30 June 2019 In Nûçeyên Hevbendiyê

Desteya Giştî ya Hevbendiya Niştimanî ya hêzên şoreş û rikberiya Sûriyê, birêz Enes Abda, ji bo xula serokatiya nû ji bo dema salekê weke serokê nû yê Hevbendiyê hat helbijartin, û birêz U'qab Yihya û Dr. Abdul Hekim Bişar û xanim Dîma Mûsa, weke cîgirên serok hatin helbijartin, û birêz Abdul Basit Abdul Latif weke sekreterê giştî hat hilbijartin.

Ev helbijartin, îro şemiyê, bi riya civînên Desteya Giştî hat pêkanîn, û xula civînan li bin navê şehîd Abdul Basit Alsarut hat lidarxistin, weke wefaderiyê bi giyanê şehîd re yê ku ji encama êrîşên leşkerî yên rejîma Esed û Rûsya li ser Idlibê û deşta Hema û Helebê jiyana xwe ji dest da.

Herwiha jî birêz Abdul Rehman Mistafa wekî serokwezîrê nû yê hikûmeta demkî ya Sûriyê hat hilbijartin, û tevî hilbijartina 19 endaman ji bo Desteya Siyasî.

Serokê nû yê Hevbendiya Niştimanî, Enes Abda got ku "ji bo min berpirsiyariya serokatiya Hevbendiyê di pêvajoyeke wiha dijwar û hestyar de, biryarek zehmet bû", û got "Emê vî barî bi hevkarî û piştgiriya kesên baweriya min bi şehrezayî û helwestên wan yên qayîm tê hilgirin ".

Abda, bal kişand ku armanca wan e "Hevbendî bibe nûnerê rasteqîn yên hêzên şoreş û opozisyonê, ji bo yekxistina peyva hemû welatiyên Sûriyê, û peydakirina rayek giştî ya bi bandor, ku em aktîv bin di qada şoreşgerî û siyasî ya Sûriyê de".

Dibe siba ku Desteya Giştî xula xwe bi dawî bike, bi gotûbêjkirina çendîn babetên girîng, û di serî de pêşketinên meydanî yên li bakurê Sûriyê, û tawanên şer yên li dijî sivîlan ji ber êrîşên hovane yên hêzên rejîmê bi piştgiriya Rûsya û Îranê li ser dezgehên sivîl û bijîşkî û binesaziya bingehîn.

Herwiha di rojeva civînê de, dê rewşa penaberên Sûrî li Libnanê û binpêkirinên zêde li ser mafên wan bêne berçavkirin, û herwiha kar ji bo dîtina çareseriyên bineretî ji bo parastina wan û misogerkirina pêwîstiyên wan, tevî piştgiriya bizavên hikûmeta demî ya Sûriyê bi riya dabînkirina sîstema rêveberiyê ji bo deverên rizgarkirî bi hawayê ku bibe alîkar ji bo pêşvebirina seqamgerî û aramiya van deveran û niştecihên wan.

Jêder: Ofisa Ragihandina Hevbendiya Niştimanî ya Sûrî

29 June 2019 In Nûçeyên Hevbendiyê

Serokê desteya danûstandinên Sûrî, Nesir Elherîrî, tekez kir ko çareseriya siyasî ya herdemî li Sûriyê tê bi rêya damezirandina desteya desthilata veguhêz ya bi karûbarê tekûz yên cîbicîkirinê, li gora biryararên Encûmena Ewlehiyê û ya sereke daxuyaniya Cinêvê û biryara 2254.

Elherîrî dibîne ku damezirandina desteya desthilatdar pêngava yekem e, bo gihaştina çareseriya siyasî li Sûriyê û ew girêda “bi daxwaziya civaka navdewletî û Rûsya ya rastî, û rewabûna vê daxwazê li gora lêvegerên navdewletî , û biryara Encûmena ewlehiyê û pêkanîna zemîna aram û bêlayen nayê bicîkirin; bêyî wê(desteya desthilatdar) ji bo çareseriyê.

