Sikirtêrê giştî yê Hevbendiya Niştimanî ya hêzên şoreş û rikberiya Sûriyê Ebdulîlah Fehid, got ku nabe Rûsiya bi rêka berdewamiya kuştina xelkê Sûriyê parastina berjewendiyên xwe bike, lê belê pêwîst e berjewendiyên wê bi rêka parastina daxwazên gelê Sûriyê be, û dest ji rijêmek şikestî û milîsên mezhebperist yên ne rêkupêk yên nikarin parastina bajarek biçûk mîna Tedmur ji êrîşên DAIŞ bikin berde.
Fehid daxwaza rawestandina bombebarankirina bitewş ya li ser sivîlan li seraserî Sûriyê û parastina sivîlan û rakirina dorpêçkirinê li ser bajar û bajarokên welat kir, û daxwaza serbestberdana girtiyan kir, û got ku ev daxwaz hatine di tekesta wan hemû biryarên navdewletî yên ku Mosko bi xwe beşek serekî bû di têperandina wan de.
Sikirtêrê giştî bal kişand ku hêviyên şoreşa Sûriyê ji bo avakirina dewletek dîmokrasî ya piralî ye, û rêzê bigire li pêwendiyên baş ligel sercem gelên Cîhanê bi tevî Rûsiya.
Herwiha tekez kir ku bawerî bi Îranê û bi niyazên wê nabe, û bal kişand ku milîsên terorîst yên girêdayî Îranê, rabûn bi kospkirina rêkeftina derxistina sivîlan ji Helebê, ku rijdin li ser dirêjîpêdan û berdewamiya bijardeyên leşkerî yê ku herdem bitenê ew di bala wan de ye.
Jêder: Nivîsîngeha Ragihandina Hevbendiya Niştimaniya Sûriyê
