19 February 2018 In Nûçeyên Hevbendiyê

Navçeya Xûta rojhilat rûbirû bombebaraneke berdewam ji aliyê hêzên Esed û milîsên wê dibe, û ev yek bûye sedema şehîdbûna bi dehên sivîlan, hevdem ku çalakvan dibêjin ku li derdora wê hêzên leşkerî yên nû kom dibin û xwe amade dikin ji bo derbasî navçeyê bibin.

Û çalakvanan kuştina 5 sivîlan û  birîndarbûna 10ên din li bajarokê Misraba bi bombeyên hêzên Esed û mûşekan belge kirin, û diyar kirin ku navenda bajêr bi awayekî bi mebest tê bombebarankirin, û ev yek bûye sedema ziyana li avahiyên nişteciyan.

Hevrêziya bajarê Dûma ya ser bi Xûta rojhilat ve li ser malpera xwe ya "Facebook"ê nivîsandiye ku navçeya di navbera herdu bajarokên Eleşe'rî û Elşêfoniyê de duhî ji aliyê hêzên Esed hatiye bombebarankirin û têde 4 sivîl şehîd ketine, û gotiye ku 3 sivîl li bajarokê " Otaya" û 2 li bajarokê "Seqba" û yek li bajarokê "Elmihemediyê" bi sedema bombebarana taxên nişteciyan bi top û mûşekan hatine şehîdkirin.

Û çalakvanan got ku zarokeka pêçekê jiyana xwe jidest daye bi sedema nebûna derman û xwarina pêwîst û dorpêçkirina li ser sivîlan ya ji aliyê hêzên Esed û pasdarên Îranê hatiye sepandin.

Hevbendiya Niştimaniya Sûrî hişyarî daye derbarê neguhdariya civaka navdewletî, û dîtiye ku dibe ev yek bibe sedema têkçûna piroseya siyasî eger rê li ber tewanên Rijêmê neyê girtin û berdewam bimîne .

Hêjayê gotinê ye ku Tora Sûrî ya mafê mirov, li roja 16'ê reşemehê raportek belav kir û têde gotibû ku nekêmtir ji 40 komkujî bi destê hêzên rijêma Esed li Xûta rojhilat hatine pêkanîn, û şehîdbûna 729 sivîlan tomar kiriye, 185 zarok û 109 jin û 7 karmendên bergiriya sivîl û 10 karmendên biwarê saxlemiyê û rojnamevanek di nav wan de hene.

Torê bal kişandibû ku hêzên Esed berpirsyar in di ber kuştina 697 sivîlan de, 177 zarok û 96 jin û 6 karmendên bergiriya sivîl û 10 karmendên pizîşkî û rojnamevanek di nav wan de hene.

Hevdem ku xelkê navçeya Xûta rojhilat her bi sedema dorpêçkirina li ser hatî sepandin ji pênc salan ve, rûbirû rewşeke mirovî ya zehmet dibin, û rêxistina lêborîna navdewletî "Amnesty" bikaranîna çekên qedexekirî ji aliyê Rijêmê û pêkanîna tawanên şer li dijî mirovan tekez kiriye.

Jêder: Ofîsa Ragihandina Hevbendiya Niştimanî ya

19 February 2018 In Nûçeyên Hevbendiyê

Serokê desteya danûstandinên Sûrî Nesir Elherîrî tekez kir ko arîşeya Sûriyê di kirdeyên hovane yên rêjîmê derheqê sivîlan de ye, ji ber ku wê bi sedhezaran xelk kuştine û bi milyonan koçber kirine.

Ev gotin di rûniştineke kongirê Miyûnix de yê ku duh karê xwe bidawî kiriye gotin, û got ku tiştê hat gotûnêjkirin behsa sedema bingehî ji tişta li Sûriyê çêdibe re û çav jê tê girtin nekiriye, û dibêne ko rewşa Sûriyê dilê arîşeyên rojhilata navîn e.

Rlherîrî ronî da ser rewşa mirovî ya xerab a ku sivîl têde dijîn, di dema wan êrîşên leşkerî de yên nuha li bajar û bajarokên Sûriyê bi destê rêjîmê û hevalbendên wê dibin, û destnîşan kir ko hêzên rêjîmê çekên qedexeya navdewletî wek yên kîmawî bikar tînin.