Û Elherîrî got ku giring e hemû bendên din yên mirovî û ji wan jî berdana girtiyan û dadpirsîna li digel tawankarên cengê ko bêyî dadweriya veguhêz aştiya berdewam pêk nayê.

Elherîrî bal kêşand ser ko rêjîma Esed û Rûsya giringiyê didin operasiyonên leşkerî , û ya dawî li herêmên kêmkirina şerî li bakurê Sûriyê bû, ko bi sedan sivîl bûne qurbanî, ew jî digel ko rêjîm û Rûsya damezirandina komîta destûrî asteng dikin, ji bo rawestandina pirosesa siyasî bi tevayî.

Elherîrî ji netewên yekgirtî û dewletên kartêker daxwaz kir ko pêvajoyeke nû ji bo çareseriya siyasî bibînin, û got: ‘’Divê em li biryarên navdewletî yên ko çareseriya siyasî li Sûriyê nexişandine vegerin, ji bo damezirandina desteya desthilatdar ya veguhêz ya li gora qonaxên destnîşankirî. ‘’

Jêder: Ofêsa Ragehandinê ya Hevbendiya Niştimanî

28 June 2019 In Nûçeyên Hevbendiyê

Hevbendiya Niştimanî ya hêzên şoreş û rikberiya Sûriyê, pêşketinên siyasî yên navnetewî yên dawiyê derbarê doseya Sûriyê bi şandek ji Wezareta Derve ya Amerîka re gotûbêj kirin, tevî gotûbêjkirina hewldanên bêwest ji bo çalakkirina prosesa siyasî li Cinêvê, li gor biryarên navnetewî û yên Konseya Ewlekariya Netewên Yekbûyî, bi taybetî herdu biryarên konseya Ewlekariyê 2118 û 2254.

Ev yek hat bi rêka lidarxistina civînekê doh roja înê sibehê, di nava şandek ji Hevbendiya Niştimanî bi serokatiya serokê wê Ebdul Rehman Mistefa, û şandek ji Wezareta Derve ya Amerîka bi serokatiya  mezinê rawêjkarên Amerîkayê Richard Ootzn, û bi hev re dumahîk rewşa meydanî û siyasî û êrîşa leşkerî ya rêjîmê û Rûsya li bakur-rojavayê Sûriyê, û tevî destdanîna Îranê li ser saziyên leşkerî û ewlekarî û civaka Sûriyê, gotûbêj kirin.

Serokê Hevbendiya Niştimanî got ku şandeya Amerîkayê " pêşketinên dawiyê şirove kirin", û bal kişand ku derfetek heye ji bo pêşveçûna pêvajoya siyasî, bi taybetî di dema damezrandina koma navnetewî ya berfireh ji bo piştgirîya hewldanên nûnerê Netewên Yekbûyî ji bo damezrandina Komîsyona Makezagonê, hevdem ligel destpêkirina pêvejoya danûstandinên li Cinêvê û gotûbêjkirina pagêcên din ên taybet ji bo hukmraniyê û pirosesa hilbijartinanê û şerê li dijî terorîzmê.

Mistafa supasiya şandeya Amerîkî kir li ser bizavên Amerîka ji bo kêmkirina zêdegaviyan li Sûriyê, û ji bo gihîştina agirbesteke berfireh, û tekezî li ser metirsiya gefa berdewamiya topbaranê li ser navendên bijîşkî û avahiyên welatiyan tevî topbarana xalên kontrolê yên Tirkiyê kir.

Mistefa bal kişand li ser pêwîstiya vekişîna hêzên rejîmê ji derveyî hêlên îlona 2018'an, û paşî neçarkirina wê li ser agirbestê bi rêya fermanên hişk.

