Cîgirê Serokê Hevbendiya Niştimanî ya Sûrî Ebdulmecîd Berekat, bang li desthilatên Libnanî kir ku girtiyên Sûrî yên li bal xwe serbest berdin, piştî ku rêjîma Esed ruxiyaye.
Berekat di daxuyaniyeke rojnamevanî de bal kişand ser wê yekê ku bi salan e desthilata Libnanî bi sedan kesên Sûrî di zindana Romiyê de girtine, bi sedema dijberiya wan ji rêjîma Esed re, û got ku dema azadkirina wan hatiye piştî şert û mercên dijwar ên ku tê de jiyane.
Berekat bal kişand ser wê yekê ku piştî rûxandina rêjîma Esed, Sûriyê hewl dide têkiliyên baş bi cîranên xwe re nemaze Libnanê re hebin, û diyar kir ku malbatên girtiyan li benda dîtina zarokên xwe ne, mîna girtiyên din ên ji zindanan derketine, piştî ku rejîma Esed hilweşiya.
Jêder: Ofîsa Ragihandinê ya Hevbendiya Niştimanî ya Sûrî
