“Koma Xebatê ya ji bo Filistîniyên Sûriyê”, duhî eşkere kir ku penaberekî din yê Filistînî bi navê “Salih Mansûr Salih Şakûş, ji kampa Xan Şêx li Şamê, jiyana xwe di bin îşkenceyê di girtîgehên rejîma Esed de piştî 10 mehan ji binçavkirinê jidest da.
Koma Xebatê ragihand ku hêzên ewlekariyê regeznameya wî radestî malbata wî kir, û xuya bû ku kurê wan di bin îşkenceyê de li roja 09.03.2016 jiyana xwe jidest dabû, û wek tê zanîn Salih li 19’ê gulan 2015’an ji aliyê hêzên ewlekariyê hatibû binçavkirin.
Komê di gelek raportên xwe de tekez kiribû ku kesên hatine binçavkirin di zindan û girtîgehan de rastî hemû cureyên îşkenceyê dibin, û diyar kiribû ku 586 penaberên filîstînê di nav de jin û zarok di bin îşkenceyê di girtîgehên rejîmê de hatine kuştin.
Komê di nîva meha borî de, diyar kiribû ku wê girtina (1748) kesan bi rêya tora nûçegihanên xwe bi belge kiriye, û bal kişandibû ser girtina hin malbatan bi tevayî, tevlî jin, zarok, pîr û kalan.
Hêjayî gotinê ye ku rejîma Esed vê dawiyê navê girtiyên Filistînî yên salên borî hatine binçavkirin û di bin îşkenceyê de hatine kuştin eşkere dike, bi rêya belavkirina navên wan li ser dezgehên komîsyona giştî ya penaberên Ereb yên Filistînî li Sûriyê.
Jêder: Ofîsa Ragihandina Hevbendiya Niştimanî ya Sûrî
