de, ji ber ku ziyaneke mezin e û zehmet e cihê van herdu şehîdan bête dagirtin", û got: lê di heman demê de, me hêviyên mezin hene bi cesareta gelê Sûriyê li ser dirêjîpêdana xebatê û bilindkirina xetîra şoreşê û pabendbûna bi prensîp û rewişt û sincên wê.

Ji aliyê wezareta derve ya Amerîkî û Brîtanî ve sersaxî derbarê şehîdketina çalakvanan hat kirin, û Wezareta Derve ya Amerîka di daxuyaniyekê de got ku "Raîd û Himûd qet bi dudilî ji gotina rastiyê venedigeran û pabendî bi nirxên resen yên şoreşê dikirin", hevdem Wezareta derve ya Brîtanyayê li ser zarê nûnerê xwe yê taybet Martin Ongden, got ku Raîd "wijdana şoreşê"bû, û da zanîn ku mirina wî "ziyanek bû bo Sûriyê".

Herdu çalakvan ji çalakvanên herî sereke di nava bizava sivîl ya şoreşgerî de li parêzgeha Idlibê bûn, ku ji aliyê Elfaris radioya "Fresh" hatibû diristkirin, lê bêhtir ji carekê hate daxistin, û damezrandina "yekîtiya ofîsên şoreşgerî li bajarê Kefr Nibl," herwiha "Cinêd", yek ji xebatkarên medayî yê"Radio ya Fresh" bû ji yekemîn wan kesan bû yên ji bo belgekirina binpêkirinên rejîma Esed dixebitin.

Jêder: Ofîsa Ragihandina Hevbendiya Niştîmanî ya Sûriyê

23 November 2018 In Nûçeyên Hevbendiyê

Serokê Hevbendiya Niştimanî ya hêzên şoreş û rikberiya Sûriyê, Abdul Rehman Mistafa, cext kir ku rejîma Esed bi guhertina demografîk radibe, bi riya girtina rê li pêşiya vegera koçberan li welêt piştî yasakirina destdanîna li ser mal û milkên wan.

Mistafa duhî di daxuyaniyekê de ji ajansa Anatolyayê re got ku "rejîm lîsteyan dirist dike ji bo amadekariya destdanîna li ser milkên dijberan, paş re dadweriya rejîmê her demekê navên wan kesan belav dike yên ku wê milkên wan bêne desteserkirin".

Mistefa got ku pêdiviya rejîma Esad bi hincetan nîne ji bo destdanîna li ser milkê welatiyên ku ew dixwaze, ji ber ku ew wek zeviyeke taybet li welêt temaşe dike, û tekez kir ku rejîm rijde li ser destdanîna ser mal û milkên bi milyonan kesên ji welêt koçber bûne.

Mistefa got ku "Hevbendiya Niştimanî doseya destdanîna ser mal û milkên hemwelatiyan li civînên navnetewî pêşniyar dike, û hevdem daxwaza bikaranîna fişaran li ser rêjîmê dike, ji bo bête neçarkirin li ser destberdana ji vê yekê".

Mistefa got: "li gorî agahiyên di destê me de, rêjim di riya rêveberiyeke taybetî re ji bo vê mebestê kar dike, da destdanîna li ser malên hemwelatiyan yasayî bike ".

Herwiha berî çend rojan rêxistina "Human Rights Watch " ragihandibû ku Rûsya û rejîm dixwazin di riya projeyê avadankirinê re perebexşan bi alî xwe de bîne, lê li aliyekî din jî bi riya qanûna mafên milkiyetê rê li pêşiya vegera kocberan li ser malê wan digire.

Hêjayê gotinê ye ku Hevbendiya Niştimanî bal kişandibû ku rejîma Esad hewl dide destê xwe danê li ser mal û milkên welatiyan, bi riya diristkirina rêveberiyeke taybet ji bo cîbicîkirina mersûmê 66, û ragihandina lîsteyên taybet bi milkdarên nû li deverên Kefersûsê û El-Mezze û Darya û El-Qedem, bi destdanîna li ser mal û milkên dijberên xwe ".

Hevbendiyê diyar kir ku "serrastkirina hatî di yasa hejmar 10 de, mafên welatiyan wek tê xwestin naparêze, û tirsa wan ji holê ranake, û ew jî wek ya din e ji aliyê nebûna derfetên amadebûna xwediyên malan, ji ber nebûna atmosfereke aram û dadwerîya serbixwe di rewşa niha de".