Herwiha şandeya Hevbendiyê bal kişand li ser rewşa penaberên Sûrî li Libnanê û zêdegavîyên dijî mafên wan, û tekezî li ser pêwîstiya bizaveke bilez kir ji bo rawestandina van binpêkirinan û parastina wan, û herwiha bal kişand li ser pêwîstiya hewldanên Amerîkayê û yên navnetewî ji bo bersivdana pêwîstîyên mirovên derbider li kampa Al-Rikban ya li nêzîkî sînorê Urdunê, û kampa Hol li Hesekê, û çareserkirina pirsgirêkên wan bi awayekî ku parastin û ewlehî û hewcedariyên wan dabîn bibin.

Hevbendiya Niştimanî dîsa supasiya bizavên Tirkiyê û Amerîkayê kir derbarê hewlên rêkeftinekê li ser bakur-rojhilatê Sûriyê, bi awayê dabînkirina parastin û misogerkirina ewlekariya gelên Sûriyê û Tirkiyê û ewlekariya netewî yên herdû welatan.

Herwiha boçûn li ser bingehê dabînkirina sîstema hukimdariya li deverên rizgarkirî ji bo xurtkirina ewlehî û aramiya van deveran hatin pevguhertin, da ku bibe alîkar ji bo jiholê-rakirina rêxistinên terorîst û hizr û bîrên tundrê bi awayekî mayînde û bihêzkirina yekîtiya gelê Sûriyê û axa wê.

Serokê Hevbendiya Niştimanî cext li ser girîngiya mijara jinavbirina sedemên sereke yên terorê û tundûtîjiyê kir, di serî de milîsên mezhebî yên Îranê, û destêwerdana Îranê di karûbarên navxweyê yên Sûriyê de.

Wî di civînê de got ku divê ev milîs ji Sûriyê derkevin, û divê destêwerdana rejîma Îranê li nav karûbarên navxweyî yên Sûriyê bidawî bibe.

Herdu aliyan tekezî li ser pêdiviya çalakkirina sîstema lêpirsîn û dadweriya veguhêz, û sîstema sizayên aborî û yasayî kir.

Jêder: Ofisa Ragihandina Hevbendiya Niştimanî ya Sûrî

28 June 2019 In Nûçeyên Hevbendiyê

Serokê Hevbendiya Niştimanî ya hêzên şoreş û rikberiya Sûriyê, Abdul Rehman Mistefa pêşwazî li Nûnerê Serokê Fransa yê taybet bi doseya Sûrî, Francois Sanimo û şanda pê re kir, û bi wî re pêşketinên dawî yên li ser erda Sûriyê û tawanên şer li dijî sivîlan yên ji encama êrîşên hêzên Esed yên bi piştgiriya Rusya li dijî deverên kêmkirina zêdegaviyan li bakurê welêt gotûbêj kir.

Mistafa daxwaza bizaveke bilez ji Fransa ligel dewletên kartêker ji derveyî çarçoveya Konseya Ewlekariyê kir ji bo rawestandina êrîşên leşkerî li dijî avahîyên sivîlan û bijîşkî, ji bo parastina jiyana bi milyonan welatiyên sivîl, û tekezî li ser girîngiya parastina îradeya navnetewî ji bo sizakirina sûcdarên şer, û bidawîkirina kiryarên wan kir.

Mistefa bal kişand li ser pêwistiya piştgiriya peymana Idlibê û dubarekirina peymana agirbestê, û daxwaz ji "hevalên me yên hikûmeta Fransayê kir ji bo zêdekirina piştevaniya navnetewî ji Sûriyê re ji bo rêxweşkirina rêka ji bo veguhestina siyasî ya berfireh û cîbicîkirina biryarên navnetewî yên girêdayî qonaxa siyasî bi temamî, û zêdekirina fişaran li ser rejîma Esad ji bo cîbicîkirina parên siyasî li gor daxuyaniyê Cinêvê û biryara 2254 ya Encûmena Ewlekariyê.

