Desteya Jinê ya Sûrî çalakiyên ku bi pişikdariya Yekîneya Piştgiriya Aramiyê cîbicî dike li bajarê Gazî Entab çalakiyên xwe berdewam dike, û rûniştineke gengeşe û diyalogê di bin navnîşana Mafên Jinê yên Destûrî û Yasayî de li dar xist, û tê de mêhvandariya D. Regda Elzêdan endama Komîteya Destûrî ya Biçûk ji hêla şandê civaka sivîl ve hate kirin, bi amadebûna Cîgira Serokê Hevbendiyê û Seroka Desteya Jinê ya Sûrî Ruba Hebûş û hejmarek ji jinên çalakvan li deverên rizgarkirî û li Tirkiyê amade bûn.
Û Zêdan Rûniştin bi kurte şiroveyeke dîrokî li ser destpêka saziyên jinan li Sûriyê di sedsala bîstan de û giringtirîn komele û yaneyên ku bo armanca karê xêrxwaziyê û belavkirina hînkirinê çêbûne vekir, û bal kişand ser berçavtirîn kesayetên jin yên ku di wê demê de binavûdeng bûne û şiroveyek li ser serboriya karê jinê piştî serxwebûnê pêşkêş kir.
Û Zêdan şiroveya xwe li ser mafên jina Sûrî di warê destûrî û yasayî de şopand, û li ser jinê di destûrên Sûrî de û berçavtirîn yasayên ku cudahiyê dixin navbera jin û mêran di mafan de wek: yasaya regeznameyê, cezayan, yasaya rewşa kesayetî û yên dîtir axivî.
Û şiroveyek li ser rewşa jina Sûrî berî şoreşê û piştî wê hate pêşkêşkirin, û bal kişand ser tepeserî û guhnedan û bikarînana ku jinê derdeseriyên wan mercan bi dirêjiya desthilatdariya rijêma Esed kişandiye, û got ku kiryarên hovane ji hêla rijêmê ve li ser jinê piştî şoreşê zêdetir bûn, û jin rastî girtin û binçavkirina kotekî û tundiya rêbazkirî û koçberkirinê hat, û ji xizmetkariyên bingehîn bêpar ma, û barên aborî û civakî hilgirtin, lê tevî wê jî karibû karîn û şiyanên xwe yên bilind berçav bike, û bighê pileyên siyasî û sivîl ta bighêje xwestina yasayên taybet daku mafên destûrî misoger bike, û beşdariyê di avakirina Sûriyê de wek dewleta hemwelatîbûn û dadwerî û yasayê bike.
Û rûniştinê giringtirîn pêdviyên jinê û astengiyên ku li pêşiya kar û rola wê radiwestin gengeşe kirin, û beşdaran tekezî li ser pêwîstiya zêdekirina hişyariya civakî bi mafên jinê û pêwîstiya beşdariya wê di avakirina civakê de û xurtkirina beşdariya wê di warê siyasî û rêvebirî de kirin, û yasayên ku rêxistina mafên jinê dikin deynin, daku jinê ji tundî û dijminkariya li ser wê biparêzin, û atmosfera giştî bo beşdariya jinê di karûbarê giştî de dabîn bibe, ji ber ku jin dikare bêhtir bandorê li malbat û civakê bike.
Jêder: Ofîsa Ragihandinê ya Hevbendiya Niştimanî ya Sûrî
