Kongirê Dostên Sûriyê li Merakişa Mexrib di 12.12.2012an de û tê de Dewleta Qeter danpêdan bi Hevbendiya Niştimanî ya Hêzên Şoreşê û Hevrikiya Sûriyê wek Nûnerê Rewa û Tenê ji Gelê Sûrî re, di pey re birêz Nizar Alhirakî Balyozê Hevbendiyê li Dewleta Qeter hat danîn, tev li Sê Kadirên Diplomasî.
Di 27.03.2013an li Paytexta Qeterê Dewha bi ahengeke mezin gelek Balyozên Ereb û yên Welatên Biyanî û nûnerên Revenda Sûrî li Qeterê li vekirina Balyozxaneya Hevbendiyê amade bûn. Helbet ew bi rêya wezareta Qeterê çê bû, gava ko Komelgeha Dewletên Erebî Kursiya Sûriyê da Hevbendiya Niştimanî.
Ala serdema Serxwebûnê li ser Balyozxaneya nû hate hildan, ya ko Şoreşa Sûriyê ew ji xwe re dest nîşan kir. Bi evê pêngavê Qeter Dewleta yekem bû ko Balyozxane ji bo Hevbendiyê terxan kir.
Kevalê Fermanberî yê Balyozxaneyê:
Diplomasî:
– Balyoz mamoste Nizar Alhirakî.
– Sekretêrê yekem: Ew berpirsê evan Nivîsgehan e:
Nivîsgeha Abûrî, Nivîsgeha Perwerdeyî, Nivîsgeha Şopandina Rewşa Revenda Sûrî li Dewleta Qeterê, Nivîsgeha Ewlekarî û Yasayî.
– Sekretêrê Duyem(Qunsil): Ew Berpirsiyarê karûbarê Qunsiliyê ye.
– Sekretêrê Sêyem: Ew Berpirsiyarê karûbarê Fermanberî û Derameta Mirovî, Nîvîsgeha Ragihandin û Rewşenbîrî û Peywendiyên giştî, û Nivîsgeha Hawarçûnê.
– Beşê Rawêjkarî û Wergerandinê: Rawêjkarê Yasayî, Rawêjkarê Rewşenbîrî û Perwerdeyî, û Wergerandinê.
– Karmendên Xwecihî: 15 Karmendan dinimîne û li ser evan Beşan belavkirî ne:
Beşê Jimardarî, Beşê Ragihandinê, Beşê Peywendiyên Giştî. Sekretariya, Beşê Ewlekariyê, Beşê Qunsilî, Beşê Rajeyan.
Rajeyên ko Balyozxaneya Sûriyê li Qeterê pêşkêş dike:
Balyozxane, şiyan dike Rewşa Revenda Sûrî û karûbarê wan birêve bibe:
* Vîsa Serdanê bo anîna malbatên wan li Dewhayê derdixe. Pêşwaziya xwestekên Hevwelatiyên Sûriyê û hûrbînî dike û dinivîsîne. Û paşê ewan radestî Fermanberiya Koçberî û Pasportan dike, da kerta serdanê derbike û dide Hevwelatiyên Sûrî ji aliyê Balyozxaneyê, ji gava vekirina Balyozxaneyê nêzîk 550 seredanî bûne û hêj kar berdewam e, ji bo derkirinên din.
* Pêşwaziya Vîzayên hatina malbatan dike û lêvegera Beşê Pasportan dike bi amanca yarmetiya Revenda Sûrî ji bo mafê rûniştinê ji malbatên wan re li Qeterê qezenc bike.
* Mohirkirina hemû belgeyan(Bawernameyên xwendinê, bawernameyên zayînê, bawernameyên mirinê, bawernameyên pisporiya kar, bawernameyên ji bo pêgerekên kar… h.d), danpêdana mohir û imzakirina taybet ji hêla Balyozxaneyê ji bal wezareta karûbarê derve ya Qeterî hem jî erêkirinê dike li ser belgeyên ko ji hêla Balyozxaneyê mohir bûne da dapêdan bibin li derveyî Qeterê jî.
* Derkirina Şûnkariyên giştî û taybet.