Mistafa diyar kir ku pêkanîna peymanên herêmî û biryarên navnetewî dibe bibe fakter ji bo vegerandina aramiyê li Sûriyê û herêmê, û lawazkirina şans û derfetên berdewamiya terorê ya tê xudankirin bi destê rejîma Esad û Îranê û rêxistinên terorîstî, û got ku ew yek wê rê li pêşiya derketina pêlên nû yên penaberiyê bo derveyî welêt bigire.

Serokê Hevbendiya Niştimanî, supasiya Fransayê kir ji bo beşdarbûna wê di sepandina sizayên aborî li ser rêjîma Esed, û daxwaza berfirehkirina fişara aborî û kar ji bo sepandina sizayên zêdetir yên aborî kir, bi taybetî li ser kompaniyên biyanî yên piştgiriya rejîmê dikin û sizayên li ser dişkînin.

Mistefta behsa binpêkirinên PYDê yên li dijî welatiyên rojhilatê Firatê yên digehêjin asta tawanên şer kir, diyar kir ku milîsên wê kiryarên girtin û revandina ciwanan ji bo karên leşkerî pêk tînin, tevî şewtandina erdên çandinîyê , û şewitandina bi deh hezaran ji zeviyên ceh û genim.

Ji aliyê xwe ve, nûnerê Fransa tekezî li ser girîngiya pêkanîna agirbestê kir û dît ku ew dê bibe "alîkar ji bo peydakirina çareseriyeke siyasî", û diyar kir ku kampanya leşkerî ya dawiyê bi awayekî "pîs" tê pêkanîn ji ber armanckirina sivîlan û herwiha nexweşxane, dibistan û bazaran.

Wî got ku welatê wî bi tundî van êrîşan şermezar û riswa dike, diyar kir ku ew balê dikişînin li ser rewşa mirovî ya sivîl û koçberan, û li ser hizr û bîrên nû ji bo baştirkirina şert û mercên çareserkirina krîza wan dixebitin.

Jêder: Ofisa Ragihandina Hevbendiya Niştimanî ya Sûrî

27 June 2019 In Nûçeyên Hevbendiyê

Seroka fermanberiya karûbarên penaberan ya Hevbendiya Niştimanî ya Hêzên Şoreşê û Rikberiya Sûriyê, Emel Şêxo, diyar kir ko desthilatdarên Libnanî neheqiyek bêhempa dijî penaberên Sûrî kirine, û destnîşan kir ko efserin Sûrî yên ji rêjîmê cuda bûne kirine amanc da wan radestî rêjîmê bikin.

Fermanberiya karûbarê penaberan di dema dawî de çend civîn ligel parêzer, rojnamevan, çalakvan û siyasetmedaran pêk anîne, di civînan de binpêkirinên derheqê penaberên Sûrî li Libnanê pêk tên, û karkirina ji bo pêrabûnên yasayî yên penaberan biparêzinû mafên wan li wan vegerînîn bibînin, gengeşe kirin.

Şêxo got saxlemiya penaberên Sûrî berpirsiyariya desthilata Libnanî ye, û ji netewên yekgirtî daxwaz kir ko vekolîneke bilez bê kirin û kêşeyê bişopînin, bo nehêlin çi kesan radestî rêjîma Esed bikin.

Şêxo got ku bi dehhezaran efser û leşkerên hêzên Esed fermanên kuştina xwepêşander û sivîlan red kirin, hin ji wan reviyan Libnanê ji tirsa ko rêjîm wan gulebaran bike.  

Û got: Em wijdanê cîhanê hişyar dikin û bi taybetî nûnerîtiya karûbarên penaberan û Rêkxistina Lêbûrîna Navdewletî bo têwerdanê bikin û nehêlin efseran radestî rêjîmê bikin.

