Endama Hevbendiya Niştimanî ya Sûrî Selwa Eksoy, bal kişand ser ku rûniştina dadgehkirinê di baregeha Dadgeha Bilind ya ser bi Netewên Yekbûyî ve li Holendayê, ya ku rijêma Esed lê amade nebû, giringî da derxistina biryara bi navê Rêşûnên Demkî ji bo Parastinê li Sûriyê bi armanca rawestandina îşkencekirinê bi awayekî yekser, ji ber binpêkirina rijêma Esed ji rêkeftina îşkenceyê ya navdewletî re.
Û Eksoy di gotarekê de li ser malpera “Sûriya TV” got ku rêşûnên parastinê ji girîngtirîn çalakiyên Dadgeha Dadweriya Navdewletî ne, ji bo nakokiyên navdewletî çareser bike û aştî û ewlehiya navdewletî biparêze, û ew armanca sereke ya Netewên Yekbûyî ye, ya ku Dadgeha Navdewletî amûreke wê ya sereke ye.
Û Eksoy tekez kir ku hewldanên kategorîkirina dosya gitiyên Sûrî di navbera her sê beşan de: Mafnasî, mirovahî û siyasî, lawazkirineke eşkere ji wê dosyayê re ye.
Û Eksoy got ku divê tevaya pilatformên mafnasî û mirovahî û siyasî û her kesê di karûbarê Sûrî de dixebite, li ser heman helwestê bibin yek, û tenê giringiyê nedin rêyekê û rêyên dîtir piştguh nekin.
Û Eksoy bal kişand ser wê yekê ku dosya girtiyên Sûrî wek dosyeke mafnasî û mirovahî û siyasî û danûstandinî hatiye pêşkêşkirin, û ev yek nermahiyekê dabîn dike, da ku çareyin ku berê nebûne jê re bibînin, û wê nexin qalibên ku ti encamên wan ên berçav tune ne.
Û Eksoy ji rayedarên sîyasetmedar xwest ku rêyên siyasî û danûstandinî bibînin, ji bo ku girtiyên di zîndanên Esed e rizgar bikin, û bal kişand ser ku divê çalakvanên sivîl di dosya girtiyan de piştgiriya çi tevgera ku bi çi şêweyî be, çi siyasî be an danûstandinî an leşkerî be jî, bikin.
Tê zanîn ku Holenda û Keneda giliyek li dijî rijêma Esed li bal Dadgeha Dadweriya Navdewletî derbarê îşkencekirinê pêşkêş kiribûn, û di lîsteya tometbariyan ya li dijî rijêma Esed de, binpêkirinên bêjmar ji yasaya navdewletî re, ji destpêka şoreşa Sûriyê di sala 2011an de, hebûn.
Jêder: Ofîsa Ragihandinê ya Hevbendiya Niştimanî ya Sûrî