PYDê hewla wê yekê dike ku hemû pêkhateyên civakê têxe bin destê xwe de, bi rêka dezgehên taybet bi xwe, û destdanîna li ser hemû pêdawîstiyên serekî yên jiyanê, û destdanîna li ser bazarganiya di navbera navçeyên kurdî û yên derve de.
Ku PYDê di navçeyên dibin destê xwe de û di her tax û gundekî de rabûye bi dirûstkirina komîneyekî ji endam û layingirên xwe, û gelek erk sipartina wan, yên di dawiyê de dikevin di xizmeta yek armancê de, ku ewjî ji bo neçarkirina hemwelatiyan bi biryarên xwe.
Herwiha ev “komîn” radibin bi rêxistina belavkirina kelupelên serekî yên jîn û jiyarê, ku kesek nikare wan kelupelan bi dest bîne ne bi rêka wan be, wek sotemeniyan (Dîzil û gazê) û gaza şewtandinê û nan û kerasteyên xwarinê (şekir- rûn- birinc….), ligor lîsteyên wan komînan, û bi behayekî ji yê pazrgehan kêmtir didin .
Herwiha ew komîn bi karên sîxorî radibin û wek çavê PYDê tên nasîn, û her gotinek bête gotin yan her çûn û hatinek bibe, radibin bi gehandina saloxan bo dezgehên hewlgerî yên PYDê, ku li pê wan saloxan xelk têne girtin, tevlî destnîşankirina cihên kesên daxwazkirî û her weha cihê ciwanên ji leşkeriya wan ya neçarî direvin.
Û rêveberiya PYDê hîç biyavek ji jiyana civakî yan ji abûrî re nehiştiye, û bo her tiştekî komîneyek dirust kiriye, ji komînên bazirganiyê heta bigihêje komînên karker û jinan û cotyaran û heta komînên pizîşkan û nojdar û rewşenbîran û hd, ku bi vê yekê PYDê xudanê her karekî bêpar kiriye, eger nekeve di komînên wê de, bê ku hebûna komînê pêwîst be ya ne pêwîst be wek komînên nojdar û pizîşkan.
Jêder: Bas News /Beşê kurdî yê Nivîsîngha Ragihabdina Hevbendiyê