Duhî sêşembê 13 sivîl ji nav wan jin û zarok bi sedema topbaranê û mûşekên hêzên rêjîmê û milîtanê Îranî li bajarê Me’eret Eln’uman başûrê Idlibê şehîd ketine.
Bêtir ji 20 mûşek û guleyên topan taxên niştecihan û bazara bajêr ya ko karûbarê wê encûmena xwecihî birêve dibe hate amanckirin, di encamê de bi dehan kes ji nav wan jin û zarok birîndar bûne.
Binpêkirina peymana Idlibê ranewestiyaye ko berdewam êrîşên xwe dibe ser herêmê û berdewam şehîd dikevin û rojane bajar û bajarok û gundên di peymanê de ne têne amanckirin.
Ji civaka navdewletî tête xwestin ko tevbigere û van binpêkirinan rawestîne, û dest ji siyaseta çavgirtinê ji rewşa li ser xakê dibe berde, bi taybetî istiratîciya rêjîmê û hevalbendên wê ya berdewam in di delîvekirina hemî helkeftan ji bo peymanê binpê bike, û zincîra tawankarî û tiroristiyê berdewam bike.
Encûmena ewlehiyê û aliyên din yên çavdêrên pirosêsa siyasî berpirsiyar in û gereke têwerdanê bikin ta ko sivîlan rizgar bikin û tawankariyên cengê rawestînin, û biryarên navdewletî yên bi Sûriyê ve têkildar in û di serî de daxuyaniya Cinêvê û biryara 2254 cîbicî bikin.
Hevbendiya Niştimanî ya Hêzên Şoreşê û Rikberiya Sûriyê
Ofêsa Ragehandinê
30.01.2019
