Hevbendiya Niştimanî ya hêzên şoreş û rikberiya Sûriyê, pîrozbahiya gelê bira yê Tûnisê kir, bi helkefta serkeftina berbijarê serbixwe Qays Saîd bo serokatiya Tûnisê di gera duyem ya hilbijartinên serokatiyê de.
Hevbendiya Niştimanî îro di daxuyaniyekê de hêviya serkeftinê ji serokê nû yê Tûnisî Qays Saîd re xwest, û baweriya xwe bi hilbijartinên azad û demokrat yên gelê Tûnisî piştrast kir.
Hevbendiya Niştimanî got ku serokê helbijartî dê prosesa serkeftin û pêşkeftinê li Tûnisê bidomîne, û dê di xizmeta gelê Tûnisî û bicihkirina bijardeya demokratiyê de, ya berhemê keda şoreşa Yasimîn e, berdewam be.
Hevbendiya Niştimanî di daxuyaniya xwe de got:”Em hêvîdar in serkeftina ezmûna Tûnisî berdewam bimîne, û xelkê Sûriyê jî di demek nêzîk de azadiya xwe weke birayên xwe yên tûnisî dabîn bikin, û projeya guhartinê ya qurbanên pir mezin ji bo wê dane misoger bikin”.
Jêder: Ofîsa Ragihandina Hevbendiya Niştimanî ya Sûrî