27 December 2019 In Nûçeyên Hevbendiyê

Serokê Desteya Danûstandinan ya Sûrî, Nesir Elherîrî, îro înê, kongirekî rojnamevanî li dar xist, ji bo axaftina li ser dawîtirîn pêşhatên metirsîdar li Idlibê, û herweha behskirina civînên ku ji kesên serbixwe re li Riyada paytexta Erebistana Siûdî li dar dikevin.

Û Elherîrî got ku asîmanê Idlibê “ ji êrîşên balafiran vala nabin, wek ku ti rêkeftin derbarê vê deverê çênebûne”, û dît ku ev rewş li ser tevaya dewletên cîhanê ferz dike, roniya sor vêxin ji bo nehêlana çêbûna bobelateke mirovî li deverê.

Û bal kişand ser ku bihezaran sivîl berê xwe didin sînoran, û ev nîşana qeyraneke penaberiya nû ye, û got ku civaka navdewletî nikarîbû erkê xwe yê yasayî yê parastina sivîlan bicî bîne, herweha nikarîbû bizaveke mirovî bike, ji bo dabînkirina pêdawîstiyên mirovî yên herî kêm bo kesên hewcedar.

Û Idlib wek devereke bobelatê ragihand, û tekezî li ser seredariya pê re li gor van bingehan kir, û herweha got: “ Ev civaka navdewletî û dewletên garantor ji berpirsyariyên wan bêpar nake, û dive ew berpirsyarî ne di riya sepandina agirbesteke demkurt re be , lê di riya sepandina agirbeteke giştî ya herdemî re.

Paş re behsa civînên serbixweyan li Riyadê kir, û tekezî li ser rola Erebistana Siûdî û giringiya wê wek dewleteke deverê ya tewerî, û got ku ti kes nikare çavê xwe ji piştgiriya wê li ser tevaya astan pêşkêş kiriye bigire.

Û diyar kir ku helwestên fermî yên nerazîbûnê ji pêkhateyên Desteya Danûstandinan ên sereke derbarê mîkanîzma lidarxistina civînan gihiştine destê wî, û got ku ew nameyên nerazîbûnê li gor pirabsîpên qanûnî ne, û bingeheke yasayî ji van civînan re tune ye, herweha hewcedariya wan civînan bi şêwirdarî û hevrêzkariya di nav tevaya aliyên sûrî de heye, bi armanca gihiştina firehtirîn nûnertiyê, û ew dê di bercewendiya sûriyan û kêşeya wan de be.

Û amaje kir ku ew civîn bilez çêbûn, di dema ku çavê cîhanê li Komîteya Destûrî ye, û tekezî kir ku ev dê bandorê bi şêweyek nerênî li ser karê Komîteyê bike, her weha ew di heman demê de ne ku Idlib rastî bobelateke mirovahî tê, û got : Pêşinde ew e, tiştê li Idlibê dibe bête şpopandin , û alîkariya sivîlan bibe ji bo rizgarbûna wan ji operasyonên bombebarana hovane.

Û got: Herweha yek ji tiştên cihê nerazîbûnê ew bû, ku lîsteya kesên bo civînê hatibûn vexwendin “ navê ti kesê ji deverên rizgarbûyî tê de tunebû, û ew endamên yekîye û partiyên siyasî bûn, û herweha lîste li gor “ alîgirî û mirovantî û bercewendî û têkiliyên kesane bû”.

Û got ku “ ev yek cihê dilnearamiyê bû, û nerînek da pêş ku armanc ji vî kongireyî, zêdekirina nûnertiya hin aliyên siyasî ye , û kêmkirina pêkhatenin din di Desteya Danûstandinan de”.

Û Elherîrî weha jî got: “Mêvandarkirina opozisyonê, ne wek çêkirina wê ye, û divê rola sereke di amadekirin û rêxistinkirina civînan û vexwendina kesan ya opozisyonê be”, û tekez kir ku “ em nikarin nesûrî bin, û nêzîkbûna me ji çi pirsgirêkê re li gor asta guncabûn û sûdeya wê ji şoreşê û bercewendiyên gelê sûrî ye”.

