Hevbendiya Niştimanî ya Hêzên Şoreşê û Rikberiya Sûriyê, daxuyaniyên nûnerîtiya karûbarên penaberan ya bi ser Netewên Yekbûyî ve, ya ko hewil dide rûyê rêjîma kujer ya tawan derheqê Sûriyan û penaberên filestînî pêk anîne xweşik bike.
Hevbendiya Niştimanî di daxuyaniya xwe de got ko nûnerîtyê ne tenê alîkarî ji ser penaberan birîn û dan rijêma tawankar, ew rêjîma berpirsiyar di ber mezintirîn koçkirinê de li ser asta cîhanê piştî cenga cîhanî ya duyem, êdî nûnerîtî ketiye qonaxa hewildana xweşikkirina rengê rûyê rêjîmê.
Hevbendiyê got ko nûnerîtiyê “Bi çepiklêdan” spasiya rêjîmê kir û xwe xist di rewşeke şîzofrenî û korbûnê de ku bi ti awayî behan jê re nayên dîtin, nemaze ku nîvê xelkên Sûrî li dewletên cîran û û yên cîhanê bûne koçber û penaber ji encama siyaset û plansaziyên ji hêla rêjîmê û hevalbendên wê ve hatine pêkanîn.
Daxuyaniya Hevbendiyê got ku nûnerîtiyê spasiyên xwe ji rêjîmê re pêşkêş kirin, û jibîr kir ko vê rêjîmê dibistan, peymangeh û zanko wêran kirine, û bi dehhezaran şagirt û mamoste kuştine û girtine, û ew di zindanan de bi dîdevaniya aliyên serbixwe û fermî û komîtên Netewên Yekgirtî êşkence kirine.
Hevbendiya Niştimanî dibîne ko daxuyaniyên nûnerîtiyê yên vê dawiyê yên derbarê tiştê rêjîm ji penaberan re pêşkêş dike, dijberî bi dehan raport û belgehên komîtên bi ser Encûmena Ewlehiyê û Netewên Yekgirtî ve ne, ko hemûyan rêjîm û hevalbendên wê bi pêkanîna tawanên cengê û tawanên li dijî mirovayetiyê û bikaranîna çekên kîmawî li dijî sivîlan tawanbar kirine.
Hevbendiya Niştimanî di daxuyaniya xwe de bal kêşand ser ko ew piropagenda ji rêjîmê re bêyî çi sedem, diyar dike ko hin kes ji rêkxistinên navdewletî, eger rasterast an nerasterast, aliyin ji rêjîmê wan birêve dibin
Hevbendiya Niştimanî daxwaz ji Netewên Yekgirtî kir, ku daxwazê ji Nûnerîtiyê bike da ji daxuyaniyên xwe vegere, û çi daxuyaniyên lidijî helwesta rêkxistina navdewletî ya fermî dernexîne, û çavên xwe ji tawanên rêjîmê negire, tako ew nirxê kêm yê ji rêkxistina navdewletî re maye biparêze.
Jêder: Ofêsa Ragehandinê ya Hevbendiya Niştimanî
