Daxwiyaniyeke Rojnamevanî
Îro bi dilêşî cîhanê komkujiyek ji komkujiyên rijêma Esed ya tawankar, yaku rojnameya The Guardian a Birêtanî eşkere kiriye şopand, û dîtin ku çawa endamin ji hêzên rijêma Esed komekujiyekê dermafê bi dehên sivîlan pêk tînin, û di pey re wan davêjin kortekê û bi awayekî hovane govdê wan dişewtînin.
Tiştê ku rojnameya The Guardian eşkere kiriye, tawaneke tenê ji nav bihezaran ji komkujiyên xwîndar yên ku rijêma Esed û hevalbendên wê dermafê gelê Sûriyê pêk anîne ye, û tiştê ku berê sûrî zanin, îro bi çavan tête dîtin û cîhan tev lê temaşe dike, û vê tawanê ti guman nehiştin ku ev rijêma hov di ber gelek komkujiyan de berpisyar e.
Hevbendiya Niştimanî tekez dike ku ev Tawana ku rojnameya The Guardian li taxa Eltedamun a Şamê şopandiye tawaneke cengê ya bi temamê mercên wê ve ye, û yên ku pêkanîne diyar in, û cihê wê eşkere ye, û ev tawan û tawanên mîna wê yên belgekirî, sizakirineke dadwer bo rijêma Esed a tawankar di Dadgeha Tawanên Navdewletî de dixwaze.
Û Hevbendiya Niştimanî cext dike ku aştî li Sûriyê û deverê çênabe bi hebûna rêxistina tawankariyê yaku tevaya cureyên tawanan dermafê sûriyan pêk anîye, çi bi serjêkirina bi kêran be, an bi gulebarandinê be, an bi bombebarana topxane û bermîlên teqîner û balefir û fetisandina di riya çekên kîmawî re be. Tevaya van tewanan bilezkirina vekirina doseya sizakirina navdewletî û dadgehkirina dadane ji tawanbaran re dixwaze, daku dadwerî bi ser bikeve, û tirajîdiya sûriyan bidawî bibe.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
27 nîsan 2022
