30 May 2020 In Nûçeyên Hevbendiyê

Tîma Karê Şopandina Yasaya Qeyser di Hevbendiya Niştimanî ya Hêzên Şoreş û Rikberiya Sûrî, civîna xwe ya yekemîn ji dûr de, bi berpisyarin ji Ofîsa Nûnerê taybet bo karûbarê Sûriyê di Wezareta Derve ya Emrîkî de re lidar xist, û bi hev re gavên jipêre yên ku dê di destpêka heyva hezêrana bê de qanûnê li tevaya asteyan cîbicî bike gengeşe kirin, daku alîkar be di bidawîkirina nakokiya ji neh salan de di navbera gelê Sûriyê û rêjîma Esed de berdewam e, û bicîkirina demoqrasiyê li Sûriyê.

Û Endamên Hevbendiyê di civînê de tekezî li ser girîngiya ku hevkarî di navbera Hevbendiya Niştimanî û rêvebiriya emrîkî de hebe kir, jibo misogerkirina cîbicîkirina bitemamî ji Qanûnê re, her weha doseya lêpirsîn û dadweriya veguhêz jî tê de be.

Û hêviyên xwe anîn ziman ku ev civat wek destpêka zincîreke rolane ji civîn û hevbeşî û hevrêzkariyê di navbera herdû aliyan de be, daku tevaya armancên Qanûnê bicî bibin, û di serî de êş û azarên gelê Sûriyê werin rawestandin, û tevaya awayên tundûtûjî û zordestiya ku gel tûşî wan dibe bidawî bibin.

Û bal kişandin ku pir kar û ked divên daku ev yasaya berfireh cîbicî bibe, û eşkere kirin ku ew tîm ji hejmarek endaman pêk tê, û bi aliyên cûrbrcûr ên civaka Sûriyê re dixebitin, wek revendên Sûrî û partî sendîke û rêxistinên civaka sivîl.

Û diyar kirin ku Qanûn hewcedarî yekkirina karînên hemû pêkhatên gelê Sûriyê û dezgehên opzisyonê û hêzên şoreşê ye, û tekez kirin ku tîma karê şopandina Qeyser di Hevbendiyê de dê pilana hevrêzî û hevkariyê digel cûrbecûr aliyên Sûriyê yên têkildar re deyne.

Û yasaya parastina sivîlan li Sûriyê ji du beşên bingehîn pê tê, yek jê ferzkirina sizeyan li ser rêjîmê û siponserê wê ye, û yê din dadgehkirina kesên tewanên cengê li Sûriyê kirine ye.

Jêder: Ofîsa Ragihandinê ya Hevbendiya Niştimanî ya Sûrî

28 May 2020 In Nûçeyên Hevbendiyê

Wezareta Navxwe ya Hikûmeta Sûrî ya Demkî, navên kesên hatine pejrandin jibo ku di dezgehên polîs û asayîşan de li bajarê Til Ebyed li gundewarê Reqayê û bajarê Serê Kaniyê li gundewarê Hesekê kar bikin ragihand.

Û Wezaretê bal kişand ku yên hatine pejrandin, ji yên taqîkirinên bizîşkî û yên govde û çandê di 21/2/2020an de ji wan re çêbibûn, despêkirina dewra wan ji ber bêtara Korona hat bidûrxistin.

Û Wezaretê lîsteyên navên kesên hatine pejrandin li ser malpera Hikûmeta Sûrî ya Demkî belav kirin, û eşkere kir ku divê ewên hatine pejrandin xwe bi cihên perwerdekirinê bigihînin, û dewre dê li deverên rizgarkirî dest pê bike û deh rojan bidome.

Û Wezaretê ji yên hatine pejrandin û li devera Til Ebyed rûniştine xwest, ku roja yekşembê 31/5/2020 katijmêr 9 sibehê li pêşiya baregeha polîs ya bajarê Ti Ebtedê (Dibistana Nesîbe ya Keçika) bin, û ji yên li Tirkiyê rûniştine xwest ku roja yekşembê 31/5/2020 katijmêr 9 sibehê li pêşiya dergehê sînorî yê Til Ebyedê bin.