Serokê desteya danûstandinan got ku arîşeya Sûriyê di rêjîmê de ye, ya ko nêzîk 500hezar mirov kuştine, piraniya wan sivîl in, û bêtir ji 11 milyonan koçber kirine.

Dîsa tekez kir ko desteya danûstandinên Sûrî bi çareseriya siyasî ya li gor Cinêv1 û biryara navnetewî 2254ê pabend e, ta bigehê çareseriyeke siyasî ko hêviyên miletê Sûrî bicih bîne.

Jêder: Nivîsgeha Ragihandinê ya Hevbendiya Niştimanî

 

17 February 2018 In Nûçeyên Hevbendiyê

Desteya siyasî ya Hevbendiya Niştimanî Sûrî tekezî li ser hevgirtina hemû hêzên şoreşê kir tako li himber astengiyên dahatî rawestin, û bi helwestên şoreşa Sûriyê pabend bin, heta daxwazên wê yên azadî û rûmetê misoger bikin, û desthilateke piralî û dîmuqratî damezirînin.

Endamên desteya siyasî seredanekê çûn bajarê Xazî Entaba Tirkî, û hevdîtin digel nûnerên çend dezgehên şoreşê û şepêlên partiyan û encûmenên xwecihî û serokê desthilata Sûrî ya demkî û wezîrên wê kirin, û dawîtirîn pêşveçûnên meydanî û siyasî digel wan gotûbêj kirin.

Her weha endamên desteya siyasî digel desteya siyasî ya Tirkumanî ya ko nû hatiye hilbijartin civiya, û digel hev dîtina hevbeş bo paşeroja Sûriyê gotûbêj kirin, û desteya siyasî tekez kir ko Encûmena Tirkumanî pareke resen e ji Hevbendiya Niştimanî Sûrî.

Desteya siyasî digel serpereştên desteya Erkan û artêşa niştimanî Sûrî re civiyan û dawîtirîn pêşveçûnên operasiyona Şaxa Zeytûnê gengeşe kirin, û piştgiriya xwe ya tekûz ji operasiyonê re dubare tekez kirin, û gotin ku giring e hemû rêkxistinên tirorist tune bibin û sivîl bêne parastin.

Wezîrên desthilata Sûrî ya demkî şiroveyeke berfireh li ser piroje û çalakiyên wezaret têde kar dike li herêmên welat yên corbicor tako xizmetên bingehîn ji niştecihan re pêşkêş bikin,  pêşdîtin kirin.

Endamên desteya siyasî bal kişandin ser zêdebûna êrîşên leşkerî yên vê dawiyê, yên rêjîm  û hevalbendên wê birêve dibin, û sivîl û jêrxanan amanc dikin tako fişarê bidin ser şoreşa Sûriyê  û şanda danûstandinan ya Cinêvê, ji bo  asta daxwazên xwe kêm bikin ji bo berjewendiya rêjîma dîktator.

Her weha tekez kirin ko nabe çav bê girtin ji viyana miletê Sûrî û qurbaniyên dane ji bo veguhastina siyasî ya tekûz li tevaya Sûriyê, û gotin ko rêjîma Esed bûye parek ji demek bûrî, û divê hemû hêz hevûdu bigirin tako beraberiya arîşeyên qonaxa nuha bikin.

Jêder: Nivîsgeha Ragihandinê ya Hevbendiya Niştimanî

16 February 2018 In Nûçeyên Hevbendiyê

Serokê desteya danûstandinan Dr Nesir Elherîrî diyar kir ko deste xwe amade dike ji bo pêkanîna kargeheke kar li nivîsgeha xwe li bajarê Cinêva Siwêsrî bi amanca gengeşekirina pirosesa dstûrê, ya ko di pirosesa veguhastina siyasî de hatiye li gora biryara navdewletî 2254.

Elherîrî di daxuyaniyeke taybet de îro bal kişand ser ko sozê lidarxistina kargehê dê nêzîktirîn dem de be, û got ew di çarçoveya ‘’bizava desteyê ji bo cîbicîkirina biryara Encûmena ewlehiyê ya hejmar 2254ê de ye, ko pirosesa siyasî Netewên Yekgirtî wê birêve dibe ji bo veguhastina siyasî ya ko daxwazên miletê Sûrî cîbicî dike misoger bibe. ‘’  

Destnîşan kir ko kargeh dê ji endamên komîta destûrî ya ko li hindirê desteya danûstandinan bi serokatiya mamoste Meşet Tiê’ma hatiye damezirandin  û ji çend pisporên Ereb û Navdewletî pêk bê, tekez kir ko kargeh dê hemû mijarên bi pirosesa destûrî ve têkildar nuha û yên paşerojê gotûbêj bike.

