Daxuyaniya Rojnamevanî
Rûpelin torên civakî zanyariyên nerast belav kirine li ser naveroka civîna êvariya çarşema borî li Koşka Gel li Şamê di navbera Serokê Rêveberiya Nû ya Sûriyê û serokê Hevbendiya Niştimanî û Serokê Desteya Danustandinan pêk hat.
Hevbendiya Niştimanî tekez dike ku civîn erênî û baş bû, ji ber ku helwest û nerînên derbarê kêşeyên qonaxa niha û çawaniya rûbirûbûna wan bi awayekî ku xizmeta berjewendiyên gel û welatê me bike bi awayek ronî û zelaliyeke tam hatin parvekirin. Herweha me tekezî li ser piştgiriya xwe ji xebata hikûmeta demkî ya Şamê re di van şert û mercên dijwar de kir, Ji bo bidestxistina ewlehî, aştiya sivîl û aramiyê û pêşkêşkirina xizmetguzariyên bingehîn ji welatiyan re, û me piştevaniya welatên bira û dost û pêşkêşkirina wan ji alîkariyên mirovî re û piştgiriya wan ji serkirdayetiya nû re ji bo kêmkirina êş û azarên gelê Sûriyê û mukumkirina ewlehî û aramiyê bilind nirxand.
Serkirdayetiya Hevbendiya Niştimanî bi serkirdayetiya rêveberiya nû ya Sûriyê re çend mijarên giring gotûbêj kirinm, yek jê konferansa niştimanî ya ku biryar e bê lidarxistin bû, û serkirdayetiya Hevbendiyê li nêrîna serokê rêveberiya nû derbarê wê û derbarê qonaxa veguhêz û rewşa aborî ya niha û awayê pêşketina Sûriyê û vejînkirina aborîyê, her wiha rola sazî û dezgehên siyasî û civakî û rêxistinên civaka sivîl ên ku di dema şoreşê de û berî wê jî hatine avakirin û nêrîna wî derbarê qonaxa veguhêz guhdarî kir, û serkirdayetiya hevbendiyê jî nêrîna xwe di vê derbarê de pêşkêş kir, û di civînê de bi ti awayî behsa ti kota, post û mijareke ku ji gelê Sûriyê re ne giring e nehat kirin.
Me hemûyan xwest ku tevaya mijarên ku danûstandin li ser wan bû bi erênî û zelaiyek tam be, û me tekezî li ser girîngiya wê yekê kir ku her kes di çarçoveya piştgirîkirina pêvajoyên avakirina dewleta Sûriyê de kar bike ji bo pêkanîna daxwazên ku gelê Sûriyê serî ji bo wan hildaye û qurbanî dane, herwiha me nêrîna xwe derbarê rêşûnên qonaxa veguhêz de û giringiya serkeftina wê pêşkêş kir, û tekez kir ku tevaya sûriyan di yek gemiyê de ne û divê bi hev re bi rê bikevin, bi riya parvekirina bar û karan û hevrêzkirina xebatê ji bo hevtemamkirinê û cîbicîkirina erkan, û serkirdeyê nû jî tekezî kir li ser giringiya ku hemû sûrî berê keşteyê bidin heman armancê da keştî bi awayekî ewle bi rê bikeve.
Hevbendiya Niştimanî amaje bi wê yekê dike ku civîn nêzîkî du demjimêr û çil xulekan berdewam kir, û erênî û berfireh bû û giringtirîn pirs û kêşeyên li pêşiya Sûriyê di vê qonaxa dîrokî de hatin behskirin.
Hevbendiya Niştimanî ya Hêzên Şoreşê û Rikberiya Sûrî
Ofîsa Ragihandin û peywendiyan
12 kanûna paşîn 2025