Jêder: Ofîsa Ragihandinê ya Hevbendiya Niştimanî ya Sûrî

28 May 2020 In Nûçeyên Hevbendiyê

Rêveberê giştî yê Dezgeha Giştî ya Aşan ya Hikûmeta Demkî , got ku berhemê wan gihşte 17600 ton ard, û bi hevrêziya li gel encumanên xwecehî; tevaya wî berhemî li ser nanpêjgehên Etarib, Izaz, Bab û Cerablisê hate belavkirin, û bal kişand ku hin aş ji ber dagirkeriya hêzên rêjîmê ji dest wan derketin, û bi tenê aşên Izaz û yê Elbêda û yê Bezaa di destê wan de mane, ji bilî seknandina aşê Etarib ji ber topbarana artêşa rêjîmê û ya Rûsî.

Rêvberê giştî di heman mijarê de diyar kir ku gelek astengî li pêşiya karê wan derdikevin, wek nebûna genim ji bo hêranê bi sedema nekarîna dabînkirina wî ji hêla Dezgeha Giştî ya Îmbarkirina Dexl û Dan ji bilî zêdebûna nirxê pêdiviyên çêkirina nan ji ber têkçûna Lîreya Sûrî beranberî Dolar, û bal kişand ser ku sedamin din hene mîna peydanebûna sotemeniyê, lewra nirxê tonek nan dighêje 125 dolaran, ji bilî nirxê ard yê ku bêtir nirxê nan li deverên rizgarkirî li ser welatiyan bilind dike, welatiyên ku piraniya wan bê mûçe ne, û nebûna pereyan ji bo kirîna genimê xwecihî wê cotkaran neçar bike ku sala tê zeviyên xwe neçînin, û ji ber vê wê genimê ku madeya sereke ye di çêkirina nan de kêm bibe.

Dezgeha Giştî ya Aşan, hêvî dike ku karibe genimê cotkaran bikire, da ji wan re piştgir û dabîn be, da çandinî berdewam bimîne, û anîna genim ji derve dema ku yê xecehî kêm bibe, ji bilî dabînkirina hemû pêdiviyên aşan û yên nanpêjgehan bi hevrêziya li gel alî û rêxistinên hewarçûnê, da ku bi hev re pilanekê amade bikin ji bo kirîna genim û dabînkirina ard ji bo hemû deverên rêzgarkirî.

Tê zanîn ku Dezgeha Giştî ya Aşan yek ji kampaniyên Dezgeha Giştî ya Îmbarkirina Dexl û Dan e, ya bi ser wezareta Darayî û Abûrî di Hikûmeta Demkî de ye, û bi biryara 16 di 15-5-2014 hate damezrandin.

Jêder: Ofîsa Ragihandinê ya Hevbendiya Niştimanî ya Sûrî

24 May 2020 In Nûçeyên Hevbendiyê

Serokê Hevbendiya Niştimanî ya Hêzên Şoreş û Rikberiya Sûrî, Enes El-ebde, pîrozbahiya gelê Sûriyê bi boneya cejna remezanê kir.

Û di peyveke tomarkirî de, El-ebde, bal kişand ser ku cejn hat û gelê Sûriyê êş û azaran dikşîne, ji ber di dema ku aliyên rêjîmê li ser milyara rabûne hev, welatiyê normal li xwe heyrî ye ka dê çawa pariyê nanê zarokên xwe dabîn bike, û got ku ji dehên salan de ye, ev malbat diziya xêr û bêrê Sûriyan dike, û çembera li dor jiyana wan teng dike.

Û got ku her rojekê rêjîm zêde li ser desthilatê dimîne, gelê Sûriyê bacên buhatir dide, û anî ziman ku ev rewş ne tenê taybete bi yên li dijî rêjîmê derketine, lê ewên alîgirên rêjîmê de jî wê tengasiyê dibînin.

