Emîndarê Giştî yê Hevbendiya Niştimanî ya Sûr Heysem Rehmê, got ku destdanîna Îranê li ser saziyên Sûriyê wek dewlet, bêhtir aşkere bûye, piştî zêdebûna biryarên rijêma Esed bi awayekî rojane ji bo hêsankirina tevgera îraniyan û dabînkirina avantajan ji wan re.
Û Rehmê bal kişand ser wê yekê ku rijêma Esed li ser her Sûrîyê ku vedigere welêt disepîne ku 100 dolarê amerîkî li ser sînor xurde bike, beramberî derbasbûna welêt, di dema ku hêsankariyên derbasbûnê ji mêvanên Îranî re dabîn dike, û dihêle ew xercên rûniştina otêlan bi lîreya Sûrî bidin.
Û Rehmê tekez kir ku hemû biryarên rijêma Esed di çarçoveya stratejiya zordestiyê û talankirina mal û milkên xelkê de tên, lê ew serederî bi mêhvanên Îranî re tê guhartin, ji ber ku rijêm nikare çi biryara ku astengiyan ji tevgera wan çêke derîne, û ev yek asta destdanîna Îranê li ser saziyên rijêmê ya ku hema hema digihîje asta kontrolkirina tam diyar dike.
Û Rehmê cext kir ku rijêma Esed nema kare ji bin kontrola Îranê derkeve, û bal kişand ser ku ev yek mezinbûna şaştiya ereban nîşan dide, dema rê dan vegera rijêma Esed bo nav Komkara Erebî û hewil dan têkiliyan pêre asayî bikin.
Jêder: Ofîsa Ragihandinê ya Hevbendiya Niştimanî ya Sûrî