Û Elherîrî got: “ Em napejirînin, û em naxwazin beşek ji çi tewerî bin”, û hêvî ji tevaya teweran kir ku gelê sûriyê dûrî çi milmilaneyê siyasî bikin.

Û weha berdewam kir: “ Em ne ji lîsteya beşdaran aciz bûn, lê ji mîkanîzma lidarxistiana civînan, û encamên wan nayên pesendkirin”.

Û hişyarî da ji parçebûna opozisyona sûrî da, û dît ku ew gef e li ser karê Komîta Destûrî ya ku ji zûde bendewarkirî bû , û behaneyan dide rijêmê ji bo wê rawestîne, û ev gef e li ser tevaya operasyona siyasî.

Û ji Erebistana Siûdî û serkirdayetiya wê ya şareza û Xizmetkarên Herdû Pîrozcihan û cenabê wezîrê karûbarê derveyî xwest ku “ li ser xalên ku hatin diyarkirin rawestin, û bobelata gelê Sûriyê li bîr û bala xwe bînin, û çareseriyekê di riya goftûgoyên dîplomasî re yên bi armanca lipaşxwehiştina vê pirsgirêkê bibînin”.

Û got: “ Parastina oposisyonê ji parçebûnê di destê birayên li Erebistanê Siûdî de ye”, û hêvî kir ku nema Opozisyon veger rewşa parçebûna xwe ya berê”.

Jêder: Ofîsa Ragihandinê ya Hevbendiya Niştimanî ya Sûrî

 

26 December 2019 In Nûçeyên Hevbendiyê

Wezareta parastinê di Hikûmeta Sûrî ya Demkî de ew nûçeyên derbarê şandina hêzin ji Artêşa Niştimanî ya Sûrî bo Lîbyayê red dike, û tekezî li ser berdewamiya xizmeta gelê Sûriyê û berevaniya di ber wî de kir.

Û wezaretê di daxuyaniyeke xwe de bi yekcarî red kir ku wê “ti hêzên xwe yên leşkerî şandibin Lîbyayê” û got: “pêşindeyên me wek Artêşa Niştimanî ya Sûrî ew in, parastina xelkên me yên Sûrî ji milîsên rêjîmê û piştgirên wê yên Rûs û Îranî û partiyên terrorist ên cudaxwazên pêve girêdayî, ên ku dixwazin welat perçe bikin”, û her weha got ku endamên Artêşa Niştimanî ya Sûrî “dê li ser xaka xwe bimînin û dijî regezperest û stemkaran şer bikin da gelê me bi hêminî bijî”.

û wezaretê tekez kir ku Artêşa Niştimanî berdewam e di xizmeta gelê Sûrî û parastina wî de, nemaze di rûyê êrîşa Rûsî ya ku tunebûna hevsengiya hêzan li ser xakê ferz kiriye, û tekezî li ser berevaniya di ber vî gelê bideyax kir da Sûriya bi rumet û azad bijî.

Jêder: Ofîsa Ragihandinê ya Hevbendiya Niştimanî ya Sûrî

26 December 2019 In Nûçeyên Hevbendiyê

Wezîrê Rêveberiya Xwecihî û Xizmetguzariyan yê Hikûmeta Sûrî ya Demkî endazyar Mihemed Seîd Slêman civînek li gel serokên encûmanên parêzgehan li baregeha wezaretê li bajarê Efrînê li gundewarê Helebê li dar xist.

Û wê civînê operasyonên koçberkirina rêbazkirî û berdewam dijî niştecihan li ser destê rêjîma Esed û piştgirên wê ku koçberkirina niha li Idlibê û gundewarên wê dibe beşek jê ye gengeşe kirin, û civîngeran pêşinyar û çareseriyên ji bo nehêlana çêbûna bobelata mirovî û hêwirandina koçberkiriyan û dabînkirina pêdawîstiyên wan yên bingehîn pêşkêş kirin.

