Serokê Hevbendiya Niştimanî Hadî El-Behra, civînek li ser tora enternêtê bi endamên Desteya Jinên Sûriyê yên li navçeyên curbicur ên Tirkiyê û bakurê Sûriyê ne re pêk anî, ji bo gotûbêjkirina pêşhatên dawî yên girêdayî rewşa Sûriyên li Tirkiyê, bi taybetî guhertinên dawîn piştî bûyerên ku roja yekşema borî li bajarê Qeyserî yê Tirkiyê dest pê kirin û ber bi hin iyaletên din ên Tirkiyê ve berfireh bûn û pêşhatên li hundirê Sûriyê pêk hatin.
Cîgira Serokê Hevbendiya Niştimanî ya Sûriyê Dîma Mûsa di civînê de amade bû.
El-Behra bi amadebûyan re şert û mercên cuda li deverên ku lê ne û hewcedariyên lezgîn ên sûriyan li wan deveran, her weha temîniyên derbarê tiştên ku divê di dema navîn û dirêj de li ser wan were xebitandin û çi pêkane ku bê kirin ji bo dûrketina ji gurkirinê û baştirkirina rewşê û gihandina deng û daxwazên jinan bo rayedarên pêwendîdar di hikûmeta Tirkiyê de û dabînkirina ewlehî û saxlemiya Sûriyan li Tirkiyê gengeşe kirin.
El-Behra helmetên sorkirinê yên li ser bingeha nijadperestî yên ji hêla hin kesan ve li hin iyaletên Tirkiyê têne meşandin şermezar kirin, û bal kişand ser girîngiya xwegirtinê û kontrolkirina karvedanan li hember van reftar û kiryaran. Û jinên beşdar bi gavên ku Hevbendiyê bi hevrêziya li gel desthilatên Tirkiyê avêtine hatin agahdarkirin û ku ew berdewam in li ser avêtina gavan ji bo parastina ewlehiyê û dabînkirina ewlehiya hemwelatî û niştecihan li Tirkiyê û rûşûnên yasayî yên tên kirin ji bo dadpirsîna berpirsên binpêkirinên ku pêk ahtine, di nav de destdirêjiya dijî mirovan û mal û milkên giştî û taybet.
Her wiha serokê Hevbendiyê ronîdanek siyasî li ser pêşhatên dawî pêşkêş kir, û tekez kir ku dane û zanyariyên niha li ber destê Hevbendiyê hene, bi zelalî diyar dikin ku ti niyaza hikûmeta Tirkiyê tune ye ku ti deverê radestî rêjîmê bike. û Tirkiyê hîn jî di wê baweriyê de ye ku ji bo bidestxistina ewlehî, aramî û aştiya domdar li Sûriyê, pêwîstî bi gihîştina çareseriyeke siyasî li gor biryara Encûmena Ewlekariyê 2254 heye, ji ber ku çareseriya siyasî take-rêya ku kare penaberên Sûriyê razî bike ji bo bi dilxwazî û awayek ewle vegerin cih û warên xwe yên li welêt. El-Behra bal kişand ser wê yekê ku dewleta Tirkiyê her dem tekezîyê li ser rijdî û pabendbûna xwe bi yekîtiya axa Sûriyê û serxwebûna wê dike û ji ber vê yekê jî hêzên wê nikarin berî rakirina metirsiya rêxistinên terorîst vekişin, ji ber ku ew jêdera metirsiyê ne ji ewlehiya neteweyî ya her du welatan re, û tu garantîya ku ev rêxistin venegerin tune ye ji bilî bicîkirina çareseriya li gor biryara 2254 ya Konseya Ewlekariyê.
Her wiha li beşdarên ji herêmên rizgarkirî hat guhdarîkirin, ku gotar li ser pêşketina rewşê deverên niştecihbûna xwe pêşkêş kirin, û pêşniyarên xwe ji bo dubarenebûna tiştên rû dan diyar kirin. Û El-Behra tekezî li ser giringiya nehiştina dûvçûna li pey gotara nefretê kir ku armanca wê ya sereke ew e ku bihêle mirovên bêguneh heman gotarê bikar bînin, û dûrketina ji kiryarên xerab yên ku ziyanê dighînin malûmilkên giştî û yên taybet û tekezî li ser mafê welatiyan kir ku nêrîn û helwestên xwe bi hemû rêyên aştiyane diyar bikin, û tekezî li ser giringî û sembolîya ala serxwebûnê ya ku ji aliyê gelê şoreşger ve weke ala şoreşê hatiye pejirandin kir, û cihekî vê alê yê taybet di dil û mejiyê Sûriyan de heye, ji ber ku ew ala ku ji aliyê Şoreşa Sûrî ya Mezin ve hatibû bilindkirin û yekem ala ku ji aliyê dewleta Sûrî ya serbixwe ve hat hildanbû, û şoreşgeran ew wek ala şoreşa Sûriyê ya di sala 2011an de dest pê kir pejirand û çi riswakirina dijî vê alê riswakirin ji tevaya gelê Sûriyê re ye, û li gor heman rastiyê em hêviyê ji gelê xwe dikin ku rêzê li sembolên netewî yên gelên welatên dost bigire, herwiha tekezî li ser pêwîstiya vegerandina ewlehî û aramiyê li navçeyên rizgarkirî û giringiya diyaloga bi xelkên wan deveran re kir, daku bigihin mekanîzmaya hevkarî û hemahengiyê di navbera hemû saziyên fermî yên hêzên şoreşê û rêxistinên civaka sivîl de, bi armanca pêşxistina hin çareseriyên ku kar û barên welatiyan hêsan dikin û hinekî ji êşên wan sivik dikin.
Jêder: Ofîsa Ragihandinê ya Hevbendiya Niştimanî ya Sûrî
