Berevaniya Sivîl a Sûrî ragihand ku duh, sêşemê, di encama sê teqînên paşmahiyên şer de, 3 sivîl hatin kuştin û 5 kesên din, 4 ji wan zarok in, birîndar bûne.
Berevaniya Sivîl tekez kir ku rojane li Sûriyê teqînên paşmahiyên şer çêdibin, û dibin sedema ku sivîl dibin qurbanî, ji ber ku bi sed hezaran ji wan teqemeniyan li deverên berfireh belav in, ku ev yek wek “mirineke bendewarkirî ye, ji encama paşmayên şerê rêjîma Esed û hevalbendên wê li dijî gelê Sûriyê bikar anîne.” Û tekez kir ku paşmayên şer jiyana xelkê dixin metirsiyê û nahêlin ku ew bi cih bibin û vegerin ser mal û warên xwe û pêwîstiyên mirovî bêhtir dike.
Bergiriya Sivîl diyar kir ku hersê teqîn li bajarokê Talhiyê li gundewarê rojhilatê Idlibê çêbûn, di encamê de 2 sivîl hatin kuştin û sivîlekî din jî bi giranî birîndar bû, teqîna duwem li zeviyeke gundê Afis li gundewarê rojhilatê Idlibê bû, têde sivîlek dema ku çandiniya zeviyê xwe dikir hat kuştin, û Teqîna sêyem li derdora Zeviya Qasimiye li nêzîkî Qubtan El-Cebel li gundewarê Helebê yê rojava rû da, û di encamê de çar zarok birîndar bûn.
Tîmên berevaniya sivîl kuştina 32 sivîlan, 8 zarok û jinek di nav wan de hene, û birîndarbûna 48 sivîlan, 19 ji wan zarok in, bi giranî birîndar bûn, di teqîna bermayên şer û mayînan de li herêmên Sûriyê, di heyama 27ê meha mijdarê heta roja yekşemê ku 5ê kanûna paşîn e, belge kiriye.
Hevbendiya niştimanî ya Sûriyê tekezî li ser pêwîstiya lidarxistina kampaniyeke berfireh ji bo hişyarkirina xelkê derbarê metirsiya paşmahiyên şer kir, û daxwaz ji nişteciyên navçeyên curbicur ên Sûriyê kir ku dûr bikevin ji navçeyên wêrankirî yên ku rastî bombebarankirinê hatine , û dûrî bikevin ji rêyên bejahî yên cihên pevçûnan bûn, ji ber ku hêzên rejîmê bi awayekî bêserûber mayin li wan deveran çandine.
Û bal kişand ser wê yekê ku paşmayên şer bûne sedema bi hezaran qurbaniyên sivîl di salên borî de, û tekez kir ku ew tawanên cengê ne û tevlî zincîra tawanên hovane yên rêjîmê dibin.
Jêder: Ofîsa Ragihandinê ya Hevbendiya Niştimanî ya Sûrî