Her weha civînê rewşa niha ya Hikûmeta Sûrî ya Demkî û riyên pêşxistina karê wezaretê û karê desthilatê bi giştî û rûbirûbûna astengiyan gengeşe kir.

Û wezîrê birêz li ser arasteya wezaretê di qonaxa dahatî de axivî û tekezî li ser giringiya hevtemamkirina karê dezgehên hikûmetê li gor rola ku bi her dezgehê hatiye spartin kir.

Jêder: Ofîsa Ragihandinê ya Hevbendiya Niştimanî ya Sûrî

26 December 2019 In Nûçeyên Hevbendiyê

Hevrêzkara karûbarê penaberan di Hevbendiya Niştimanî ya Hêzên Şoreş û Rikberiya Sûrî, xanim Emel Şêxo, hevdîtin bi emîndarê giştî yê wezareta derveyî ya qeterî li Dewhayê birêz , Ehmed Bin Hesen Alhemadî pêk anî, û behsa rêyên dabînkirina piştgiriya bilez ji bo sivîl û koçberbûyên ji encama dijminkariya Rijêma Esed û Rûsiya li ser Idlibê kirin.

Ev kar wek beşekî ji pilanekê ye, ya Hevbendiya Niştimanî daniye, ji bo komkirina piştgiriya navdewletî ji bo rawestandina bobelata mirovî li Idlibê. Û ev serdana Şêxo bo Dewhayê ya dê sê rojan berdewam bike, bi hevrêzkariya li gel balyozxaneya sûrî li Qeterê pêk hat, ji bo pêkanîna hevdîtinên corbecor li gel alî û saziyên qeterî yên têkildar bi rewşa mirovahî bi armanca dabînkirina piştgirî û bersivdana awarte bo hewcedarên li deverên rizgarkirî.

Û Şêxo pêşhatên dawiyê li Idlibê û rewşa mirovî ya dijwar di dema êrîşa tund a ku hêzên rijêmê û Rûsiya li ser wan deveran ji nêzî deh rojan de pêk tînin, û bû sedema derbiderbûna bisedên hezaran û qurbanîbûna bidehan ji sivîlan, şirove kir.

Û amaje bi zehmetiya erkên li ser milê saziyên mirovahî ji ber gurbûna operasyonên leşkerî kir, herweha hebûna bihezaran penaberên bêwar, di dema ku serma gihiştiye pileyin pir kêm, û armanckirina rêyan di dema derbiderbûna sivîlan de, û saziyên mirovahî yên li deverê kar dikin, nema Karin hewcedariyên hejmarêm mezin ên derbideran pêk bînin.

Û tekezî li ser giringiya dîtina çareyeke yekser ji bo rawestandina êrîşan kir, û behsa çarçoveyên piştgiriyê û bersivdana bilez kir, bi hevkariya li gel deste û saziyên navdewletî û dezgehên xêrxwazî.

Û ji hêla xwe ve, emîndarê giştî yê wezareta derveyî, bêzariya xwe derbarê rewşa wan deveran anî ziman, û tekezî li ser giringiya tevgera bilez kir, ji bo rizgarkirina tiştê ku Karin rizgar bibin,û karkirina ji bo gihiştina çareyekê ji bo bidawîkirina derdeseriya berdewam a gelê sûriyê yê tevaya coreyên tewanan dijî wî tên pêkanîn.

Jêder: Ofîsa Ragihandinê ya Hevbendiya Niştimanî ya Sûrî

 

 

26 December 2019 In Nûçeyên Hevbendiyê

Ofîsa Peywemdiyên Derveyî ya Hevbendiya Niştimanî ya Sûrî, name ji şandên Dewletên Dost û yên bira yên gelê Sûriyê re bi boneya Cejnên Zayînê şandin, jibo handana wan da nehêlin bobelateke mirovahî li Idlib û gundewarê wê pêk were.

