Daxuyaniyeke Rojnamevanî
Kiryarên veşarina bi darê zorê beşek girîng ji rêbaza rejîmê bû bi armanca jinabirina rêzên pêşîn yên çalakvanan, ligel kiryarên kuştin, koçberkirin, binçavkirin û îşkenceyê, ji kiryarên belavkirina tirs û terorê di nava gelê Sûrî de, da viyana wan bişkîne û pêşî li şoreşa wan bigire, di nav wan tawan û binpêkirinan de, pêkanîna bêserûşûnkirina bi darê zorê, li dijî hemû nifşan, di nav de zarok û jin û kal.
Li gorî texmîn û dateyên rêxistinan, 85,000 kes bi darê zorê ji hêla hêzên rêjîmê ve hatine bêserûşûnkirin, ku hêjî rêxistinên mafên mirovan her meh zêdetir bûyeran tomar û belge dikin, ku nêzîkî 400 bûyerên wendakirina bi zorê di tîrmeha borî de bi tenê hatine belgekirin, tevî penaberên hatine girtin ji hêla hêzên rejîmê ve piştî vegerandina wan bi darê zorê bo Sûriyê.
Deftera tawanên hatine pêkanîn bi destê rejîma Esad di salên borî de, herî xirab û herî metirsîdar û hovane ne di vê serdemê de, ji ber vê yekê, Hevbendiya Niştimanî ya hêzên şoreş û rikberiya Sûriyê, careke din bibîr tîne ku divê Encûmena Ewlehiya Netewên Yekbûyî bi karê şopandina biryarên peywendîdar rabe, nemaze biryarên xwe hejmar 2042, 2043 û 2139, û bi taybetî jî tekstên girêdayî bi bêserûşûnkirina bi darê zorê, binçavkirinên keyfî û îşkenceya li dijî girtiyan, û balê dikşîne li ser şert û mercên giran li ser jiyana bi deh-hezaran kesên bêserûşûn, revandî û binçavkirî.
Hevbendiya Niştimanî made 1, 2 û 5 yên Peymana Navdewletî ya ji bo Parastina hemû kesan ji bêserûnkirina bi darê zorê libîr tîne, ku sûcdariya bêserûşûnkirinê wekî tawaneke dijmirovahiyê li gorî yasa navnetewî dide zanîn, û pêşkêşkirina bihaneyan li gor rewşên awarte red dike.
Hevbendiya Niştimanî bêkêriya navdewletî derbarê tewan û binpêkirin û zêdegaviyên tirsnak dijî mafên mirovan yên ku rijêma Esed pêk tîne şermezar dike, û tekeziyê li ser giringiya hilgirtina dewletên kartêker ji berpirsyariyên xwe re derbarê van tewanên rêbazkirî, û giringiya rêkirina wan bo dadgeha tewanan ya navdewletî, û peyketin û sizakirina berpirsên wan û tevaya tewanên li Sûriyê ji sala 2011an de pêk tên.
Hevbendiya Niştimanî ya hêzên şoreş û rikberiya Sûriyê
Ofîsa Ragihandinê
30 tebax 2019