Jêder: Ofîsa Ragihandina Hevbendiya Niştimanî ya Sûriyê

22 November 2018 In Nûçeyên Hevbendiyê

Hevbendiya Niştimanî ya Hêzên Şoreşê û Rikberiya Sûriyê civînek ligel penaberên Sûrî yên li Libnanê û kampên wê pêkanî, bi amanca dîtin û nirxandina rewşa wan , û pêdiviyên wan ên fêrkirin û tendiristiyê gengeşe kirin.

Ew civîn bi rêya toreke televizyonî ya girtî roja çarşembê çêbû, bi rêkxistinkirina birêveberiya karûbarên penaberan ya Hevbendiya Niştimanî, û penaberên Terablis, Buqa’ û kampên Ersal axivîn.

Seroka birêveberiyê Emel Şêxo tekez kir ko milîtanên Hizbullaha tirorist berpirsiyariya mezin ya tawankariyên derheqê penaberên Sûrî de li Libnanê çêbûne hildigirin, ji wan jî revandin û girtin û êşkencedan, hem jî tiştin din kirine ko jiyana penaberan kiriye zehmetiyeke herdemî.

Di heman çaxî de destxweşî li helwest û bizavên wezîrê karûbarê penaberan Muîn Merebî kir, yê ku parek ji berpirsiyariyê da ser milê desthilata Libnanî û dezgehên wê yên ewlehiyê, û daxwaz kir ko mafên penaberan bi tekûzî li gora yasayên navdewletî dabîn bibe, û got ku giring e rê li ber rêkxistinên navdewletî vebe bo dîsa bi pirogramê xwe yê xizmeta penaberan rabe.

Şêxo got ku endamên Hevbendiya Niştimanî ligel gelek penaberên Sûrî li Libnanê axivîn û bi rewşa wan ya jiyanê agahdar bûn, bi taybetî ya fêrkirin û tendiristiyê, hem jî alîkariyên xwarinê û yên bijîşkî.

Û bal kişand ser ko rewşa mirovî ya penaberên Sûrî yên li Libnanê pir xerab e, û bi taybetî werzê zivistanê hatiye, û anî ziman ku kampên penaberan yên li piraniya herêman, ji pîvan û mercên navdewletî dûr in, û pêdiviya wan bi çaksazkirinê heye.

Şêxo daxwaza lêkolînine navdewletî kir bo çarenivîsa hin penaberên ko ji Libnanê vegeriyane Sûriyê aşkere bibe, û got: Raportin hene tekez dikin ko rêjîma Esed hin malbatên vegeriyane gundewarê Humsê kuştine.
Û got hêj rewş bo vegera penaberan ne guncav e, û daxwaz ji Netewên yekgirtî kir ko pirosesa siyasî aktîv bike tako bigehên çareseriyeke siyasî li gora daxuyaniya Cinêvê û biryara 2254, ko ew dê alîkar be bo zemîneke aram û bêlayen dabîn bibe, û ev rê wê bihêle penaber ji ber xwe ve vegerin.

jêder: Ofêsa Ragehandinê ya Hevbendiya Niştimanî

21 November 2018 In Nûçeyên Hevbendiyê

Encûmena îslamî ya Sûrî di daxuyanîyekê de li ser rûpela xwe ya fermî li ser malpera "Facebook"ê duhî tawankariyên milîsên Îranê li Sûriyê şermezar kirin, yên bûne palpişt bo dirêjkirina sedemên mana rejîma Esed, û civaka navnetewî berpirsyar dît di ber siyasetên mezhebî yên Îranê û ferzkirina şî'îtîyê li Sûriyê .

Di daxuyaniya Encûmenê de hat ku Îranê corek ji dagîrkariya herî xirab e, ku li dawiyê karî şî'îtîyê bi darê zorê li hin deverên Sûriyê li ser xelkê ferz bike, û bal kişand ku Îran şî'îtiyê ji berî şoreşê de bi awayên nerim belav dike.

Encûmenê tekez kir ku Îran dewleteke dagîrker ji Sûriyê û gelê wê re ye, ew hevparê rejîma tawanbar e di hemû tawanên wê de her ji rojên pêşî ji destpêka şoreşa Sûriyê, û herwiha zêdetir ji pêkanîna kiryarên kuştin û tawankariyan rabû bi guhertina demografîk bi darê zorê.