Serokê desteyê got ko karê kargehê çi têkilyên wê bi encamên kongirê Sotşî ve nîn e, bal kişand ser ko kargeh dê karê komîta destûrî ya ko berî salekê dest pê kir dê tekûz bike, tako bigehê şêweyekî ko xizmeta pirosesa veguhastina siyasî li gora biryara 2254ê bike.

Şanda desteya danûstanan ya Sûrî bi serokatiya Elherîrî duh giha bajarê Miyûnixa Elmanî ji bo di çalakiyên kongirê Miyûnix de yê ewlehiyê beşdar bibe. Şande dê digel Entonyo Gotîrîs emîndarê giştî yê Netewên Yekgirî îro înê bicive.

Di hevdîtinê de dê kêşeyên bingehîn ya pêşî zêdekirina êrîşên leşkerî li ser gundewarê Humsê yê bakur, Xûta rojhilat, Idlib û Helebê hem jî dosyên bingehîn wek yê girtiyan û agahkirina şandyarê navdewletî li Encûmena ewlehiyê gotûbêj bikin.

Jêder: Nivîsgeha Ragihandinê ya Hevbendiya Niştimanî

15 February 2018 In Nûçeyên Hevbendiyê

Berpirsiyarekî Hevbendiya Niştimanî ya Hêzên Şoreşê û Rikberiya Sûriyê tekez kir ko bêçaremana navdewletî hember rawestandina êrîşên leşkerî yên ko rêjîma Esed û hevalbendên wê Rûs û Îranî dijî sivîlan li Sûriyê pêk tînin, ji civaka navdewletî re şermezariyeke bêhempa ye, û baweiya pê û rastgoya wê dixe metirsiyê de.

Razgirê desteya siyasî yê Hevbendiya Niştimanî Mihemed Yihya Mektebî dibîne ko danûstandina berpirsiyarên navdewletî bi dosya Sûrî û qurbaniyan re nagehê asta berpirsiyariya ko dikeve ser milê wê û dezgehên wê, ji ber erkê wan e sivîlan di qeyranan de biparêzin.

Desteya siyasî ya Hevbendiya Niştimanî îro pêncşembê li bajarê Xazî Entabê civînek lidar xist ji bo pêşveçûnên siyasî û meydanî yên dawî gotûbêj bikin û dîsa daxwaz ji civaka navdewletî kir ji bo bikarhatina  gaza jehrîn ji hêla rêjîmê ve bête sizadan û hemû tawankariyên rêjîm derheqê sivîlan de pirotesto kirin.

Mektebî bal kişand ser berdewambûna berpirsiyariyên navdewletî di xistina berpirsyariyê ser hemû aliyan, û tawankar û qurbaniyan dikin wek hev, mijareke nesincîtî ye, û got lu giring e Netewên Yekgirtî bi berpirsiyariyên xwe rabe û êrîşên rêjîm û milîtanên wê pê radibin pirotesto bikin, çimkî ew tawankariyên cengê ne û li dijberî yasaya navdewletî û ya mirovî ye.

Çend herêmên Sûriyê tûşî êrîşên leşkerî yên bêhempa bûne, di encama wan de bi sedan kes şehîd ketine û birîndar bûne, û jêrxan û baregehên tendiristî wêran bûne.

Yekîtiya Bijîşkên Sûrî yên azad li Xûta rojhelat duh çarşembê rawestaneke pirotestokirinê li ser koma wêraniya Nexweşxaneyekê  pêkanîne, bêdengiya navdewletî ya bo van komkujiyên ko rêjîm bi hemû çekên qedexe û gaza kilora jehrîn pêk tîne pirotesto kirin.

Jêder: Nivîsgeha Hevbendiya Niştimanî

15 February 2018 In Nûçeyên Hevbendiyê

Serokê Desteya danûstandên Sûrî Nesir Elherîrî û şanda desteyê digel wezîrê derve yê Emerîkî Rîks Tîlirson duh çarşembê li paytexta Urdunê Eman civiya.