Û Serokê Hevbendiyê got ku rêjîma gendel yekser diber tewan û komelkujî û helmetên koçberkirin û girtin û îşkenceyên dermafê gelê Sûriyê pêkhatine de berpisyar e, her weha rêjîm berpirsyar e di ber gendeliya ku bobelatên aborî li dû hev bi dirêjiya bêtir ji 50 salî anîye ser welêt.

Û Serokê Hevbendiyê eşkere kir ku cezayên li ser movikên dewletê û serekên gendeliyê di rêjîmê de hatine sepandin, hêşt ku ew nakokiya navxwe derkeve derve, bi rêçekê da xuyakirin ku çendî bingeha rêjîmê û hundirê wê jihevketî ye, wek rêjîmek li ser zordarî û teror û gendeliyê hatiya avakirin, û derketina vê nakokiyê ji encama hin kar û guhartinan bû, û bi saya xwedê dê pêşketinên girîng çêbibin.

Û El-ebde, tekez kir ku tevaya xelkên Sûriyê, tevî alîgirên rêjîmê jî, bawer in ku rewş bi vî awayî namîne, û tevaya welatiyên Sûriyê bawer in ku rêjîm gihîştiye dawiya xwe.

Û derbarê yasaya Qeyser, diyar kir ku Hevbendiya Niştimanî tîmeke kar a taybet jibo şopandina cîbicîkirina vê yasayê ava kiriye, û dît ku ew wek kaxeteke fişarê ye ne tenê li ser rêjîmê, lê belê li ser tevaya dewlet û aliyên piştgiriya rêjîmê dikin.

Û got ku Hevbendiya Niştimanî niha bi Revendên Sûriyê re kar dike ji bo Yekîtiya Ewropa jî biryarekê mîna wê derxîne, daku hîn fişar li ser rêjîmê û siponserên wê zêde bibe.

Û cext kir ku Hevbendiya Niştimanî pabend e bi pirensîp û armancên şoreşê, û vekirina her deriyekî ji bo rawestandina xwînê û seknandina kuştin û wêrankirinê.

Û li ser kirîza Korona tekez kir ku hemû karên ku Hevbendî bi hevkariya Hikûmeta Sûrî ya Demkî pê rabûne çak û serkeftî bûn.

Û sipasiya xwe ji her yekî alîkar di vê serkeftinê re rediyar kir, çi kes bin an rêxistin û saziyên fermî bin, bi taybet Wezareta Tendurustî û Yekîniya Hevrêzkarên Piştgiriyê û tevaya rêxistinên bizîşkî yên li ser xaka welêt, û sipasiya tevaya rêxistinên Sûrî yên sivîl û rêxistin û aliyên Navdewletî yên alîkarî bi me re kirine kir.

Û tekez kir ku bi xweragiriya gelê Sûriyê, şoreşa Sûriyê qonaxa dijwar piştî êrîşa rêkûpêk yaku bi serokatiya hevalbendên şer derbs kir.

Û Serokê Hevbendiyê cext kir ku karên Hevbendî pê radibe ranaweste ta tevaya girtiyan werin berdan, her weha sizedana her yekî tewan dermafê wan kirine , û got ku em li ser wê doseyê bi berpisyariyeke mezin kar dikin, nemaze helmeta navdewletî yaku em pê rabûne da fişar li ser rêjîmê zêde bibin û girtiyan ji ber bêtara Vîrosa Korona berde.

Jêder: Ofîsa Ragihandinê ya Hevbendiya Niştimanî ya Sûrî

22 May 2020 In Nûçeyên Hevbendiyê

Serokê Hevbendiya Niştimanî ya Hêzên Şoreş û Rikberiya Sûrî, Enes El-ebde, diyar kir ku armanc ji tevlêkirina hin nûneran ji Encûmana Êl û Eşîran û Kombenda Serbixweyên Kurdên Sûrî, ji bo nûkirina xwîna Hevbendiya Niştimanî ye, û ew gav dê Hevbendiyê xurtir û çalaktir bike.

