Serokê Hevbendiya Niştimanî Sûrî tawana Rêxistina ” Daiş”ê bi kuştina rojnamevanê Yabanî Kincî Xoto ku ew bi ” Rojnamevanê Mêr û fîdakar ” binav kir şermezar kir. Xoce sersaxî ji malbata Xoto, Hikûmeta Yabanî, û milletê wê yê dost re xwest.
Serokê Hevbendiyê tekez kir ku :” Şoreş berdewam e, ta cîhanê ji şerê rejîma Esed çêkerê tirorê li deverê, û ji şerê hemû rêxistinên tirorist ku dever tije kuştin û xerabî kirine rizgar bike “.
Xoce got: ” Roj li dûv rojê, Daiş dupat dike ku bi tu zimanî ji bilî zimanê kuştin û tirorê napeyive”. Û berdewam kir: ” Şerê dijî tundrewan berdewam e”.
Serokê Hevbendiyê wisa pê de çû: ” Xoto jiyana xwe bo rawestana kuştinê û tundiyê û parastina zarokan ji boblatên cengan feda kir, tiştê ku em Karin bikin ,em bi rêz li himber giyanê vî mirovê gewre û giyanê hemû rahênankarên jiyana xwe li ser destê rejîma Esed ya tawankar û çêçlîkên wî ji rêxistinên tirorist ji dest dan rawestin “.
Xoce wisa jî got:” Êrîşên Hevpaymaniyê li ser ” Daiş”ê, nekarîne firehbûn û vegirtina wê rawestînin, û bidawîkirina ziyana wê li ser Sûriyan û cîhanê tekez kirin. Herweha Artêşa Sûrî a Azad di destpêka sala bûrî de aktîvkirina xwe di şikandina “Daiş” û qewirandina wê ji Helebê tekez kir “.
Serokê hevbendiyê wisa bidawî kir:” Ez ji hemû welatên cîhanê û hevalan dixwazim, pirojeyê me di sazîkirina Artêşa Azad de û damezirandina Artêşa Niştimanî Sûrî alîkar bin, ji ber tu hêvî li ber çavan bo bidawîkirina rejîma Esed û tirora Daişê ku xwe berdaye nava deverê ji bilî wê tune ye “.
Jêder: Hevbendî