Û bal kişand ser ko Libnan endameke damezrênera netewên yekgirtî ye, û divê bi peymanên wê pabend be, û peymana nehêlana êşkenceyê imze kiriye, û bendek jê dibêje ku gerek yên jiyana wan di metirsiyê de ye neyên radestkirin.

Şêxo tekez kir ko ji desthilata Libnanî tê xwestin ko pabendiyê bi hemû biryar û mafên bo penaberan hatine dan dike, û daxwaz kir ko divê ew desthilatdar rêzê li destûra xwe bigire, û li xwe vegere derbarê hemû pêrabûnên dawî yên ko penaberên Sûrî yên ko ji ber mirinê reviyane amanc dikin.

Jêder: Ofêsa Ragehandinê ya Hevbendiya Niştimanî

26 June 2019 In Nûçeyên Hevbendiyê

Hevbendiya Niştimanî Ya Hêzên Şoreş Û Rikberiya Sûriyê, îro di daxuyaniyekê de, teqînên terorîstî li ser bajarê Axtirin li gundewarê Helebê şermezar kirin, û tekez kir ku bi tenê ew hewldanên şikestî û bêçare ne, û tawanên terorê û şanikên wê yên veşartî wê sernekevin di jikarxistin û rawestandina pêvajoya avakirin û azadiyê de, ya ku kesên birûmet û azadîxwazên Sûriyê berpirsiyariya wê weke erk dibînin û ji bo wê xwîn û jiyana xwe didin.

Daxuyaniyê bal kişand ku teqîna terorîst ya ku Xalid Dîbo serokê encumena xwecihiya bajarê Axtirin li deşta bakurê Helebê armanc kir, bû sedema birîna lingekî wî, tevî ku berî niha jî rastî hewldana teqîneke din bibû, lê ma berdewam li ser karê xwe, û îro jî dîsa em hêviya vê yekê ji wî dikin, herwiha otombêleke din ya taybet li pêşiya mala melayê mizgeftekê hat teqandin û mele bi sivikî birîndar bû.

Hevbendiya Niştimanî bi rêya daxuyaniya xwe, dubare bang li hemû aliyên civaka navnetewî kir ji bo şermezarkirina êrişên terorîstî yên berdewam li Sûriyê, ligel bizaveke astbilind ji bo alîkarîkirina sepandina ewlekarî û piştgiriya çareseriya siyasî bi hemû şêweyan ji ber ku ew take-bersiv e ku dikare terorîzmê jinav bibe, û siyaseta temaşekirina ji dûr ve, ya ji kîsê ewlehî û aramiya sivîlan ne, bidawî bibe.

Jêder: Ofisa Ragihandina Hevbendiya Niştimanî ya Sûrî

25 June 2019 In Nûçeyên Hevbendiyê

Desteya Siyasî ya Hevbendiya Niştimanî ya Hêzên Şoreşê û Rikberiya Sûriyê civîna xwe ya roleyî li bargehê Hevbendiyê li gundewarê Helebê evro sêşembê lidar xist, û operasiyonên bombebarana berdewam li ser herêmên kêmkirina şerî li bakurê Sûriyê û tawanên bi wê sedemê derheqê sivîlan de çêdibin gotûbêj kirin.

Serokê Hevbendiya Niştimanî Ebdilrehman Mistefa tekez kir ko berdewamkirina pêkanîna tawanan û vêxistina cengan û binpêkirina peymanên agirbestê ji miletê Sûrî re diyar dike, ko rêjîma Esed “tenê dixwaze welat wêran bike û hejmareke bêtir ji sivîlan bikuje.”

Û got ku rola Rûsya û berşdarbûna wê di piştgiriya rijêmê de; pirosesa siyasî rawestand, her weha piştgiriya helwesta rêjîmê di binpêkirina peymanan de û têketina pirosesa siyasî red kir.

Mistefa diyar kir ko wan kêşeyên rojhelatê feratê û tiştê lê çêdibe ji kirdeyên têkçûn û sotandina dexlan ko bi dehhezaran hiktar dane bexwe gotûbêj kirine.