Û di hevpeyvînekê bi rojnameya Elerebî Elcedîd re, El-Ebde, bal kişand ser girîngiya rola Êl û Eşîran di dîrok û Şoreşa Sûriyê de, bi taybet ji aliyê beşdariya wan di Şoreşê de û di berxwedana li hember rêjîma Beşar Elesed û Milîseyên Rêxistina Daişê.

Û anî ziman ku Kombenda Serbixweyên Kurdên Sûrî hevbeşên me ne di Şoreşê û hêla niştimanî de, û em kêfxweş in bi tevlêbûna wan, û tevlêbûna wan dê bihêle ku di riya dezgehên Hevbendiyê re çalakiyên xwe yî niştimanî berfireh bikin.

Û derbarê diyaloga kurdî-kurdî ya bi siponseriya aliyin Navdewletî lidar dikeve, El-Ebde got ku rênimaya Hevbendiyê tenha pirensîpên şoreşa Sûriyê ne, û got ku baweriya me bi diyalog û danûstandinê heye, daku bighên çareyekê ku azarên gelê Sûriyê bi tevaya pêkhatên xwe bidawî bike, lê dibê bingehên pirosesa vê diyalogê de eynî bingehên Şoreşa Sûriyê bin, daku bighînin niştimanekî azad û sivîl û demoqrat ji hemû welatiyan re, yê cihê kujer û xûnmij û terorîstan tê de tune be.

Û got ku yek ji giringtirîn mercên diyalogê yên ku Encûmena Niştimanî Ya Kurdî pişta xwe pê rast kiriye, layengiriya şoreşa Sûriyê ye, û çi girêdanên bi rêjîmê re hebin divê bêne birîn, û girêdanên bi rêxistina Qendîlê ya terrorist li ser astên siyasî û leşkerî û ewlehî û diravî werin vekirin, her weha derketina hemû endamên ne ji kurdê Sûriyê yên di nav PYDê de, û tekeziya li ser têkliyên baş bi cîrana re, û destdirrêjiya karûbarên dewletên derdorê nekin, û bibînin ku doza gelê kurd dozeke niştimanî Sûrî ye û çara wê li Sûriyê ye ne li derve ye.

Û El-Ebde, di hevpeyvîna rojnemevanî de, behsa rewşa idlibê û lihevhatina agirbestê kir, û tekez kir ku ew doseya di pêşiya hemû doseyan de ye, û got ku Hevbendî herdem wê dosyê bi aliyê Tirkî re dişopîne, û me ti şûndevekêşan ji pabendiyên wan yên berê nedîtiye, û got ku lihevhatina agirbestê ya vê dawiyê, ya herî baş bû ji aliyê pabendiya rêjîmê ve, rêjîma ku bi xinizî û binpêkirinên xwe naskirî ye .

Û got ku em ji hemû rûdanên nû re amade ne, û sipsiya Tirkiyê li ser rola wê ya mezin di çespandina agirbestê de û pêşkêşkirina piştgiriyên girîng ji bo vegera xelkê bo deverên xwe kir.

Û El-Ebde, got ku hinek hêminî ji encama agirbesta dawîn çêbûye, lewra bi dehhzaran sivîl vegeriyan malên xwe, û got ku em bi aliyê Tirkî re kar dikin ji bo vegerandina yên din, bi hevkariya Hikûmeta Sûrî ya Demkî, tevî lewazbûna wê di warê diravî de.

Û cext li ser girîngiya kar ji bo vegerandina tevaya derbideran bo deverên wan kir, û nerazîbûna xwe ji koçberkirina xelkê an veguhastina wan bo deverin din anî ziman, û dît ku ew dikeve bercewendiya rêjîmê û guhartina demografî, ew siyaseta ku rêjîm li piraniya deveran pê rabûye.

Her weha Serokê Hevbendiyê tekez kir ku babetên herî pêşîn di siyaset û danûstamdinê de vegerîna derbider û koçberan li deverên xwe ye, û dabînkirina cîgeheke aram û guncaw ji jiyana wan re.

