Dirêjkirina yasaya sizayên ku Yekîtiya Ewropa li ser rijêmê sepandine, pêngaveke erênî û cihê xweşhaliyê ye, nemaze di dema ku Dewletên Ewropî ragihandine ku wan hîn bêhtir saziyên rijêmê xistine lîsteya sizayan de, û pabendiya Ewropa bi helwestên cidî derbarê rijêma tawanbar tiştekî pir girîng e, û divê ku cihê giringîpêdanê be ji hêla hemî aliyan ve.
Tevî ku Hevbendiya Niştimanî di her boneyekê de tekeziyê li ser giringiya standina tevaya rêkarên sivikkirina bandora sizayan li ser gelê Sûrî dike, û divê cîbicîkirina wê tenê li ser rijêm û xelekên tawanê yên pêve girêdayî û kesên tevlî binpêkirin û tawanan bûne be, lê pêwîst e ku cîbicîkirina van biryar û yasayan û pabendiya bi lîsteyan bi awayekî cidî were bibîranîn, û ku ti delîveya ku rijêm têre ji sizayan bireve nehêlin, û sist bi cîbicîkirina sizayan negrin.
Û em di vir de balê dikşînin ser giringiya yasaya sizayan ya Emrîkî yaku li ser rijêmê hatiye sepandin ya bi navê Qeyser hatiye naskirin, û em cextiyê li ser pêwîstiya bicihanîna yasayê bi awayekî berfireh û vebir li ser hemî kesên di lîsteyê de hatine dikin.
Çi piştguhkirin di warê cîbicîkirina sizayan de hebe, dê tenê di pûçkirina kartêkerkirin û jikarêxistina rola wan de be, û ji bo dirêjkirina temenê derdeseriyan û paşxistina guhertina ku tevaya xelkê Sûrî bendewarên wê ne be, çi li Sûriyê be an li derve be, her weha li ser asta dewletên herêmê û cîhanê.
Ji Yekîtiya Ewropa, Emrîka, Birêtaniya, dewletên Erebî û dewletên dostê gelê Sûrî yek bi yek û bi tevayî tê xwestin ku berpisyariyên xwe derbarê avakirina mîkanîzmeke navdewletî ya vebir hilgirin, daku têde sizayên ku li ser rijêmê hatine sepandin li gel rêşûnên piratîk di çarçoveyeke demnîşankirî de pêk werin, ji bo ku Tawanên berdewam li Sûriyê rawestin, û derdeseriyên bi dehên hezarên girtîyên di zîndanên Esed de bidawî bib, û vegera ewle bo koçberan misoger bibe, û biryarên navdewletî cîbicî bibin, û di pêşî de biryara 2254.
Hevbendiya Niştimanî ya Hêzên Şoreş û Rikberiya Sûrî
Ofisa Karûbarên Penaberan
12 çirya pêşîn 2021
