Li taxa Rikin Eldîn li Şamê Hêzên rêjîma Elesed, li beyaniya îro bi helmeteke serdegirtin û desteserkirinê rabûn, di eynî demê de helmeteke biserdegirtin û lêgerînê li taxa Salhiyê çêbû. Di heman dem de şer û pevçûn di navbera hêzên Beşar Elesed û Artêşa Sûriya Azad de li taxa Cobera Şamê derket, ku jimarek serbazên hêzên elesed hatin kuştin û maşîneka “BMP” hat wêrankirin bi gulleyên “RBG” yên Artêşa Azad. Herwiha du sivîl Şehîd ketin û pêncên dîtir birîndar bûn ji encama topbarankirina hêzên Elesed avahiyên Cober. Herwiha bi gulleyeka hawinê kesekî Sivîl jiyana xwe ji dest da û 14yên dîtir birîndar bûn li navçeya Elebasiyîn rojhilata Şamê. û êvara yekşembê li gundewarên Şamê du sivîl şehîd ketin û hin birîndar bûn ji egera êrîşeka asîmanî li ser bajarê Dareya li rojavayî Şamê, firokên hilîkopter 4 bermîlên teqîner avêtin li ser bajêr, ku piyayek û zarokeka keç jiyana xwe ji dest dan û çendekî dîtir birîndar bûn. û li bajarokê Zibdin û ji egera êrîşeka asîmanî ya Firokên Elesed keçeke biçûk şehîd ket û hin birîndar bûn, hevdem bi avêtina bermîlên teqîner li ser devera Qara li Qelemona gundewarê Şamê.
Çavkanî:(Hevbendî+ Tora Şam)
