Emîndarê giştî yê Hevbendiya Niştimanî ya Sûrî Heysem Rehma, helwesta Encumena Hevkariya Kendavê ya derbarê Sûriyê bilind nirxand, û rola welatên kendavê di piştgiriya gelê Sûriyê de û rawestana li kêleka wî di vê qonaxa hestyar de giring dît.
Rehma di daxuyaniyeke rojnamevanî de tekez kir ku ruxandina rêjîma Esed kilîteke girîng e ji Sûriyan re ji bo bidestxistina veguheztina siyasî, avakirina dewleta dadmendî û wekheviyê, û bidestveanîna daxwazên gel ên azadî, rûmet û guhertina demokratîk.
Û Rehma dilêşî û guhdana birayên Encumana Hevkarîya Kendavê û giringîpêdana wê ji serweriya Cemhûriya Erebî ya Sûrî û serxwebûn û yekbûna xaka wê re û redkirina destwerdana biyaniyan di karûbarên wê yên navxweyî de û piştgiriya wan ji proseseke veguhestina giştgîr re a daxwazên gelê Sûriyê yên aramî û geşepêdan û jiyaneke rûmetdar pêk tîne re bilind nirxand.
Rehma bal kişand ser wê yekê ku şerê rêjîma Esed û hevalbendên wê li dijî gelê Sûriyê wêraniyeke mezin gihand taxên niştecihbûnê û binesaziyên mîna nexweşxane, dibistan û perestgehan, ji bilî kêmbûna xizmetguzariyan di warê elektrîk û avê û berhemên petrolê de, û spasiya welatên Encumena Hevkariya Kendavê kir li ser pabendbûna wan bi berdewamiya pêşkêşkirina piştgiriya pêwîst ji xelkê Sûriyê re.
Jêder: Ofîsa Ragihandinê ya Hevbendiya Niştimanî ya Sûrî
