16 May 2019 In Nûçeyên Hevbendiyê

Desteya siyasî ya Hevbendiya Niştimanî ya Hêzên Şoreşê û Rikberiya Sûriyê civîna xwe ya xuleyî evro pêncşembê li bargehê Hevbendiyê li gundewarê Helebê lidar xist.

Civînê rewşa meydanî ya herêmên rizgarkirî û dijminkariya Rûsya û Îranê li ser Idlibê û gundewarê Hemayê û operasiyonên koçkirina berfireh gengeşe kirin.

Serokê Hevbendiyê Ebdilrehman Mistefa got ku êrîşên hovane yên li ser sivîlan li Idlib û Hemayê bûn sedem ko bêtir ji 350 sivîlan heta nuha şehîd ketine, gelek zarok û jin di nav wan de hene, hem bêtir ji 300 hezar kesî koçber bûne û wêraniyeke mezin di tax û jêrxan û nexweşxane û dibistanan de çêbûye.

Mistefa daxwaz kir ku yekser ev dijminkarî raweste û rewş wek berê vegere. û spasiya helwesta navdewletî ya êrîşan red dike kir, û her weha spasiya bizava ko hemû dewlet dikin bo fişarê bidin ser Rûsya tako piştgiriya xwe ji dijminkariyê rawestîne û nehêle bêtir êrîş li dijî sivîlan bibin kir.

Desteya siyasî ya Hevbendiyê şêweyê danûstandinê bi hêzên sivîl û desteyan li ser xaka rizgarkirî gotûbêj kir, di vê pêvajoyê de çend hevdîtin bi nûnerên encûmenên xwecihî re lidar xistin, û rewşa xizmetgozeriyê û ya koçberan li herêmên ji hêla rêjîmê û milîtanên îranî ve topbaran dibin digel wan gotûbêj kir.

Wek tê zanîn ko Hevbendiya niştimanî bargehekî xwe yê fermî li gundewarê Helebê vekiriye û dest bi têkiliyê bi encûmenên xwecihî û birêveberiyên çalak li herêmên rizgarkirî û hemû deste û rêkxistinên civaka sivîl li Sûriyê kir.

Ofêsa Ragehandinê ya Hevbendiya Niştimanî

16 May 2019 In Nûçeyên Hevbendiyê

Desteya danûstansinên Sûrî çend civînên giring li bargehên Netewên Yekgirtî li bajarê Cinêvê lidar xistin, tê de operasiyonên leşkerî yên rêjîmê û Rûsya li ser Idlibê û bandora wan li pirosesa siyasî gengeşe kirin.

Her weha şanda desteyê digel berpirs û diblomasiyên Emerîka, Yekîtiya Ewropî, Turkiyê, Siûdî, Urdin, Ostiralya û Yabanê civiya. Dr. Nesir Elherîrî serokê desteya danûstandinan derbarê rewşa Idlibê axivî û bi taybetî binpêkirinên rêjîmê û Rûsya ji peymana Idlibê re, û tekez kir ko rewşên mirovî bi sedema berdewambûna operasiyonên bombebarana li ser herêmên niştecihan û bargehên giştî aloztir dibin.

Elherîrî got ku rêjîma Esed û Rûsya tiroristiyê wek behane dibînin tako sivîlan amanc bikin û operasiyonên koçkirina kotekî dubare bibin wek ko li herêmên corbicor çêbûne, û tekezî li ser giringiya hevkariya navdewletî kir tako gurkirina şerî rawestînin, û bi bendên peymana Idlibê pabend bibin, û jidil têkevin pirosesa aştiyê.

Her weha şanda desteyê bi cîgirê şandyarê navdewletî Xewla Meter ya berpirsiyara peydeçûna dosya girtiyan pêk anî, û dibîne ku ew dosyake hestyar e û di heman çaxî de bobelat e.

Serokê desteya danûstandinan sêşembê li Enqerê digel wezîrê derve yê Tirkiyê Mewlûd Çawîş Oxlo civiyaibû, û li ser aramkirina rewşa Idlibê tekez kirin, û herduyan giringiya parastina sivîlan û rewşên mirovî yên aloz û derbaskirina alîkariyên mirovî gengeşe kirin.

Jêder: Ofêsa Ragehandinê ya Hevbendiya Niştimanî

Home Nûçe Nûçeyên Hevbendiyê Items filtered by date: Thursday, 16 May 2019