Û ev kar wek beşekî ye ji helmeteke diplomasî ya mezin ya ku serokê Hevbendiya Nişrimanî Enes Elebde û Ofîsa Têkiliyên Derve pê radibin, jibo komkirina helwestên nevdewletî bi armanca rawestandina yekesr ji dijminkariya Rijêma Esed û Rûsyê li ser Idlibê re.

Û serokê Ofîsa Peywendiyên Derveyî, birêz Evdilehed Stêfo, di nameya xwe de diyar kir : Di dema cîhan ahengên Cejnên Zayînê lidar dixe, Rûsiya û Rijêma Esed tewanên cengê yên tirsnak dijî sivîlan pêk tînin, û got: “ Di dema ku hûn vê nameya min dixwînin, Idlib rastî bobelateke mirovî dibe, bi sedema tewan û bombebaran û operasyonên koçberkirinê yên berdewam, û qurbanî pirtir dibin, û Parastina Sivîl bi hemî karîn û hêza xwe kar jibo rizgarkirina sivîlan dike”.

Her weha got: “ Herdem em dibêjin ku ti Idlibên din li paş Idlibê nemane, û Idlib bûye Sûriya biçûk, lewra hûn Karin texmîn bikin, çendî rewş dijwar û bobelatî ye, û çi sosreteke mezin di rojên dahatî de li benda me ye”.

Û daxwaz ji tevaya dewletan kir ku hemî karênên xwe bikar bînin jibo danîna sînorekî ji derdeseriya gelê Sûriyê re, û rawestandina dijminkariya Rûsiya û rijêmê dijî wî, û kar jibo cîbicîkirina biryarên navdewletî bibe, û di serî de Beyana Cinêvê û Biryara 2254.

Û daxwaz ji civaka navdewletî kir ku bizaveke bilez û cidî bike , jibo rawestandina bobelata Idlibê, û hêvî kir ku sala nû çêtir be, û dilovanî û aştî tê de bêtir be, û hêviyên gelê Sûriyê yên rûmet û azadiyê têde pêk werin.

Û tekez kir ku Hevbendiya Niştimanî hêvîdar e ku sala dahatî bêtir karên hevbeş bi xwe re bîne, û têkilî mukumtir bibin da Sûriya azad û demoqrat û bi aştî bijî.

Jêder: Ofîsa Ragihandinê ya Hevbendiya Niştimanî ya Sûrî

25 December 2019 In Nûçeyên Hevbendiyê

Wek beşekî ji pilana Hikûmeta Sûrî ya Demkî û wezareta perwerde û fêrkirinê ya ji bo pêşxistina xwendina zankoyê li navçeyên azad, serokê Hikûmetê, Abdilrihman Mostefa, avahiya Zanîngeha Heleba Azad li bajarê Izazê yê girêdayî Helebê vekir.

Û di merasîma vekirina zanîngehê de wezîrên Hikûmetê û serokê zankoya Helebê Dr. Yasîn Xalîfe, amade bûn, û Hikûmetê got ku ev gav beşek ji pilanên Hikûmetê ne di warê berfirehkirina karta zanistî, da bibe kaniyeke zanistî ya hêja ji bo amedekirina nifşan, yên karibin waneyên xwe di riya tiknolociya û alavên hînkirinê yên nûjen re werdigrin.

Û Abilrhman Mostefa di gotina xwe de, tekez kir ku vekirina zanîngehê li navçeyên rizgarkirî, gaveke girîng e jibo amadekirina kadroyên zanistî û yên rêvebirê bo navçeyên rizgarkirî, û bal kêşand ser ku ev gav jidilbûna hikûmeta demkî di bizavên wê de diyar dike, yên piştgiriya hînkirinê û avakirina avahiyên wê ji bo bicîkirina hewcedariyên wlatiyan.

