Desteya siyasî ya Hevbendiya Niştimanî ya Sûrî, îro pêncşemê, civîna xwe ya asayî lidar xist, tê de pêşhatên meydanî û rewşa siyasî di dosya Sûriyê de, rewşa penaberên Sûrî li Tirkiye, Libnan û welatên ku lê bûne penaber gotûbêj kirin, û li raportên ofîsan, rêveberiyan û girûpên kar guhdarî kirin.
Cîgirê Serokê Hevbendiyê Ebdulmecîd Berekat, şiroveyek derbarê karê desteya serokatiyê û danûstandinên wê yên ji bo dosyeya penaberên Sûriyê û şopandina rewşa wan a yasayî pêşkêş kir.
Amadebûyan pêşhatên li deverên rizgarkirî çêdibin gotûbêj kirin, bi taybetî binpêkirinên berdewam ji aliyê rêjîma Esed ve ku berdewam e di bombebarankirina deverên rizgarkirî de bi dronên xwekujî, û binpêkirinên çekdarên HSDê ku hewl didan derbasî navçeyên rizgarkirî bibin û Artêşa Niştimanî ya Sûriyê rê li pêş wan girtibûn.
Beşdaran daxuyaniyên navdewletî yên girêdayî dosya Sûriyê û rêyên danûstandinê ji bo nehiştina ziyanan û bidestxistina pêşketinan bi awayekî ku xizmeta piroseya siyasî bike gotûbêj kirin.
Jêder: Ofîsa Ragihandinê ya Hevbendiya Niştimanî ya Sûrî