Jêder: Ofîsa Ragihandinê ya Hevbendiya Niştimanî ya Sûrî

20 May 2020 In Nûçeyên Hevbendiyê

Serokê Hikûmeta Sûrî ya Demkî, Abdilrahman Mostefa,duhê sêşembê, di riya odeyeke telfizyonî ya girtî re, civînek bi Cîgirê Alîkarê Wezîrê Emrîkî yê Karûbarên Rojhilata Nêzîk û Nûnerê Taybet bo Sûriyê, Ciwêl Rayborin, re lidar xist, û pê re behsa rewşa deverên rizgarkirî nemaze pilanên rûbirûbûna bêtara Korona û xebatên Hikûmeta Demkî jibo nehêlîna belavbûna wê kir.

Û li civînê Lîwa Selîm Idrîs Wezîrê Bergiriyê, û Endeziyar Mohemed Seîd Sulêman Wezîrê Rêvebiriya Xwecihî û Xizmetguzariyan, û Yasir Elhecî, rêvebirê têkliyên derve di Hikûmeta Sûrî ya Demkî de, her weha xanim Zehra Bel Seroka siyasî di pirograma Emrîkî bo piştgiriya Sûriyê amade bûn.

Û Serokê Hikûmeta Sûrî ya Demkî, di hevdîtinê de eşkere kir ku Hikûmetê ji bo nehêlîna belavbûna Vîrosa Korona li deverên rizgarkirî gelek gav avêtine, û xalên sînorî bi deverên rêjîmê re girtin, û xwendekar derbasî qonaxa pirosesa xwendina ji dûr de kirin, û pirosesên taqîkirinê ji kesên guman li ser wan hene re berdewam in, û navendên karantînayê ava kirin, di heman dema dermankirina navend û avahiyên giştî ya berdewam dijî vîrosa Korona, her weha helmetên xweparastin û hişyarkirinê.

Û bal kişand ku Hikûmetê di dema borî de hejmarek ji pirojeyên xizmetkariyê di warê tendurustî û fêrkirin û dad û ewlehiyê de pêşkêş kirin, û bi hêvî ye ku jipêre dezgehin nû ji bo cîbicîkirina pilana xwe ya çespandina rêvebiriya sivîl û hikumdariya baş li deverên rizgarkirî veke, û tekezî li ser pêwîstiya xurtkirina hikûmeta Sûrî ya demkî û pişgiriya pirojeyên nû kir.

Û herdû aliyan rewşa aborî li deverên rizgarkirî, û têkçûna nirxê leyreya Sûrî û bandora wê li ser welatiyan gengeşe kirin, û Serokê Hikûmetê bal kişand ser hewldanên rêjîma Esed ji bo ku diravên giran ji wan deveran bistîne, û sûdê di warê aborî de bibîne, daku cezayên lê hatine kirin bişkîne.

Û herdû aliyan tekezî li ser pêwîstiya parastina welatiyan ji têkçûna leyreya Sûrî kirin, her weha karên ku tên xwestin ji bo sivikkirina bandora wê mijarê li ser welatiyan.

Û ji aliyê xwe ve, birêz Ciwel Rayborin tekezî li ser girîngiya berdewamiya têklî û şêwran di navbera herdû aliyan de kir, her weha li ser peydakirina ewlehî û aramyê li deverên rizgarkirî axifîn, herweha kar li ser pêşdebirina têkliyan bi Hikûmeta Sûrî ya Demkî re û pêwîstiya berdewamiya têkiliyan jibo mijarên girîng yên hevbeş di nav herdû aliyan de di rojên pêş de behs bibin.

jêder: ofîsa ragihandinê ya Hevbendiya Niştimanî ya Sûrî

20 May 2020 In Nûçeyên Hevbendiyê

Şandek ji Hevbendiya Niştimanî ya Hêzên Şoreş û Rikberiya Sûrî, bi gereke şopandinyê li ser kampa “Elsedeqa” li gundewarê Idlibê rabû, kampa ku berî du rojan agir bi hin konên wê ketibû û bû dedema ziyanên mezin di çadir û avahiyên xizmetguzariyan de.

