Binpêkirinên kevnenû yên ko rêjîma Esed û hevalbendên wê li gundewarê Idlib û Hemayê dikin bûne sedema şehîdketina bêtir ji 100 kesan, ji nav wan zarok û jin, û bi hezaran ber bi kampên nêzîk sînorê tirkiyê derbider bûne.
Tîma Hevrêzkariya Alîkariyê ya bakurê Sûriyê tekez kir ko operasiyona leşkerî ya nuha û amanckirina rojane û berdwam ji bajar û bajarokên gundewarê Idlib û Hemayê re ji destpêka sibata bûrî de, jiyana bêtir ji 101 sivîlî têk daye û bêtir ji 350 yên din birîndar bûne.
Hevrêzkarên alîkariyê di serjimariyeke taybet bi rewşa mirovînî û meydanî li herêma bêçek di malpera xwe ya Facebookê de duhî înê diyar kirin ko, kirdeyên leşkerî yên dijminane ji hêla hêzên Esed û hevalbendên wan ve bûne sedema ko 14226 malbat derbider bibin, û destnîşan kirin ko operasiyonên derbideriyê li jêr berdewamiya bombebarana hêzên Esed li ser herêmê pêk tên.
Tîmê bombebarana hêzên Esed û milîtanên ligel wan li ser 92 bajar û bajarokan belgeh kiriye ji nav wan 42 li gundewarê Hemayê û 35 li gundewarê Idlib û 15 li gundewarê Helebê, hem jî firokên cengê yên hêzên Esed 10 bajar û bajarokên gundewarê Idlib amanc kirine.
Çalakvanan duhî înê ji gundewarê Idlib gotin ku piştî bombebarana hêzên Esed û milîtanan pênc kes birîndar bûne, ji encama armanckirina bajarê Xan Şêxûn û gund û bajarokên Eldêr Elşerqî û Meer Şimarîn û Tilminis û Sikêk li gundewarê başûr û gundên Bidama û Merend û Elnaciyê.
Çalakvanan ji gundewarê Hema gotin ku hêzên Esed bombebaran li ser bajar û bajarokên herêmê zêde kirine, bi topa giran û mûşekan bajarokên Til Elsexer û Hesraya û Keleha Elmedîq û gundên Eltiwêna, Elhiwêz û Cisir Bet Elras amanc kirine, di encamê de hejmarek sivîl birîndar bûne.
Hevbendiya niştimanî ya hêzên şoreşê û rikberiya Sûriyê tekez kiriye ko giring e rê li ber binpêkirin û tawankarî û bombebarana rojane ya ko rêjîma Esed derheqê sivîlan de li gundewarê Idlib û Hemayê pêk tîne bête girtin, û dibîne ko rêjîm bi mebest sivîlan amanc dike û komkujiyan derheqê wan de pêk tîne.
Hevbendiya Niştimanî daxwaz kir ko peyketina berpirsiysarên binpêkirinan bibe, û alavên çavdêrî û şopandinê li herêma bêçek bikar bên, wek ko di peymanê de li hev kirine, û pêrabûnan bikin bo peyman nebe alavek bo çavgirtin û rizgarbûna ji zizakirinê.
Jêder: Ofêsa Ragehandinê ya Hevbendiya Niştimanî
