Hêzên Rûsî li dora 50 kesan ji nav wan zarok û Jin kuştin û bi dehan kes di sê rojên derbasbûyî de birîndar kirin, ko îro bazara Erîha li Gundewarê Idlibê, û doh bajarê Helebê û Kampek Penaberan li başûrê Dera amanc kirin.
Serokê Hevbendiya Niştimanî ya Hêzên Şoreşê û Rikberiya Sûriyê Enes Elebde, dibîne ko êrîşên asmanî yên Rûsî alîkariya Rêjîma Esed dikin. Her wiha Îranî bi xwe li Helebê çavdêriya Operasiyonên Leşkerî dikin.
Û got ku Îran û Rûsya bizavê dikin da “Hevsengiyeke Leşkerî ya nû” li Sûriyê feriz bikin û di paşerojê de Çareseriyeke siyasî ferzi bikin.
Gotina xwe berdewam kir “tu viyaneke siyasî li rex civaka navdewletî nabînim, da çareseriyeke siyasî ji bo Sûriyê pêk bînin.” Destnîşan kir ko nebûna “Viyana Siyasî” danûstandinên Cinêvê dike metirsiyê.
Elebde bêtir got: “ko viyaneke siyasî tunebe, tiştê li Cinêvê dibe wê tenê Peywendiyên giştî bin”
Destnîşan kir ko pabendî bi çareseriya siyasî li Sûriyê, pêwîstiya wê bi dabînkirina fakterên serkeftina wê heye, ji wan jî rawestandina kuştinê, û dorpêçê bi tekûzî rakin, û Girtî bêne berdan.
Elebde bal kêşand ser ko bi sedhezaran sivîl li herêmên rizgarkirî li Helebê bi qeyrana mirovî di ber gefan de ne piştî ko Rêjîmê bizavên xwe bêtir kirine dako dorpêçê li dora taxên bajêr ên rojhilat feriz bike.
Jêder: Hevbendî