Û Şande ji Hevrêzkarê Ofîsa Hevbendiya Niştimanî ya sereke li gundewarê Helebê, Ehmed Elşihadî, û Endamê Hevbendiya Niştimanî, Necîb Rehmon, pêk dihat.

Û şandê hevdîtin bi malbatên ziyan dîne û hejmara wan 54 malbat bûn re çêkirin, û şewtandina çadiran hişt ku bêwar û bêkelûpel bimînin, û şanda hevbendiyê li rewşa wan a tendurustî pirsî û hewcedariyên wan yên sereke tomar kirin.

Û Hevbendiya Niştimanî alîkariyên lezgîn derbarê pêdviyên sereke ji wan malbatan re pêşkêş kirin, û têklî bi aliyên bexşandinê re kirin daku çadiran û avahiyên xizmegzariyan carek din bilez ava bikin.

Herweha şandê serdana kampên dîtir li gundewarê bakurê helebê kir, û rewşa derbideran û pêdviyên wan şopandin, û hejmarek ji kursiyên li ser dolaban dimeşin ji xwediyên hewcedariyên taybet re pêşkêş kir.

Jêder: ofîsa ragihandinê ya hevbendiya niştimanî sûrî

18 May 2020 In Nûçeyên Hevbendiyê

Daxwiyaniyeke Rojnamevanî

Fermandariya Ragihandin û Pêwendiyan

Di rojnameya Ukaz ya Siûdî de, dîdarek derbarê Yasaya Qeyse ya ku ji hêla Kongirêsa Emerîkî ve hatibû ragihandin hate weşandin, agahiyên giring tê de hebûn, pêwîst e welatiyên Siûdî û yên Ereb agehdarî wan bibin, lê agahiyên nerast jî tê de hatibûn weşandin, ji ber vê yekê hin zelalî derbarê tiştê weşandî û agahiyên li ser zarê hin mêvanan, hêjaye ku bên ronîkirinkirin û zelalkirin.

Bi nêzîkbûna cîbicîkirina yasaya Qeyser, weke her yasayekê derbarê rewşa Sûriyê, Hebendiya Niştimanî komîteke şopandinê destnîşan kiriye, ji bo şopandina yasaya Qeyser a ji hêla Kongirêsa Emerîkî ve hatiye Ragihandin ..

Karê vê komîtê karekî dezgehî ye, girêdayê yasayê ye, û tu têkilyên wê bi karê dîdevan “Qeyser” û tîma wî ya kar re tune ye, tevî piştgirya me ji wan re.

Erkê Hevbendiyê weke dezgehekê ew e, çi yasaya derbarê rewşa Sûriyê derkeve, wê ji bo bercewendiyên gelê Sûrî bi kar bîne, û çi kesê ku tewanan li dijî qurbaniya tomar yan belge bike, ew bi erkê xwe radibe, û çênabe xwe bike nûnerê bitenê ji qurbaniyan re.

Dê Hevbendî bi tevaya erkê xwe derbarê piştgiriya hikûmeta Emerîkî rabe, da ku yasa cîbicî bibe, û kesên berpires di ber van tewanan de siza bibin.

Lê hewildanên çêkirina tevlîheviyê û yên beravêtîkirina rola Hevbendiye ewê ne di çihê xwe de bin, û ew tenê xizmeta wan aliyan dikin, ên ku dixwazin perçebûnê di nava gelê Sûriyê de peyda bikin .

Hevbendî hemû karên rast derbarê belgekirina tewanên rêjîmê li dijî gelê Sûrî bilind dinerxîne, û çavnêr e ku hemû karên dibin hevrêz bin, û bibin yek da kesên gunehkar ji dadweriyê re bêne pêşkêşkirin.

Hevbendiyê doseya yasaya Qeyser di ofîsên afrandina biryarê de li Emerîka li gor karînên xwe ji salan ve dişopîne, da weke yasa were pejierandin.

Em rola revenda Sûrî ya li Emerîka derbarê şopandin û pişgirya doseya yasaya Qeyser bilin dinirxînin, û di heman demê de tiştê ku Qeyser pê rabûye û qehrmaniya wî bilind dinirxînin.

