Daxuyaniyeke Rojnamevanî
Hevbendiya Niştimanî ya hêzên şoreş û rikberiya Sûriyê, bi tundî teqîna xwekujî ya terorîstî ya li êvariya 19’ê cehzerana 2016 an li taxa Wista li Qamişlo, ya ku piraniya nişteciyên wê Siryan û Aşûrî ne, li dijî kombûneke ji sedên Siyran û Aşûriyan li holekê bi amadebûna petrikê Siriyanên Ersodoks li Sûriya û Cîhanê şermezar dike.
Ku dubarebûna armanckirina taxên Siryan û Aşûriyan û Xiristiyanan bi giştî, bo cara çaran di heyamê heyvekê de, ku ev yek hebûna pilaneka tawankarî ya terorîst li dijî vê pêkhateya netewî tekez dike, ji bona koçberkirina Xiristiyanan û valakirina navçeyê ji pêkhateyeke kevin, herwiha ku ev yek gotinên Rêjîmê bi parastina kêmnetewan bi derew derdixe, ku herdem hewl dide kaxeza kêmhejmarên netewî û olî bikar bîne, ji bo guhertina riya hevrikiyê ya serekî û guhertina raya giştî ya navnetewî ber bi şerê li dijî terorê tenê de.
Hevbendiya Niştimanî ya hêzên şoreş û rikberiya Sûriyê, tekez dike ku rêjîma Esed wê bi xwe pişkdarî kir di peydakirina keş û seqayeke herî baş ji bona hatina terorê û derfet dayê bo berfereh bibe, destê wê bi xwe di rêvebirina terora dewletê li dijî gelê Sûriyê heye, berpirsyaretiya hemû kiryarên terorê di Sûriyê de bi awayekê rasterast ya ne rasterast dikevin li ser milê wê, bi taybetî li navçeyên di dest wê de.
Ku armanckirina Siryan û Aşûriyan bi armanca koçberkirin û raguhestina wan ji cih û warên wan, bi xwe armanckirina ji firerengiya li Sûriyê û li navçeyê re ye, herwiha armanckirina wateya firerengî û zengîniya nasnameya niştimanî ya Sûriyê ye, ew nasnameya em hewl didin vegerênin di çarçovê wê yê niştimanî de li bin sîbera yekîtiya xak û gelê Sûriyê, û ew nameyeke bo Civaka Navdewletî da ku bi erkên xwe yên rewştî û yasayî rabe, bi rêka pêdagiriya piransîpên mirovî yên li ser binyatên dad û azadiyê, û kar li ser piştgiriya gelan li dijî stem û zordestiyê, û standina helwestek rijd li hember rola rêjîma Esed di piştgirî û berpirsyaretiya wê di ber terorê û belavbûna wê de, û standina gavên wêrek û xuya ji bona pêşvebirina piroseya siyasî bi rêka cêbicêkirina birgên rêkeftina Jinêv 1 û biryarên NY yên pêwendîdar.
Hevbendî hevxemiya xwe tîne ziman ligel xelkê Qamişlo, û bi taybetî ligel kesukarên qurbaniyên bêguneh, û ji hemûyan daxwaza hevgirtin û hevkariyê dike û hişyariyê dide li ser lîstokên rêjîmê û destekê wê di çêkirina fitne û cudahiyan di navbera xelkê welat de, nameze ku herdem Rêjîm hewl dide vê yekê li seraserî welêt bikar bîne.
Rehma xwedê li şehîdan be,
û saxî û silametî ji birîndaran re,
û azadî ji girtiyan re,
bijî Sûriya û gelê wê bi azadî û serbilindî
Hevbendiya Niştimanî ya hêzên şoreş û rikberiya Sûriyê
21 hezîran 2016