Elherîrî di hevdîtinê de got giring e helwesteke navdewletî ya tund bo beraberiya bikaranîna rêjîma Esed ji çekên kîmawî re bête standin û giring e, rê li ber têwerdana destê Îranî di Sûriyê de bête girtin, wek ko di daxuyaniyê de hatiye li ser malpera fermî , tê de gotiye ko hevdîtin ‘’li ser piraniya kêşeyên bingehîn yên dosya Sûrî li hev kirin ‘’

Elherîrî tekez kir ko miletê Sûrî êdî nema baweriyê bi pirosesa danûstandinan dike ji ber miqeresiya rêjîmê û astengiya wê ji bizavên dîtina çareseriyeke siyasî, destnîşan kir ko ‘’ yekîtiya xaka Sûriyê xema hemû Sûriyan e.‘’

Her weha li ser cîbicîkirina biryarêb rewaya navdewletî kir yên bo veguhastina siyasî û misogerkirina amancên wê, bal kişand ser ko giring e ‘’piştgiriya rastî bo hevrikiyê re bibe ya ko hevkariyeke baş bi bizavên civaka navdewletî re dike. ‘’

Ji aliyê xwe ve wezîrê yê Emerîkî got welatê wî amade ye ko hevkariyê bi desteyê re bike tako bigehê encamin rastî bo pirosesa siyasî û got giring e Rûsya jî alîkariyê bike ji bo pirosesa siyasî serbikeve ko rêjîmê bîne ser maseya danûstandinan û giring Îran têwerdana leşkerî û siyasî di kêşeya Sûrî de neke.

Li gora daxuyaniya desteyê wezîrê derve yê Emerîk di hevdîtinê de got Waşinton digel Mosko jidil kar dike bo avakirina baweriyê bi biryarên navdewletî yên ko derbarê dosya girtiyan û hêsankirina gihandina alîkariyên mirovî bo herêmên dorpêçkirî.

Destnîşan kir ko aliyê Emerîkî bizavê dike bo dîsa pirosesa siyasî dest pê bike, amaje bi bizavên desteyê û jidilbûna wê kir bo çareseriyekê bibîne ko amanceên miletê Sûrî misoger bike. Tîlirson tekez kir ko pirosesa dîsa avakirinê li Sûriyê bi serkeftina pirosesa siyasî ve mercdar e.

Di daxwiya hevdîtinê de herdu aliyan li ser berdewamiya şêwiran li hev kirin û gelek hevdîtinên teknîkî pêk bînin, tako piştgiriya hevrikiya Sûrî misoger bike, alîkariyê bi dîtina çareseriyeke siyasî re bike ko têkçûna rewşa giştî li Sûriyê rawestîne û veguhastina siyasî li gora biryarên Netewên Yekgiertî misoger bike.

Jêder: Nivîsgeha Ragihandinê ya Hevbendiya Niştimanî

14 February 2018 In Nûçeyên Hevbendiyê

Hin berpirsên Hevbendiya Niştimanî ya hêzên şoreş û rikberiya Sûriyê tekez kirin ku rêkeftinên agirbestê ber bi hilweşînê de diçin, û cext kirin ku berpirsyaretiya vê yekê bi tevayî dikeve li ser milê Rûsiya.

Ev daxuyaniyên berpirsên Hevbendiyê di çavpêketinekê de bi rêka bazinekî tevliziyonê yê daxistî (CCTV) di navbera çend endamên desteya siyasî û serkirdeyên gundewarê Hemayê û bakurê Himusê de hatin, ku têde dumahîktirîn pêşhatên meydanî û êrîşên leşkerî yên Rijêmê û milîsên Îranê li ser sivîlan hatin gengeşekirin.

Serkirdeyên gundewarê bakurê Himusê bal kişandin ku ew bitirs in ji pêkanîna êrîşeke leşkerî li dijî sivîlên navçeyê, û amaje bi wê yekê kirin ku Rijêm bi awayekî tewaw bi rêkeftina "kêmkirina tundutîjiyê" pabend nebûye, û ev yek vegerandin dorpêçkirina navçeyê, û herwiha hatin li ser rojeva rewşa sivîlên bajarên " Elhola û Teblîsê" ya zehmet, û serkirdekî gundewarê Hemayê diyar kir ku komelgehên koçber û sivîlan rastî bombebaranê dibin hevdem ku hîç pêdawîstiyên jiyanê li wan komelgehan peyda nabin, ku têde nêzîkî 50 hezar mirovên ji çar salan ve dorpêçkirî libin barên giran yên jiyanê dijîn.

