Daxuyaniyeke Rojnamevanî
Di çarçoveya kampanya tawankarî ya berdewam ji çend mehan ve ji hêla rêjîmê û hevalbendên wê li ser gundewarên bakurê Hemayê û tevaya deverên gundewarê Idlibê, bajarê Miret al-Ni’hman di çend demjimêrên borî de rastî topbaranek asîmanî hat, û bû sedema komkujiyekê û têde 13 kes şehîd ketin, di nav de zarok, tevî birîndarbûna bi dehan kesên din.
Têkiliyên me bi aliyên navdewletî re li ser vê kampanyê û binpêkirina peymanan berdewam in, û em careke din dubare dikin ku hemû operasyonên rêjîmê, Rûsya û Îranê, bi xwe tawanên şer ên beloq in, ku bi rêka wan li radeya yekê deverên niştecî û sivîlan wekî armancên sereke têne topbarankirin, û divê cîhan tevbigere ji bo rawestandina vê felaketê ya ji hêla rêjîmê û hevalbendên wê ve li dijî gelê Sûriyê dibe.
Hevbendiya Niştimanî dubare piştrast dike ku ji Netewên Yekbûyî û civaka navdewletî, û nemaze ji grûpa dewletên zilhêz, tê xwestin ku van êrîş û komkujiyan bi awayekî bilez rawestînin, nemaze ku helwestên ne berpirsyar yên van welatan bûn sedema peydabûna aloziyê, û ev yek wan têxe li hemberî berpirsyareke mezintir hember rawestandina komkujiyên berdewam û bizaveke navdewletî bibe ji bo misogerkirina azadiya xelkê Sûriyê û parastina welatiyên wê yên sivîl.
Hevbendiya Niştimanî ya hêzên şoreş û rikberiya Sûriyê – Sûriya
Ofîsa Ragihandinê
28’ê tebax 2019