Di daxuyaniya Encûmenê de hatiye ku Îran guhertina çandî û îdeolojîk bikar tîne, bi riya peydakirina nakokîyên kûr di civaka Sûriyê de, bi avakirina sazî û zanîngeh û xwendingehên belavkirina mezhebê şî'îtiyê li çend bajaran.

Encûmenê di daxuyaniyê de bi giştî bang li hemû pêkhat û dezgehên zanistî û olî û hemû xemxoran kir ku li dijî vê dagîrkariya çandî ya ku dê hemû nirxên pêkvejiyan û aramiyê jinav bibe di nava gelê Sûriyê de rawestin.

Encûmena îslamî di daxuyaniya xwe de da zanîn ku ev dagirkerî dibe gef li ser hemû pêkhateyên olî û taybetmendiya gelê Sûriyê , û Îranê bangdana nimêjê û şêweyên din ên mezheba şî'îtiyê li hin deverên sunemezheb wek Dêrazorê ferz kirine.

Encûmenê daye zanîn ku dagîrkeriya çandî bi tirstir e ji dagîrkeriya leşkerî, û hişyarî da xelkê Sûriyê ku hevkariyê bi wan saziyên ji aliyê Îranê li Sûriyê kar dikin di bin perdeya olî yan zanistî de nekin.

Encûmenê di dawiya daxuyaniya xwe de, hemû rêxistinên herêmî û navnetewî û saziyên têkildar berpirsyar dîtin di ber bêdengiya li hember siyasetên Îran bi darê zorê bikar tîne ji bo guherandina baweriyên xelkê bi zorê, û ferzkirina dagîrkeriya çandî li Sûriyê, hevdem ligel guhertina demografîk, bi razîbûna rejîma mezhebperist.

Hêjayê gotinê ye ku Hevbendiya Niştimanî ya hêzên şoreş û rikberiya Sûriyê gelek caran hişyarî daye li hember metirsiya berdewamiya siyaseta hejmongeriya Îranê ya ji bo peydakirina guhertina demografîk li welêt, û ev yek bi tawanên şer binav kiribû, ku digehêjin asta tawanên dijemirov, û nabe bête paşguhxistin û divê lêpirsîn bibe û kesên berpirsîyar bêne sizadan.

Jêder: Ofîsa Ragihandina Hevbendiya Niştimanî

17 November 2018 In Nûçeyên Hevbendiyê

Serokê Hevbendiya Niştimanî ya Hêzên Şoreş û Rikberiya Sûriyê, birêz Abdul Rehman Mistafa, tekez kir ku dê encamên metirsîdar hebin û dê cîhan nirxekî mezin bide heger civaka navnetewî bilez rejîma Esed neçar neke li ser vegera maseya guftûgoyan û peydakirina çareseriyeke siyasî.

Ev tê di demekê de ku rejîma Esad hêjî li dijî welatiyên sivîl li Sûriyê tawankariyan pêk tîne, ji girtin û îşkence û revandin û darvekirinê, tevlî binpêkirina hemû peymanan, ku bûne sedema bi sedên qurbaniyan.

Mistefa di daxuyaniyeke taybet de got ku "dê dunya bacekî duqat bide li hember paşxistina çareseriya siyasî", û bang li dewletên aktor û bibandor kir ku fişaran li ser rêjîmê zêde bikin ji bo tevlîbûna di nava pêvajoya danûstandinan de da daxwazên xelkên Sûriyê bên misogerkirin ".

Wî bal kişand ser ku gihîştina çareseriyeke siyasî li gor daxuyaniya Cinêv û biryara 2254 "wê seranserî cîhanê ji metirsiya mana vê rejîmê ji bo demeke dirêj xilas bike".

Hevdem ku Mistafa ji Netewên Yekbûyî daxwaz kiribû ku hemû mekanîzman bikarbînin ji bo lêkolînkirina binpêkirinên di girtîgehên rejîma Esad de, herweha daxwaza karekî rasteqîn ji bo rizgarkirina jiyana bi sed hezaran kesên binçavkirî kiribû.

Herwiha daxwaza serederiyeke rast bi rewşa trajîk re, û standina biryareke wêrek ji bo veguhestina fayilê tawanên şer li Sûriyê bo dadgeha Ceza ya Navnetewî kiribû.

Jêder: Ofîsa Ragihandina Hevbendiya Niştimanî ya Sûriyê

Page 1 of 3
Home Nûçe Nûçeyên Hevbendiyê Items filtered by date: November 2018