Tiştên derbarê helwesta ji Hevbendiyê, ew piresgirekin kesayetî ne, tevî ku em ew tiştên ku di dîdara rojnameyê de hatiye red dikin, lê em weke mafekî azadiya derbirînê lê dimeyzînin.

Hevbendiya Niştimanî ya Hêzên Şoreş û Rikberiya Sûrî

16 May 2020 In Nûçeyên Hevbendiyê

Wezareta Tendurustiyê di Hikûmeta Sûrî ya demkî de, tekez dike ku ti kesên bi nexweşiya Korona li deverên rizgarkirî tumne ne, û ew tekezkirin piştî shehkirina nû ji 22 kesên guman lê hene hat.

Û Wezîrê Tendurustiyê di Hikûmeta Sûrî ya demkî de, Meram Elşêx, eşkere kir ku Wezaret di kontirolkirina kesên guman lê hene de berdewam e, û hejmara kesên ketine bin kontirolê ji aliyê Wezaretê ve heyanî dîroka 15 gulana niha gihîşte 642 kesan, û diyar kir ku tevaya encaman nerênî derketin, û ta vê kêliyê kesên bi Vîrosa Korona pêketine tune ne.

Û bal kişand ser ku Wezaretê bi hevkariya ligel tevaya Wezaretên din di karûbarên xweparastinê de ji bo nehêlîna belavbûna Vîrosa Korona li deverên rizgarkirî berdewam e, û Wezaret di cîbicîkirina helmetên hişyariyê derbarê Vîros li cûrbecûr dever û kampan berdewam e.

Jêder: Ofîsa Ragihandinê ya Hevbendiya Niştimanî ya Sûrî

16 May 2020 In Nûçeyên Hevbendiyê

Hevbendiya Niştimanî ya Hêzên Şoreş û Rikberiya sûrî, civaka navdewletî hişyar kir , ku rêjîm nîrên heyî derfet bibîne û dest bi oparasiyoneke leşkerî li parêzgeha Deraa bike, û piştgiriya xwe ji xelkên Deraa re li dijî hêzên rêjîmê tekez kir.

Û Hevbemdiya Niştimanî dît ku Tevgera leşkerî ya rêjîmê li başûr dike, û anîna Milîsên Îranî û belavkirina wan li heremê, gaveke ber destpêkirina şer de ye, û em dibînin ku destpêka rewşeke metrsîdar e.

Û Hevbendiya Niştimanî daxwaz ji hemû aliyên sereke di civata Navdewletî de kir, da ku bi pêrabûnên xwe li dijî gavên ku rêjîm amdekariyê jê re dike rabin, daku rewş têkneçe û bêserûberî çênebe.

Hevbendiyê ragihand ku baweriya wê bi rîsipiyên Deraa tê, û piştgiriya xwe ji wan û nerîn û biryarên wan re tekez kir, û hişyarî da derbarê xapên rêjîmê û binpêkirinên wê ji lihevkirinan re.

Û hevbendiyê cext kir ku hemû bihaneyên rêjîm pêşkêş dike nayên pejrandin, û got ku rêjîmê berî her kesî dest bi çandina bêserûberiyê, wêrankirinê, girtinê, koçberkirinê, û binpêkirina peymanan kir.

û Hevbendiyê di daxuyaniya xwe de got ku xwepêşandamên ji cûrcecûr aliyên Horanê derketine daxwaza xelkê û nerazîbûna wan ji gef komkirina leşkeran û hebûna Milîsên Îranî li deverê tîne ziman, û bal kişand ku ew xwepêşindanên Deraa hatin da ku tekez bikin ku xetîra Şoreşê hîn di dil û mejiyê ciwanan de dadayî ye.

Jêder: Ofîsa Ragihandinê ya Hevbendiya Niştimanî ya Sûrî

Page 1 of 2
Home Nûçe Nûçeyên Hevbendiyê Items filtered by date: May 2020