Endamên desteya siyasî tekez kirin ku agirbest yekem pêgava ber bi çareseriya siyasî ye, û hişyarî dan ji helweşandina piroseya siyasî bi carekî bi sedema berdewamiya bombebaran û binpêkirinan.

Û tevaya berpirsyaretiya vê yekê xistin stûyê Rûsiya ji ber ku gerantorê rijêmê ye, û daxwaza parastina sivîlan ji civaka navdewletî û NY kirin.

Jêder: Ofîsa Ragihandina Hevbendiya Niştimanî

13 February 2018 In Nûçeyên Hevbendiyê

Desteya danûstandinan ya Sûrî got ku wê pêşkeftinên meydanî û zêdebûna êrîşên leşkerî yên ko rêjîm û Rûsya û Îran pêk tînin gengeşe kirine, her weha rewşa bobelatî ya gelek herêman ji ber bikaranîna çekên corbicor yên qedexeya navdewêetî, û jêrxan û nexweşxane û navendên hawarhatinê amanckirine.

Desteyê di daxuyaniya xwe de got ko wê di civîna xwe ya vê qonaxê de li Paytexta Siûdiyê li Riyadê, û danûstandinên bi gelek aliyên kartêker re ji bo êrîşên rêjîmê rawestînin, ko hemû biryarên navdewletî binpê dike û tawankariyên li dijî mirovîniyê û yên cengî pêk tine gengeşe kirine.

Desteyê bal kişand ser ko wê mijara pirosesa siyasî ya gihanê û pêvajoya danûstandinên Sûrî yên li jêr sîwana Netewên Yekgirtî û şiyanên şandyarê navdewletî Stîvan Dî Mistora bo damezirandina komîteke destûrî gengeşe kir.

Desteyê got li kirde û têkilî û serdanên ko bi civaka navdewletî û dewletên Erebî re kirine nirxandine, û li ser helwesta xwe di hemû danûstandinan de ko lêvegera Netewên Yekgirtî ji bo hemû qonaxên pirosesa danûstandinê tekez kir, û giringî dan cîbecîkirina hemû hûrekên biryara 2254ê û daxuyaniya Cinêva1, û desteyeke desthilatdariyê ya bi hemû erk û karûbaran damezirînin.

Û destnîşan kir ko endamên desteya danûstandinê digel tîma şandyarê navdewletî hemû tiştên bi pirosesa danûstandinê ve têkildar gotûbêj kirin, û daxuyaniya desteyê anî ziman ko ‘’gelek pirs ji aliyê endamên desteyê ji endamên tîma şandyarê navdewletî bûn û nerînên xwe li ser xalên pêdiviya wan bi ronîkirinê heye gotûbêj kirin. ‘’

Desteyê agahî da ko girngiyê bidin xalên bingehîn bo damezirandina komîta destûrî û nexasim “lêveger û rewşa pêkhatiyên wê û pîvanên bijartina nûneran‘’, di dawiyê de diyar kir ku “nameyên diyar û xuyanî ji şandyarê navdewletî re Stîvan Dî Mistora re şandin e‘’ .

Jêder: Nivîsgeha Ragihandinê ya Hevbendiya Niştimanî

12 February 2018 In Nûçeyên Hevbendiyê

Rijêma Esed û milîsên Îranê di zêdekirina êrîşên xwe de li ser bajar û bajarokên Xûta Şamê ya rojhilat, ji zêdetir ji sê heyvan ve bi piştgiriya firokên Rûsiya berdewam in, û bûne sedema kuştin û birîndarbûna zêdetir ji sê hezar sivîlî û wêrankirina rûberekî berfireh ji tax û avahiyên nişteciyan, û çalakvanan kuştina 1123 sivîlî li bajar û bajarokên Xûta rojhilat dîkomînt kirine, her ji 14'ê çiriya paşiyê ve, bi sedema zêdetir ji 1414 êrîşên firokên şer yên hêzên rijêma Esed bi awayekî bi mebest li ser taxên nişteciyan.