Û got ku paşre wê gavin din di warê vekirina zankoyên curbecur de bêne avêtin, û dît ku ew gav mîna derfetekê ye ji bo danîna bingeha beşdariyê di pirosesa pêşxistina dezgehan de, û mukumkirina aramiyê li tevaya deverên azadkirî.

Û daxwaza yekkirina ked û karê tevaya aliyan, û beşdariya kartêker a hemû kadroyan kir, ji bo bicîkirina pilanên zanistî yên bingeha serkeftina paşerojê ne, û keda karmend û tîmên îdarî ya “ji bo vekirina zankoyê û pêşxistina vê avahiya şaristanî jibo gêncên gelê me yê resen” bilind nirxand.

Jêder: Ofîsa Ragihandinê ya Hevbendiya Niştimanî ya Sûrî

25 December 2019 In Nûçeyên Hevbendiyê

Emîndarê giştî yê Hevbendiya Niştimanî ya Sûrî û cîgirê serokê Komîta Hecê, Ebdulbast Ebdulletîf, li gel cîgirê wezîrê Hecê yê Erbistana Siûdî, Dr.Ebdulfetah bin Selman, girêbesta birêxistina Hecacên Sûrî ji bo werzê 1441-2020 emze kir.

Emîndarê giştî yê Hevbendiya Niştimanî ya Sûrî di hevdûtina xwe de li gel wezîrê Siûdî li ser rewşa tevaya Sûriyê û bi taybet ya parêzgeha Idlibê axivî, û rewşa zehmet ya ku welatiyên sivîl tê de dijîn şirove kir, û di heman dîtinê de spasiya Erbistana Siûdî kir, li ser piştgiriya wê ji gelê Sûriyê û xebata wî re, ta wergirtina mafên xwe yên rewa .

Ebdulletîf bal kişand ser pêwistiya hevkariya herdû aliyan li gel hev, da xizmetê ji Hecacên Sûrî re yên ku hejmara wan dighê 22500 Heciyî, pêşkêş bikin.

Ji hêla xwe ve cîgirê wezîrê Hecê yê Erbistana Siûdî, Dr.Ebdulfetah bin Selman, spasiya Komîta Hecê ya Sûrî kir, û karê wê yê xizmeta Hecacan bilind nirxand.

Tê zanîn ku bi vê emzekirinê dibe 8 sal ku komîta Hecê çavdêrî û rêveberiya çûna Hecacên Sûrî ji bo Erbistana Siûdî dike, û ew aliyê berpirs e ji bo pêşkêşkirina xizmetan ji Heciyan re.

Jêder: Ofîsa Ragihandinê ya Hevbendiya Niştimanî ya Sûrî

25 December 2019 In Nûçeyên Hevbendiyê

Endamin Hevbendiya Niştmanî ya Hêzên Şoreş û Rikberiya Sûrî, bi amedebûna serokê hevbeş yê Komîteya Destûrî ya Sûrî, Hadî Albhra, di komcivîneke diyalogî de li bajarê Izaz yê bi ser gundewarê Helebê ve beşdar bûn, tê de rewşa metirsîdar a li Idlibê û gundewarên wê, û bandora êrîşan li ser karê Komîteya Destûrî û pirosersa siyasî gengeşe kirin.

Û ev rûniştin di çarçoveya (dengê civaka xwecehî di destûrê de) bû, ya bi rêveberiya (komîta vegerandina ewlehiyê) ya Hikûmeta Sûrî ya Demkî hat lidarxistin, herweha bi amadebûna endama Komîta Destûrî wek nûnera rêxistinên civaka sivîl, Huda Sercawî, û nûnerên encûmana parêzgeha Heleba azad û encûmana xwecehî û hin aliyên şoreşgerî û siyasî birêve çû.

