Cîgirê Serokê Hevbendiya Niştimanî ya Sûrî Ebdulmecîd Berekat, tekezî li ser pêwîstiya parastina belgeyên ku rêjîma Esed bi pêkanîna tawanên cengê li dijî sivîlan di salên borî de tohmetbar dikin kir, bi awayekî ku alîkariya mîkanîzma bêalî ya navdewletî di vekolînan de bike ji bo çesipandina aştiya navxweyî li welat bi riya bicîanîna dadmendîyê ji xizmûkesên qurbaniyan re.
Berekat di daxuyaniyeke rojnamevanî de tekezî li ser wê yekê kir ku mijara hesabpirsînê yek ji dosyayên herî girîng ên qonaxa veguhêz e, ji bo pêkanîna aştiya sivîl li welat bi pêkanîna dadweriyê ji bo malbatên qurbaniyan.
Berekat bal kişand ser girîngiya parastina sazî û dezgehên hikûmetê û nehiştina ku çi kes derbasî zindanan, navendên binçavkirinê û cihên îşkencekirinê bibe, da kes destê xwe nede belge û amûrên îşkencekirinê, heta ku tîmên neteweyî yên pispor bên avakirin û şandeyên navneteweyî werin û erkên xwe yên pê hatine erkdarkirin pêk bînin.
Berekat diyar kir ku parastina delîl û belgeyan dê bibe alîkar di paydakirina mekanîzmaya bêalî ya navneteweyî di peywira xwe de bi ser bikeve û berpirsyarên tawanan diyar bike û li gorî mekanîzmayeke navneteweyî hesab ji wan bixwaze.
Jêder: Ofîsa Ragihandinê ya Hevbendiya Niştimanî ya Sûrî
