Serokê Hevbendiya Niştimanî ya Sûrî Hadî El-Behra, tekez kir ku gelê Sûriyê piştî rûxandina rêjîma Esed niyazên wî yên mezin hene, çi di warê aramî û ewlehiyê de, çi di warê bidestxistina baştirîn xizmetguzariyan de, çi di warê avakirina peywendiyên baş bi welatên cîran û cîhanê re be.
El-Behra got ku Sûriyê piştî çend salan ji bindestî û stemkariyê dixwaze ji nû ve ji bin xweliya wêraniyê serî hilde û giyan û welat ji nû ve ava bike, xizmetguzariyan, aborîya azad a xurt û derfetên kar ji bo pêşdebirina çandinî, pîşesazî û bazirganiya xwe bi çaktirîn reng peyda bike.
El-Behra got ku Sûriye her wiha dixwaze têkiliyên xwe xurtir bike bi welatên ereb ên bira re ên ku deriyên xwe vekirin û mêvandariya bi sed hezaran ji gelê Sûriyê kirin û ji bo kêmkirina êş û azarên wan gelek tişt peyda kirin û her weha bi welatên cîranê xwe re wek Tirkiyê ku mêvandariya bi milyonan ji wan kir, her weha sazkirina baştirîn peywendiyan bi welatên Yekîtiya Ewropî û Amerîkayê re ên ku gelek alîkariyên mirovî pêşkêşî gelê Sûriyê kirin, û bi deh hezaran penaber hembêz kirin û gelek ji wan bûn welatên wan ên duwemîn.
El-Behra tekez kir ku Sûriye naxwaze destwerdanê di karûbarên navxweyî yên dewletan de bike an bibe çavkaniya metirsiyê ji ewlehiya neteweyî ya wan re, lê belê dixwaze têkiliyên xwe li ser bingeha rêzgirtina serweriya hev û berjewendiyên hevpar ava dike.
Û bal kişand ser wê yekê ku Sûriya azad şerê tundrewî û terorê dike, şerê çêkirin û bazirganiya madeyên hişber dike, û hevkarekî bi bandor e di bidestxistina ewlehî û aramiya navçeyî û navdewletî de û pêşvebirin û avakirina aştiyê li navçe û cîhanê .
El-Behra spasiya her kesê ku di salên şoreşê de alîkariya gelê Sûriyê kiriye û her kesê ku li gel wî radiweste ji bo pêşketina Sûriyê, kir.
Jêder: Ofîsa Ragihandinê ya Hevbendiya Niştimanî ya Sûrî