Amarek nû ji aliyê çalakvanên Xûta hatiye belavkirin û têde hatiye ku bajar û bajarokên Xûta rojhilat ji aliyê hêzên Esed û milîsên palpiştên wê bi zêdetir ji 10825 top û hawinan û 1935 mûşekên giran yên (zemîn-zemîn) û bi 47 mûşekên mişt bombeyên qedexekirî, û 39 lûlên teqîner ji wan 15 bi gaza kilorê û 13 mûşekên napalim hatin armanckirin.

Hevbendiya Niştimanî ya hêzên şoreş û rikberiya Sûriyê hişyarî dabû li ser têkçûna çareseriya siyasî hevdem ligel berdewamiya êrîşên leşkerî . û di daxuyaniyekê de daxwaza destêwerdanê ji bo rawestandina vê hilmeta terorîstî ji civaka navdewletî kiribû.

Hevbendiyê di daxuyaniya xwe de gotibû ku bêdengiya navdewletî û dewletên çavdêrên çareseriya siyasî li hember van êrîş û komkujiyan, ronahiyeke kesk e ji bo berdewamiya van komkujiyan, û xelkê Sûriyê vê yekê bi hevpariya di êrîşan de dibîne.

Çalakvanên bajarê Dûma gotin ku duhî 5 sivîl bi êrîşên firokên şer yên hêzên Rijêmê hatin kuştin, du sivîl li Hemoriyê bi sedema topbarankirina taxên nişteciyan bi mûşek û topxaneyan, û cotyarek li bajarokê "Keferbetna" yekser bi guleyên sekvanên rijêma Esed hat kuştin.

Û desteya hawarhatina mirovî ya navdewletî IHR got ku pêwîstiya 10400 xêzanî li Xûta rojhilat bi alîkariyên mirovî yên bilez heye, û tekez kir ku nêzîkî 12.6% ji xelkê Xûtayê di binya hêla hejariyê de dijîn li ser hemû astan.

Rêxistinê di daxuyaniyekê de gotibû ku zêdetir ji 4100 xêzanî di xaniyên ku mercên saxlemiyê di wan de peyda nabin de dijîn, û ev yek bûye sedema peydabûn û belavbûna gelek nexweşiyan û nemaze di nav zarokan de.

Jêder: Ofîsa Ragihandina Hevbendiya Niştimanî

10 February 2018 In Nûçeyên Hevbendiyê

Endamê desteya siyasî ya Hevbendiya Niştimanî ya hêzên şoreş û rikberiya Sûriyê Selahdîn Elhemwî bêhivîbûna xelkê Sûriyê anî ziman li hember têkişestina konseya Ewlekariyê ji bo peydakirina agirbesteke demkî û rewstandina tawan û kuştarên rijêma Esed û Rûsiya û Îranê yên bi awayekî hovane her ji têkşikestina kongirê Soçî yekser zêdetir bûne.

Ku konseya ewlekariyê careke din di ragihandina agirbesteke mirovî de têkşikest, ya ku hatibû li ser daxwaza Siwêd û Kiwêt ji bo lidarxistina civînekê hevdem ligel metirsiyên li ser çend navçeyan û bi taybetî li ser Xûta Şamê ya rojhilat û gundewarê Idlibê.

Elhemwî tekez kir li ser têkşikestina berdewam ya konseya ewlekariyê di rawestandina êrîşên hêzên Esed û Rûsiya û milîsên Îranê de, û bi tenê diyarkirina hevxemî û negeraniya xwe, vê konseya navdewletî bê wate dike ji erkên wê yên serekî bo parastina ewlehiya navdewletî, ku pêdiviye careke din derbarê vê  bêkariyê li nxwe vegere.

Ku amara qurbaniyên bi dest terora Rûsiya û rijêma Esed di oparesyonên dawiyê de gihiştiye zêdetir ji 500 sivîl û zêdetir ji hezar birîndarî, hevdem ku heftiya borî li Xûta rojhilat bi xwîndartirîn hefte her ji sala 2015 'an ve hat binavkirin.

Elhemwî diyar kir ku rawestandina tawan û kuştaran li Sûriyê wê bibe, heger vîneke pak habe nemaze ji aliyê Amerîka ve û dûrî biryarên konseya ewlekariya jikarketî.

Jêder: Ofîsa Ragihandina Hevbendiya Niştimanî

Page 1 of 2
Home Nûçe Nûçeyên Hevbendiyê Items filtered by date: February 2018