* Derkirina gotaran ji Balyozxaneyan re an jî ji bo Fermanberiya Rêçûnê an Fermanberiya Koçberî û Pasportan, yên bi hêsankirina berjewendiyên Revendê ve girêdayî ne.
Peydeçûna Rewşa Revenda Sûriyê li Qeterê:
Balyozxane danûstandinê bi Revenda Sûriyê re bi hemû rengîniya qatên wê re dike di çend çarçoveyan de:
– Beşdarî di hemû hevdîtin û ahengan de yên ko Encûmenên Parêzgehan pê radibin ji bo piştgiriya Gelê Sûrî.
– Danûstandin bi Encûmena Revendê ya nuha re û ya ko her heftî carekê civîn dikir.
– Beşdarî di civînên şînê de an bûneyên din yên ko taybetî Revenda Sûrî ne, di şîn û şahiyên wê de.
– Kartêkirin digel kêşeyên corbicor re ji bo hemû Sûriyan yên ko li Qeterê ne, li ser asta Takekes an jî Dezgeh û hewldana çareserkirina gelek pirsgirêkan dike.
Di derbarê babeta çêkirina Encûmeneke nû ji Revendê re, Balyozxaneya Sûriyê û bi hevkariya Encûmena kevin ya Revendê û hin birader ji Revendê bi evan karan rabûn:
– Bi dawîkirina karê di Rêbaza Hundirîn ji bo Revenda Sûriyê li Qeterê, ew ya ko hejmara wan digihê 62 hezar, Ji bo misogirkirina evê mijarê, Desteyeke Yasayî taybet çê kirin ji pênc endamên yasayê û Endamên Revendê pêk tê.
– Yasaya Hilbijartina hate pê bi çêkirina Desteyekê di evê derbarê de, ji pênc kesan ji Revendê pêk tê, û karûbarê xwe pêk anîn, û şîretên bi hilbijartinan ve girêdayî bûn ew jî bi cih anîn.
– Damezirandina Desteyekê erkê wê ko çavdêriya hilbijartinan bike.
Ji 11 nûneran ji parêzgehên corbicor pêk tê û nûnerê Balyozxaneyê û çaxa hilbijartinan di 20.09.2013an de danî.
Karên Balyozxaneyê di biwara Hawarhatinê de:
Komeleya xêrxwaziyê ya Qeterî bêtirîn Komele ye ko hawarhatina miletê Sûrî dike, li hundirê Welat û li Kampan û li Misrê, ji bo xatirê evan qenciyên ko kirine Revenda Sûrî li Qeterê dixwaze Komeleya wan xelat bike, bi navê Şoreşa hêja hem jî di paşerojê de wê protokolên hevkariyê di nav xwe de imze bikin.
Balyozxane gelek projeyên xêrxwaziyê ji wezareta derve ya Qeterê re pêşkêş kirin, erê bûn ko çareyekê ji dosya birîndaran bibînin û hem jî piştgiriya nexweşxaneyên Alcezîre, Dar Alsalam, û Aqilê re bikin ew yên ko ji aliyê Balyoz ve hatin pêşkêş kirin piştî seredana wî ya Urdunê da nirxandina rewşê li ser xakê bike.
Hem jî beşdarbûna di kongirê Navnetewî de ji Rêkxistinên xêrxwazî û hawarhatinê re di bin slogana( Emê hevgirtî bin ji bo Sûriyê) li Lîbya, gelek kesayetiyên giring û Rêkxistinên mirovî gengeşeya arîşeyên Sûriyê kirinû hem jî xelekên gengeşeyê girêdan da çareserkirinan bibînin û gelek proje ji hêla Balyozxaneyê hatin pêşkêşkirin, û Balyoz jî di ewî kongirî de gotarek da.
Balyozxaneya Sûriyê li Dewleta Qeterê nuha bi gelek projeyan radibe, ne tenê yên bi Revenda Sûriyê ve girêdayî ne, belê yên ko sûdeyê didin hemû penaberên Sûriyê û di rojên bê de wê bi firehî li ser wan projeyan bê gotin, eger Xwedê got erê.
