Koma xebatê ya partî û tevgerên siyasî di Hevbendiya Niştimanî Sûrî de duh, duşemê, civîneke rawêjkariyê bi hejmarek partî û tevgerên siyasî yên Sûriyê re li dar xist, ji bo gotûbêjkirina rewşa penaberên Sûriyê li Tirkiyê, bi taybetî bûyerên vê dawiyê li iyaleta Qeyserî û pêşhatên vê li bakurê Sûriyê yên rizgarkirî çêbûne her weha gotûbêjkirina rewşa siyasî ya girêdayî dosyaya Sûriyê li herêmê bi giştî.
Di civînê de Cîgirê Serokê Hevbendiyê Ebdulmecîd Berekat, hevrêzkarê Girûpa Kar a Partî û Şepêlên siyasî Mihemed Elî Îsa û hejmarek ji endamên desteya siyasî û nûnerên zêdetir ji 25 partî û tevgerên siyasî yên Sûriyê amade bûn.
Cîgirê Serok Ebdilmecîd Berekat diyar kir ku Hevbendiya Niştimanî ji destpêkê ve kiryarên tundûtûjiyê li dijî mal û milkên penaberên Sûriyê li Qeyseriyê şermezar kiriye, û bi desthilata Tirkiyê re peywendî kiriye û wan jî bersiv daye û bi sedan kesên beşdar û handarên wan bûyeran girtin, û di heman demê de civîn li gel pêşengên tevgera gel li herêmên rizgarkirî li dar xistin ji bo gihiştina xalên hevbeş ji bo çareserkirinê.
Berekat tekez kir ku Tirkiye wek dewlet bercewendiyên wê yên taybet hene, û Hevbendiya Niştimanî nêrîna xwe derbarê çareseriya siyasî li Sûriyê pêşkêş kir, ku pabend e bi pêwîstiya gihiştina veguhestina siyasî ya tam û cîbicîkirina biryarên navdewletî yên girêdayî pirsa Sûriyê, bi taybetî Daxuyaniya Cinêvê û biryarên 2118 û 2254.
Û amadebûyan tekez kirin ku Hevbendiya Niştimanî take nûnerê rewa yê gelê Sûriyê ye, û nerîna wê derbarê çareseriya siyasî ya kolana Sûriyê ye, û dest ji daxwazên rûxandina rêjîma Esed û bidestxistina azadî, rûmet û demokrasiyê bernade.
Amadebûyan daxwaza berfirehkirina peywendiyên Hevbendiya Niştimanî bi xelkê re kir ji bo avakirina baweriyê û pêşxistina pilanên stratîjî yên amade ji rûbirûbûna senaryoyên paşerojê re, û tekezî li ser pêwîstiya berfirehkirina bingeha Hevbendiya Niştimanî li ser asta navdewletî û lêgerîna li welatên ku karibin berjewendiyên hevbeş bi wan re ava bikin kirin.
Herwiha tekezî li ser giringiya pêşxistina Hevbendiya Niştimanî li ser astên siyasî, aborî û leşkerî kirin, û yekkirina opozisyonê di bin serpereştiya wê de, û tevlêkirina xwîna nû di nav wê de, ji bo ku cîhan bawer be ku Hevbendiya Hêzên Şoreş û Opozisyonê dikare bibe Alternatîfa rejîma Esed, û dîtin ku vexwandina Hevbendiyê ji aliyên siyasî yên Sûriyê re ji bo rawêjkariyê gaveke wêrek e ber bi çareseriyê ve.
Amadebûyan behsa hewcedariya guhertineke stratîjîk di awayê dan û standina bi şoreşa Sûriyê û armancên wê re kir, û pêwîstiya aktîvkirina rola Komîteya Hevbeş a Sûrî-Tirkî û spartina serokatiya wê ji endamekî desteya siyasî re her weha bihêzkirina saziyên Hikûmeta Sûrî ya Demkî, hişyarkirina penaberan derbarê mafên wan û belavkirina çanda yasayê.
Beşdaran daxwaz ji Hevbendiya Niştimanî kirin ku peywendiyê bi hikûmeta Tirkiyê re xurt bike ji bo birêkûpêkkirina rewşa Sûriyan, çi li Tirkiyê çi li bakurê rizgarkirî be, û avakirina ofîseke yasayî ji bo prosesên dersînorkirina penaberan bişopîne.
Û tekez kirin ku xwenîşandanên aştiyane mafekî destketî yê gelê Sûriyê ye, û tiştê çêbûye ji encama kombûna pirsgirêkên neçareserkirî yên salên borî ye.
Jêder: Ofîsa Ragihandinê ya Hevbendiya Niştimanî ya Sûrî