Desteya siyasî operasiyonên bombebaranê û wêrankirinê dijî herêmên sivîlan û jêrxanan pirotesto kirin, û tekez kir ko qehremaniya artêşa Sûrî ya azad û alayên şoreşa Sûriyê beraber dijminkariyê; cihê rizamendiya miletê Sûrî û hêzên wî yên siyasî ye.

Desteyê li raporta rewşa meydanî û nîrên aloz ko 400 hezar penaber tê de dijîn guhdarî kir, û tekez kir ko dê hemû bizav bibin tako hemû daxwazên wan yên hawarhatinê pêk bînin, û bi taybetî ji bo zarok û jin û nexweşan.

Civîngeran karê desthilata Sûrî ya demkî gengeşe kir, û Mistefa got ku ew dê civînan li gel wezîrên desthilata demkî û serokên encûmenên xwecihî li dar bixin, û bal kêşand ser ko amanc jê naskirina pirojeyên li herêmên rizgarkirî hatine pêkhatin û amadekariyên qonaxa dahatî ye.

Desteyê çend hevdîtin digel nûnerên deste û encûmenên xwecihî li dar xistine, da rewşa xizmetkarî û ya giştî ya xelkên bakur bişopînin.

Jêder: Ofêsa Ragehandinê ya Hevbendiya Niştimanî

24 June 2019 In Nûçeyên Hevbendiyê

Serokê Komîsyona Niştimanî ya Sûrî ya karubarê kesên binçavkirî û bêserûşûn, Yasir Al-Ferhan, diyar kir ku rejîma Esed di girtin û îşkence û kuştina kesên hatine binçavkirin de berdewam e, û ew belgeyên nû li ser gunehbariya xwe di kuştina kesên wida û bêserûşûn de pêşkêş dike, û hin lîsteyên nû yên qurbaniyên girtîgehan her demekê ji bo navendên nifûsê re dişîne.

Al-Ferhan, îro di daxuyaniyekê taybet de tekez kir ku tawanên şer û jenosîd ên dijemirov li dijî girtiyan têne pêkanîn, û bal kişand ku rejîm hîn jî “ne xema wê ye û guh nade” hemû raportên Komîsyona Navnetewî ya Lêpirsînê, yan daxuyaniyên navnetewî yên zelal derbarê berpirsyariya rêjîmê di ber îşkence û kuştina girtiyan de.

Wî diyar kir ku biryarên ji Konseya Ewlekariyê "vala ne ji şermezarkirina bi tundî ji kiryarên li dijî kesên bêheq hatine binçavkirin û kiryarên îşkence û tinekirina fîzîkî û bêserûşûnkirinê, herwiha vala ne ji daxwazên rawestandina van kiryaran û serbestberdana hemû kesên bi neheqî hatine binçavkirin".

Û got: "Ev bêxemî piştrast dike ku rejîm bi sîstematîk kar dike ji bo jinavbirina kesên dijber, û kuştina bi deh hezaran".

Û dît ku ev yek berpirsiyartiyek mezintir têxe li ser milê Netewên Yekbûyî ji bo rizgarkirina jiyana jesên mayîn di girtîgehên rêjîmê de û darizandina kesên berpirsiyar di ber pêkanîna van tawanan de.

Al-Ferhan bang li Netewên Yekbûyî û saziyên navnetewî kir ji bo standina gavên pratîkî û lezgînî, û got: "ji wan gavan, divê rejîm neçar bibe ji bo vekirina deriyê girtîgeh û navendên binçavkirinê li ber aliyên navnetewî yên taybetmend ji bo nirxandina merc û rewşa wan".

