Roja şemiya bûrî, Desteya Jinên Sûrî ya bi ser Hevbendiya Niştimanî ya Sûrî ve, rahênaneke akademîk a bi sernavê “pêşxistina karîna rêvebirina civînan û amadebûna medyayî”bi dawî kir, ku ji aliyê Desteyê ve bi hevkariya li gel Yekîneya Piştgiriya Aramiyê, bi dirêjahiya sê rojan li bajarê Gaziantebê, hate pêkanîn.
Çalakî bi amadebûna Cîgira Serokê Hevbendiya Niştimanî Dîma Mûsa û beşdarbûna endamin ji Desteya Jinên Sûrî yên ji Gazîentab, Riha û Bakurê Sûriyê li dar ket.
Armanca perwerdeyê pêşxistina karîna amadebûna di medyayî de wekî axêverên siyasî her weha rêvebirina civînan bi awayekî kartêker bû . Di rahênanê de bêhtir giringî dan bo pêşxistina karîna lîstina roleke mezintir di gotûbêj û diyalogên navxwe û giştî de, her weha bihêzkirina amadebûna medyayî û pêşkêşkirina jinan bi şêweyekî profesyonel li pêşberî medya û cemawer.
Di komxebatê daniştinên hevkarîyê hebûn derbarê rêbazên rêvebirina bi bandor, teknîkên amadebûna hember kamerayê, haziriyên ji bo derketina pêş medyayê û stratejiyên bibandorbûna medyayî hebûn. Beşdaran têkiliyeke mezin bi materyalên perwerdeyê re nîşan dan, û tekezî li ser girîngiya vê komxebatê kirin ji bo zêdekirina karîna wan ji bo pêkanîna rola xwe di forumên giştî û medyayî de.
Ev rahênan di çarçoweya bizavên Desteya Jinên Sûrî de ye, ji bo mukumkirina rola jinê di warên curbecur de, û amadekirina wan ji bo lîstina roleke aktîv di siyaset û karûbarên giştî de li ser asta herêmî û navdewletî, li gorî nêrîna Desteyê ya piştgirî û bihêzkirina jinên Sûriyê ji bo lîstina rola xwe ya rewa di karê siyasî de.
Jêder: Ofîsa Ragihandinê ya Hevbendiya Niştimanî ya Sûrî
