Daxuyaniya Rojnamevanî
Hevbendiya Niştimanî ya Sûrî daxuyaniyên rejîma Îranê yên ku armanca wan çêkirina tevlîheviyan, têkdana aramiyê û derxistina nakokiyên mezhebî li Sûriyê ye, bi bikaranîna bermayên rejîma Esed û ajanên Îranê di xwepêşandanên mezhebî de, û armanckirina hêzên ewlekariya Sûriyê bi operasyonên terorîstî, yên bûne sedema şehîdbûn û birîndarbûna hejmarek ji wan şermezar dike.
Hevbendiya Niştimanî tekez dike ku ev ajanên Îranê û girûpa bermayên rêjîma berê nûneratiya mezheba Elewî nakin, ku gelek caran rûspî û şêxên mezhebê di daxuyaniyên xwe de tekez kirine ku ew li gel tevaya gelê Sûriyê ne, û piştgiriya wî dikin ji bo sizadana hemû kesên ku destên wan bi xwîna sûriyan bûye, û em di van demên hestyar de ji gelê xwe dixwazin ku pabendiyê bi agahiyên serkirdayetiya leşkerî li deverên ku vê dawiyê alozî li wan derketin bikin, da saxlemiya xwe biparêzin û girûpên paşmayên rêjîmê û ajanên Îranê wan ji xwe re bikar neynin.
Hevbendiya Niştimanî rêjîma Îranê bi awayekî tam berpirsyar dibîne di ber tiştên ku rû didin, û daxwazê jê dike ku destêwerdanê di karûbarên Sûriyê de neke, û tekez dike ku dosya rêjîma Îranê li Sûriyê tijî tawanên cengê û tawanên dijî mirovatiyê ye bi hevkariya li gel rêjîma Esed ya têkçûyî, û Sûriye dê hemû karîna xwe bikar bîne ji bo hesabdîtina bi her kesê ku destê wî bi xwîna Sûriyên bêguneh bûye.
Îro Sûriye hewcedara karînên tevaya gelê xwe ye ji bo careke din pêşde biçe piştî bidehên salan ji serkutkirin û stemkariyê, û ji her kesî dixwaze ku karê niştimanî yên tevayî bikin û her cureyê cudakirina di nav gelê heman welatî de red bikin, ji bo pêkanîna hêminî û aramî û aştiyê û destpêkirina pêvajoya avakirin û geşepêdan û pêşveçûnê.
Hevbendiya Niştimanî piştgiriya xwe ji Rêvebiriya Demkî ya Sûriyê re diyar dike ji bo aktîvkirina mîkanîzmayên dadgehkirinê yên serbixwe, bêalî û dadwer ji bo destpêkirina dadgehkirina tawanbarên tawanên li dijî mirovatiyê û tawanên cengê, û tekezîyê li ser giringiya hevkariya Sûriyan bi desthilatên şareza re dike ji bo pêkanîna ewlehî û aştiya sivîl li hemû parêzgehên Sûriyê.
Hevbendiya Niştimanî ya Hêzên Şoreşê û Rikberiya Sûrî
Ofîs Ragihandin û Peywendiyan
26 kanûna pêşîn 2024
