Daxuyaniyeke Rojnamevanî
Piştî ko Civaka Navdewletî di pêkanîna çareyeke siyasî de ji bo bobelata Sûriyê û rawestandina bombebarana rêjîma Esed ji taxên niştecihan û sûkan bi bermîlên teqîner û gazên kîmawî têk çû. Û vekolîna sedemên sereke yên mana Esed yê ko hebûna wî bûye sedema derd û kulên Sûriyan li her derê, êdî reva Sûriyan ber bi herêmên aram çi li dewletên cîran û çi ber bi Ewropa ve bûye bijarteyeke rewa û yasayî ko mirov kêmtirîn pêdiviyên jiyanê bibîne.
Hevbendiya Niştimanî bangeke lezgîn dide tê de daxwazê ji Civaka Navdewletî dike ko berpirsiyariyên xwe yên mirovî û sincî beraber doza miletê Sûrî hilgire. Û kar ji bo bidawîkirina qeyrana Penaberên Sûrî û rêkên aram ji bo wan biguhêzên Herêmên aram bibîne da demikî bimînin heta ko vegerin malên xwe, û nehêlin bazirganên qaçaxiyê bi çarenûsa wan bileyizin û bobelata wan delîve bikin.
Bêguman ji evan bobelatên ko tên serê miletê Sûrî li derve û hundir û li hundirê deryayê, Rêjîm berpirsiyariya mezin hiltîne. Ew yê ko şer li dijî miletê Sûrî yê ko doza azadiya xwe berdewam dike û çekên kîmawî û bermîlên teqîner bikar tîne, ew zorê li milet dike ko berê xwe bide penaberiyê û koçber bibe. Lê belê hemû aliyên navdewletî jî hindek ji berpirsiyariyê hildigirin û gerek bi erkên xwe rabin û aştî û ewlekariyê pêk bînin û sivîlan ji mirinê biparêzin.
Em dozê li civaka navdewletî dikin ko qebareya bobelata miletê Sûriyê bizanin, ko ji cenga cîhanî ya duyem û vir ve tiştekî ji wisa mezintir nebûye. Gerek li gora ketwarê binerin bi istiratîciyeke ko rêza mafê mirovan bigire, regez û baweriyên wî û nasnameya wî çi be bila bibe. Bila bes cudahiyê di navbera mirovan de bikin û jiyana wan nekin bazaran de bi awayekî ko digihê asta nijadperestiyê.
Her wiha em dozê li dewletên ko Penaber xwe li wan digirin dikin, ku yasayên nû ji Penaberan re derxînin ko daxwazên penaberiyê hêsan bikin û nehêlin rêjîma Esed ewan bêtir tengav bike. Her wiha giring e ko parastina mirovî û yasayî ji wan re dabîn bikin.
Hevbendiya Niştimanî ya Hêzên Şoreşê û herikiya Sûriyê
Nivîsgeha Ragihandinê
29.Tebax.2015