Wî herwiha tekezî li ser pêwîstiya çalakkirina pêşniyarên ji komisyona navnetewî ya lêpirsînê kir, yên ji bo birina gunehbarên binpêkirinan li dijî kesên hatin binçavkirin ji bo darizandinên dadane û lezgîn, û serbestberdana girtiyên mayîn, rê li ber pêkanîna girtina nû li derveyî qanûnê bêne girtin, li gor biryarên navnetewî, bi taybetî jî li gor daxuyaniya Cenev û biryara 2254.

Jêder: Ofisa Ragihandina Hevbendiya Niştimanî ya Sûrî

22 June 2019 In Nûçeyên Hevbendiyê

Hevbendiya Niştîmaniya Hêzên Şoreş û Dijberiya Sûriyê şewtandina berhemên çandiniyê li rojhilatê Sûriyê şermezar kir, û daxwaz ji civaka navdewletî kir ku destêwerdanê bike û nehêle agir bêne belavkirin ku armanc jê zêdekirina birçîkirina sivîlan û êş û azarên wan e.

Hevbendiyê di daxuyniyeke xwe de got ku " şewtandina berhemên çandiniyê bi mebest karekî tewankarî yê cihê şermezarkirinê ye, û karekî terorîstî ye, û beşek ji tawanên şer yên ku derheqê gelê Sûriyê de têne kirin ".

Û daxwaz ji civaka navdewletî kir ku destê alîkariyê dirêj bike bo vemirandina van agiran û nehêlana belavbûna wan, û lê zêde kir ku "gefê li tinekirina berhemê yekem yê stratejî yê Sûrî dike", û destnîşan kir ku "aliyên li pişt vî karê tawankarî radewestin; dizanin tişta ku dikin tevahiya pêkhateyên Sûriyê dike armanc, û gef e li ser ewlekariya xwarinê ya welat, herwiha birçîkirina xelkê û zêdekirina êş û azarên wan e".

Hevbendiya Niştîmanî diyar kir ku Berdewamiya şewatan li Rojhilatê Sûriyê li ser dirêjahiya çend heftiyan û ziyanên li pey hatine; nîşanên kareseteke abûrî û mirovî ya mezin in, herwiha hejmara zêde ya deverên şewatan cihê gumanê ye, û pêwîste lêpirsîneke bilez bê kirin, û nîşan bên dîtin û gotinên şahidhalan bêne wergirtin.

Daxuyaniya Hevbendiya Niştîmanî amaje bi wê yekê kir ku ew vê pirsê dişopîne, û bi awayekî cidî dixwaze komîteyeke serbixwe bi beşdariya Hikûmeta Sûriyê ya Demkî ava bike, ji bo lêkolînê di sedemên şewatên ku çê dibin bike.

Û tekez kir ku ew aliyên destê wan di vêxistina agiran de hebe nikarin ji sizayê birevin, û milîsên PYD ku bi desthilata dîfakto binav kiriye bi berpirsyar daye zanîn, û bi taybetî piştî redkirina wan ji derbasbûna aliyê Tirkî û Rêxistina Berevaniya Sivîl ya Sûrî da van agiran vemrîne.

Hevendiyê tekez kir ku Qebareya karesatê mezin e, û şewata bi deh hezarên hêktaran ji zeviyên genim ziyanên mezin li pey xwe tîne, û lêzêde kir û got : “ Ev cihê pirsê ye, gelo armancên rasteqîne ji prosêsa birçîkirina Sûriyan û hejarkirina wan re çi ne?

Herwiha Daxwaz ji Civaka Navdewletî û Hikûmetên bexişkar kir ku bi awayekî cidî serderiyê bikin, di rêya sizakirina tawankaran û qerebokirina kesên ziyan li wan bûye, ji bo rûbirûbûna vê karesetê, û çareserkirina encamên wê.

Di dawiya daxuyaniya xwe de Hevbendiyê got: “Ji dewletên zilhêz tê xwestin bi berpirsyaretiya xwe derbarê rewşa Sûriyê rabin, wek tê zanîn ku ev wêranî û tevliheviya ku rejîm û hevalbendên wê yên desthilata dîfakto û milîsên terorîstî çênedibû; heger cîhan bi berpirsyaretiya xwe rabiba derbarê parastina aştî û ewlekariya navdewletî”.

