Cîgirê Serokê Hevbendiya Niştimanî ya Sûrî Ebdulmecîd Berekat, tekez kir ku milîsên PYDê yên terorîst hîn tawanan li dijî sivîlan li navçeyên di bin destê xwe de pêk tînin, di demekê de ku ew îdia dikin ku ew ciddî ne di danustandina ji bo danîna çekan û tevlêbûna nav rêzên artêşa nû ya Sûriyê de.
Berekat di daxuyaniyeke rojnamevanî de amaje bi wê yekê kir ku berdewamiya van milîsan di pêkanîna tawanan de li dijî sivîlan nîşana wê yekê ye ku niyeta wan a rast berovajî tiştê ku ew îdîa dikin e, û ew kar dikin ji bo qezenckirina demeke zêdetir bi armanca hiştina hêza xwe ya leşkerî ya ku gef e li ser yekitiya welat û tevna wî ya civakî.
Berekat bal kişand ser wê yekê ku ev milîs astengiyek rasteqîn in li pêşiya vegerandina serweriyê li ser hemû xaka Sûriyê, û tekez kir ku daxwaza wan a hiştina hêza xwe ya leşkerî weke yek blokê ji bo wê yekê ye ku bêtir tawanan pêk bînin û xelkê bitirsînin û ji ajandayên derve re kar bikin.
Berekat bal kişand ser wê yekê ku berepêkên danûstandinên niha ne bêdawî ne, û got ku çareseriya leşkerî hîn jî bijardeyek cidî ye ji bo jinavbirina hemû rêxistinên terorîst û sepandina kontrolê li ser hemû axa Sûriyê.
Berekat dûpat kir ku dewleta Sûriyê ya dahatî dê li ser bingehên dadperwerî û hevwelatîbûna wekhev be li gor yasayê, ji bo hemû pêkhateyan, di nav de kurd jî wek beşeke bingehîn ji gelê Sûriyê.
Malpera Dêrazorê 24 ragihand ku çekdarên PYDê her du birayên hev ên bi navên “Elêwî Tu’imê û Berho Tu’imê” di dema girtina ser gundê Mucibra li başûrê rojhilatê Hesekê de kuştin, her weha operasyonên girtina ser malan dijî xelkê bajarokê Izba yê li bakurê parêzgeha Dêrezorê pêk anîn.
Jêder: Ofîsa Ragihandinê ya Hevbendiya Niştimanî ya Sûrî
