Hikûmeta Sûrî ya Demkî, sê rojan şîna giştî li deverên rizgarkirî ragihand, û di daxwiyaniyekê derbarê komkujiya nexweşxaneya Elme’medanî ya li ser destê Îsraîla dagîker li Gezayê de, got ku dê alên li ser dezgeh û saziyên Hikûmetê li deverên rizgarkirî li bakurê Sûriyê bên çimandin.
Û Hikûmeta Demkî got ku komkujiya ku hêzên Îsraîla dagîrker dermafê sivîlên jin û zarok pêk anîye, tawanên rijêma Esed û hevalbendên wê dermafê gelê Sûriyê bi dirêjiya salên bûrî tîne bîra me.
Û daxwiyaniyê bal kişand ser ku gelê Sûriyê li hundirê welêt û li her derê, rawestana xwe li gel miletê Filestînî yê bira tîne ziman, û tawan û komkujiyên ku dermafê bêgunehan pêk tên, şermezar dike.
Û daxwiyaniyê got ku gelê Sûriyê ji herkesî bêhtir nehevsengiya pîvanên navdewletî, û metirsiya çavgirtina ji binpêkirina yasayên navdewletî nas dike, û gelek caran hişyarî daye derbarê ku rêbaza rijêma Esed di kuştina sivîlan û koçberkirina wan de bibe nimûne û tewankar jê hîn bibin.
Û Hikûmeta Demkî di daxwiyaniya xwe de daxwaza rawestandina yekser a rêbaza kuştin û wêrankirin û koçberkirinê, û sizadana tawankaran li her cih û warî kir, û sersaxiya gelê Filestînê û tevaya alîgirên mirovahiyê li cîhanê kir.
Jêder: Ofîsa Ragihandinê ya Hevbendiya Niştimanî ya Sûrî