Agir û şewatên ku di destpêka werzê çinîna genim û ceh li bakur û rojhilatê Sûriyê rû dan, bi hezaran hektar ji zeviyên çandiniyê şewtandin.

Jêder: Ragehandina Hevbendiya Niştîmaniya Sûriyê.

21 June 2019 In Nûçeyên Hevbendiyê

Hevbendiya Niştimanî ya Hêzên Şoreş û Rikberiya Sûriyê, bi helkefta roja cîhanî ya penaberan, di daxuyaniyekê de berpirsyariya trajediya penaberên Sûriyê xist stûyê rejîma Esed, û bi "mezintirîn trajediya penaberiya vê serdemê" da zanîn.

Hevbendiya Niştimanî got ku rejîma tawan û terorê, Sûriya xist di nava trajediyek berfireh de, ku beşên wê behsa çîrokên penaberên Sûriyê dikin, yên ji encama kiryarên dirindane yên rejîmê, û bal kişand ku "ew ji dojeha qirkirinê reviyane û di mercên bobelatî û zehmet de dijîn".

Û diyar kir ku tevî hin destpêşxeriyên navnetewî ji bo çareserkirina vê krîzê, û hewldanên baş ji piraniya welatên penageh, lê di heman demê de asta têkçûna civaka navnetewî li hemberî parastina yasa navnetewî, û pêkanîna biryarên Konseya Ewlekariyê û komeleya giştî ya Netewên Yekbûyî, û karvedanên vê yekê li ser doseya Sûriyê û krîza penaberên wê eşkere dibe.

Hevbendiya Niştimanî bal kişand ku di bin sîbera berdewamiya zêdegaviyan de, rewşa penaberan ya mirovahî û civakî xirabtir dibe, tevî ku êş û zehmetiyên wan li welatên penageh zêdetir dibin, bi taybetî li hin welatan weke Libnanê, ku dezgehên wê ti rêzê li mafên penaberan û yasayên navnetewî yên penaberan nagirin.

Daxuyaniyê tekez kir ku di heman demê de, kesên koçber li navçeyên di bin kontrola rejîmê de rastî şêweyên cuda yên çewisandin, girtin, binçavkirin û îşkencê dibin, û got ku ev yek dibe di çarçoveyê "bi bikaranîna rêbaza xwe ya li ser tundûtîjî, talan û desteserkirina malê welatiyan ava kirine".

Hevbendiya Niştimanî, hişyarî da ji rîskên cidî li ser penaberan, bi taybetî jî li ser wan kesên ku bi darê zorê û di bin gelek fişaran de têne vegerandin, û piştrast dike ku vegerandina her penaberekî Sûrî di dema niha de jiyana wî têxe di bin metirsiyeke mezin de.

Hevbendiya Niştimanî dubare tekeziyê li ser pêwîstiya rêzgirtinê li yasayên navnetewî û peymanên parastina penaberan û qedexekirina binpêkirinên dijî wan kir, û darizandina her kesê ku xelkê li dijî penaberan sor bike, yan jî mafên wan yên rewa binpê bike.

Hevbendiya Niştimanê ji bo wefadariya bi xwîn û qurbaniyên mezin yên gelê Sûriyê re, bang li cîhanê kir ji bo bizaveke cidî bike li dijî planên rejîmê û hevalbendên wê, ya hewla pêkanîna bobelateke mirovî ya nû li dijî bakurê Sûrîyê û koçberkirina bi sed-hezaran welatiyên sivîl ji wê deverê dide.

Jêder: Ofisa Ragihandina Hevbendiya Niştimanî ya Sûrî

Page 1 of 3
Home Nûçe Nûçeyên Hevbendiyê Items filtered by date: June 2019