Serokê Hevbendiya Niştimanî ya Sûrî Hadî El-Behra, pîrozbahî li gelê Sûriyê yê mezin kir bi helkefta ragihandina serkeftina şoreşa Sûriyê li ser rêjîma Esed ya hilweşiyayî, ji bo bidestxistina dadmendî, azadî, demokrasîyê û vegerandina mafên mirovî, destûrî û yasayî, bi riya pêvajoyeke veguhertina siyasî ya rêkûpêk.
El-Behra pîrozbahî da serkirde birêz Ehmed El-Şer’i li ser bidestxistina wî ji baweriya fraksyonên leşkerî re û destnîşankirina wî wek Serokê Komara Erebî ya Sûrî di qonaxa veguhêz de ji bo bidestxistina veguheztina siyasî bi riya bikarînkirina gelê Sûriyê ji bo daraştina projeyê destûra nû, û pêkanîna referandomê li ser û destnîşankirina serkirdeyan bi riya hilbijartinên azad û pak û adil di etmosfereke ewle ya bêalî de.
El-Behra hêviya serkeftinê ji Serok Ehmed El-Şer’i re kir û alîkariya Xwedê jê re xwest di hilgirtina berpirsiyarî û erkên wî de û wî biser bixîne ji bo temamkirina azadkirina Sûriyê bi xak û gelê wê ve, û bang li gelê Sûriyê bi hemû pêkhateyên wî ve kir ku bi hev re kar bikin ji bo bidestxistina ewlehî û aramiyê, û beşdariyê di avakirina dewleta Sûriyê ya nû de bikin, dewletek bi hemwelatîbûna wekhev di maf û erkan de.
Jêder: Oîsa Ragihandinê ya Hevbendiya Niştimanî ya Sûrî