Û amedebûyên komcivînê bal kşandin ser dijminkarî û gurkirina berdewam dijî Idibê ji aliyê rêjîma Esed û Rûsya ve, û nerînên xwe derbarê tewanên cengê dermafê sivîlan û bandora êrîşan li ser karê Komîteya Destûrî ya Sûrî û paşeroja çareya siyasî li sûriyê, diyar kirin .

Û ji aliyê xwe ve Hadî Albehra şiroveya xwe pêşkêş kir, derbarê gera dawiyê ji karê komîteya destûrî û rawestandina rêjîmê jêre, carekê di riya derengiya pêşkêşkirina pêşinyarekê ji bo pirogramê kar, û careke din di riya sûrbûna wê li ser gengeşekirina dosyayên dervî karê komîteyê.

Herweha behsa pirosesa danûstandinan kir, ya ji bo çareya siyasî li gorî biryara 2254, û herçar sepetên ku ew biryar behsa wan dike, û nakokiya nerînan derbarê qonaxa bicîkirinê ya ku divê li gorî rêz û dema biryarê be.

Tê zanîn ku beşdaran rawestaneke piştgiriyê li bajarê Izazê berî destpêkirina komcivîn lidar xist, têde tewanên dijî sivîlan dibin şermezar kirin, û daxwaz ji civaka navdewletî kirin, jibo hilgirtina berpirsyariyên xwe derbarê parastina sivîlan, û rawestandina yekser ji dijminkariya li ser Idlibê re, û derbaskirina bilez ji alîkariyên mirovahî re bo kesên hewcedar.

Jêder: Ofîsa Ragihandinê ya Hevbendiya Niştimanî ya Sûrî

 

23 December 2019 In Nûçeyên Hevbendiyê

Cîgerê serokê Hevbendia Niştmanî ya Hêzên Şoreş û Rikberiya Sûrî, kongirekî rojnemvanî derbarê rewşa Idlibê ya metirsîdar lidar xist, têde tekezî li ser girîngiya rawestandina êrîş û dijmintiya rêjîma Esed û Rûsiya li ser sivîlan kir, û got ku dive dostên Sûriyê birastî dostaniya xwe biçespînin, bi rawestandina êrîş û dijminkariya li ser Idilbê

Û Yihya di kongrirê rojnemevanî de got: Divê mîkanîzmin cidî derbarê bûeyrên li ser zemînê rûdidin bên danîn, ji bo rizgarkirina sivîlên Sûriyê û parastina rêzgirtina civaka navdewletî, û daxwaza rawestandina dijminatiya ku niha pêk tê bi rengekî yekser kir, herweha veguheztina birîndaran bo cihên dermankirinê, û daxwaza zêdekirina alîkariyên mirovahî û berfirehkirina wan kir, ta karibe hewcedariyên sreke û girîng di warê wargeh û xwendin û xwarin û tendirustî û xizmeguzarîya derbider û nişteciyên wan deveran dabîn bike.

Û tekezî li ser girîngiya ku dewletên endam di encûmana ewlekariyê de pirojeyan pêşkêş bikin, jiber ku Rûsiya aliyeke di nakokiyan de, û ne ji mafê wê ye dengê xwe derbarê wan pirojeyan bide, ligorî biryarên beşê Şeşemîn ji paragrafa sêyem ji bendê heftan ji madeya 52, û bikarbanîna bendê sîyem ji madeya 27 di naveroka peymana Neteweyên Yekgirtî de, ya ku nahêle dewletên beşdar di nakokiyan de mafê dengdanê bikar bînin.

Û cext li ser veguhestina doseya Sûriyê bo Civata Giştî ya Neteweyên Yekbûyî kir, jibo tedbîran derheqê rêjîmê bistîne, gava rijîm û sponserên xwe pabendiyê bi biryarên navdewletî nekin.

