Monday, 09 October 2017 00:41

Encûmena Niştimanî ya Kurd Şeşemîn Salvegera Şehîd Mişel Temo Vejîn dike

Şeşemîn salvegera terorkirina yek ji stûnên şoreşa Sûriyê Mişel Temo îro li roja înê 08.10.2017 an ji aliyê nûnertiya Encûmena Niştimanî ya kurdî û Şepêla pêşeroja kurdî li bajarê Stembolê li Tirkiyê hate vejînkirin.

Cîgirê serokê Hevbendiya Niştimanî ya şoreş û rikberiya Sûriyê Ebdulbasit Hemo di vê helkeftê de li ser rewştê rewanşad û giyanê wî yê şoreşgerî axivî û amaje bi rola wî ya karîger di hest û dilê şeqama kurdî de kir.

Ji aliyê xwe ve, Mensûr Atasî serkirdeyê partiya Çep a Sûrî di peyvekê de cext li ser giringiya wê yekê kir ku pêwîst e xelkê Sûriyê ji rewişt û niştimanperweriya Mişel Temo hîn bibin, nemaze ku Rijêmê û hevalbendên xwe karîn pêkhateyên civaka Sûrî ji hev dûr bikin, û bal kişand li ser giringiya şopandina rewştên nemir Mişel li hember pilanên Rijêmê û peyayên wê.

Herwiha bi vê helkeftê peyv û gotar ji aliyê Şepêla Pêşerojê û Tevgera Çaksaziya Kurdî û peyvek bi navê Partiya Demokrata Kurdistan ya Tirkiyê û Partiya Yekîtiya Demokrata kurdistanê hatin pêşkêşkirin, ku di wan peyv û gotaran de amaje bi ked û xebat û helwestên wî yên biwêr û qonaxên jiyana ku tê re derbas bûyî hat kirin, nemaze piştî destpêkirina şoreşa Sûriyê.

Her weha çend helbest ji aliyê Bavê Helepçe ve hatin pêşkêşkirin

Jêder: Beşê kurdî ji nivîsgeha ragihandinê ya Hevbendiya Niştimanî

Home Nûçe Nûçeyên Xwecihî Encûmena Niştimanî ya Kurd Şeşemîn Salvegera Şehîd Mişel Temo Vejîn dike