Hevpeymaniya navdewletî ya bi serkêşiya Amerîkayê, di daxuyaniyekê de, bi armanckirina du mizgeftên li gundewarê Dêrazorê mukur hat, ku li gor çalakvanên deverê, hat gotin ku bi dehan welatiyên sivîl têde jiyana xwe jidest dane.
Hevpeymaniyê îro roja sêşemê got ku wê çend avahiyên rêxistina çeteyên DAIŞ wêran kirine, ji ber ew dihatin bikaranîn ji bo êrîşên li dijî milîsên “PYD” li gundê El-sûsê li gundewarê Dêrazorê, û diyar kir ku di du rojên dawî de, du mizgeft hatin armanckirin, ewên ku ” Daişê ew wek du navendên fermandariyê û çavdêriyê li gundê El-Sûsê bikar tanîn “.
Hêjayê gotinê ye ku Hevbendiya Niştimanî ya hêzên şoreş û rikberiya Sûriyê tekez kiribû ku nabe şerê li dijî DAIŞê bibe bihane ji bo armanckirina welatiyên sivîl li Sûriyê.
Li gor çalakvanên deverê yên li ser belgekirina binpêkirinên li dijî welatiyên sivîl dixebitin, ku çar komkujiyên di dema 24 demjimêran de, di navbera şeva pêncşem û siba înê de, ji aliyê Hevpeymaniya navdewletî hatin pêkanîn, û bûne sedema mirina bi dehan kes.
Û ligor tora media xwecihî “Elşerq News” ku herçar komkujî hatine pêkanîn di navbera bajarê “Hicîn” û “El-sûsê” de, û zarok û jin di nava qurbaniyan de hene û ev yek piştrast dike ku êrîş bi tewşî û bêserûber bûn.
Di heman demaê de deverên “Elha’fa” û “Hucîn” û “El-sûsê” di rewşeke însanî ya pir xerab de dijîn, ligel nebûna hewcedarîyên jiyanê, û giranbûna bihayê xwarinê, ku biha gihiştine hejmarên xeyalî, tevlî nebûna çavdêriya pizîşkî, û zêdebarî şerên di navbera milîsên “PYD” û “çeteyên DAIŞê” de û êrîşên esmanî yên berdewam ji aliyê balafirên hevpeymanan.
Jêder: Ofîsa Ragihandina Hevbendiya Niştimanî ya Sûrî