Û got ku pêwîst e derbaskirina alîkariyên mirovahî di sînor re berdewam be, di riya demdirêjkirina herdû biryarên Encûmena Ewlehiyê 2165 ya sla 2014 û 2449 ya sala 2018, yan di riya mîkanîzmek berdêl re armancan pêkbînê, û VETOya Rûsî li paş xwe bihêle, ji ber ku ew hercar di civîna giştî ya Encûmana Ewlekariyê de bo pûçkirina biryaraên wek çekekî cengê dijî gelê Sûriyê bikar tîne.

Û Yehya anî ziman ku civîna dersteya siyasî ya hevbendiya niştmanî hergav lidar e, û gelek pêwendiyan bi hemû aliyan re bo raewstandina yekser ji operasyonên leşkerî re dike, û zelal kir ku Hevbendiyê name ji hemû aliyên xwedîbandor û rêxistinên navdewletî re şandine, têde girîngiya rawestandina yekser ji dijminkarî û tewanên dijî Idlibê û gundewarê wê diyar kiriye.

Û amaje kir ku rijêm û Rûsya dagîrker û Îran tevaya çareseriyên navdewletî red dikin, û di çareseriya tewankarî û terorî de berdewam in, û guh nadin biryarên Netewên Yekbûyê û tevaya piransîbên yasaya navdewletî bênirx dikin, û her dem civaka navdewletî riswa dikin.

Jêder : Ofêsa Ragihandinê ya Hevbendiya Niştimanî ya Sûrî

23 December 2019 In Nûçeyên Hevbendiyê

Desteya Siyasî ya Hevbendiya Niştmanî ya Hêzên Şoreş û Rikberiya Sûrî, civîneke bilez bo rewşa awarte ya Idlibê û encamên berdewamiya armanckirina sivîlan ji aliyê rêjîma Esesd û Rûsiya lidar xist.

Endamên desteya siyasî pilanek bo tevgerk peywendiyan genege kirin, da bihêlin civaka navdewlatî û aliyên xwedîbandor helwestek yekbûyî û vebir derbarê parastina sivîlan bistînin, jibo bombebarana rêbazkirî ya dijî herêmên tijî malên sivîlan û avahiyên giştî û dezgehên bijîşkî rawestînin.

Û endaman tekez kirin ku neguhdana civaka navdewletî bi tewanên cengê yên berdewam derheqê gelê Sûriyê dibin; wan ji erkên wan ên yasayî bêpar nake, û daxwaza cîbicîkirina biryarên navdewletî kirin, û di pêşiyê de daxuyaniya Cinêvê û biryara 2245, û bi taybetî bendên 12,13,14, ên têkildar bi agirbest û gihandina alîkariyên mirovahî bo hewcedaran.

Û endaman daxwaz ji nûnerên Encûmana Ewlehiyê kir ku pirojeyan jibo rûbirûkirina Rûsiya, wek alîyekî di nakokiyên sûryê de, pêşkêş bikin, û ewê nehêle ku Rûsiya mafê redkirinê VETO bikar bîne, ligorî biryarên beşê Şeşemîn ji paragrafa sêyem ji bendê heftan ji madeya 52, û bikarbanîna bendê sîyem ji madeya 27 di naveroka peymana Neteweyên Yekgirtî de, ya ku nahêle dewletên beşdar di nakokiyan de mafê dengdanê bikar bînin.

Û dan xwiyakirin ku tewanên ku rêjîma Esed bi alîkariya Rûsiya ya yekser; wek binpêkirineke beloq e ji yasyên navdewletî û zagona navdewletî ya mirovahî re, û got ku armanckirina sivîl û derbiderên deverên bombebarankirî, di çarçoveya têgaha qirkirinê de ye, bi armanca kuştina mezintirîn hejmar ji sivîlan, piştî ku ti derverên din ên ku berê xwe bidinê û lê bibin penaber nema ne.

Jêder: Ofîsa Ragihandinê ya Hevbendiya Niştimanî ya Sûrî

Page 1 of 5
Home Nûçe Nûçeyên Hevbendiyê Items filtered by date: December 2019