Ofisa têkiliyên derve ya Hevbendiya Niştimanî Sûrî, civînek ligel şêwirmendê siyasî yê fransî yê dosya Sûrî, Fabrice Desploshan lidar xist, û bi wî re pêşveçûnên herî dawîn yên dosya siyasî, bi taybetî civîna vê dawiyê ya koma navnetewî ya biçûk li Cenêvê gotûbêj kirin.
Kordînatorê Ofisa têkiliyan, Abdul Ahed Estifo, tekezî li ser giringiya pêkanîna biryarên navnetewî kir, bi taybetî beyana Cenêvê û biryara 2254, û diyar kir ku xala 4’an ji biryara 2254 demeke destnîşankirî bi zelalî destnîşan kiriye, di nav de dariştina destûreke nû ji bo welat û piştre li gorî destûra nû dest bi prosesa hilbijartinên azad û pak bibe di heyamê 18 mehan di bin çavdêriya Netewên Yekbûyî de.
Wî tekezî li ser giringiya pêkanîna rêşûnên avakirina baweriyê kir, ku têde agirbestek berfireh bibe û kesên binçavkirî bêne serbestberdan, û herweha arîkariyên mirovî derbas bibin û misogerkirina vegera koçber û penaberan li cihên xwe yên resen, li gor dilxwestina wan bê tu fişara vegerê li wan bibe.
Wî daxwaz kir ku dezgehên hilbijartinê li gor pîvanên navdewletî bêne avakirin, û endam û sazîyên wan di bin çavdêriya Netewên Yekbûyî de bêne destnîşankirin, û got: Divê Netewên Yekbûyî çavdêriya tewaw hebe li ser birêvebirina tevaya karûbarên rojane yên hilbijartinan û gilî û gazincan werbigire, û desthilata erêkirina encamên hilbijartinê bi destê wê be.
Herweha wî sînordarkirina karê Komîta Destûrî bi tenê ji bo serrastkirina destûra sala 2012’an red kir, û bal kişand ku ev yek mercekî sereke yê rejîma Esed e, ku gelek hewldanan dibe ji bo bi cidî tevlî danûstendinên prosesa siyasî nebe.
Wî diyar kir ku her hewlek ji bo guhertina qonaxên prosesa siyasî dibe, wekî destpêkiruna hilbijartinan berî destûrê, û ew dê encamên nebaş li pey xwe bîne, û dê berê proseya siyasî careke din bide rêyeke girtî.
Wî dîsa got ku di qanûna hilbijartina niha de gelek birgên xirab hene ku bi milyonan penaber û koçber ji mafê wan yên hilbijartinê bêpar dike, di xweberbijêrkirin û hilbijartinê de, di dema ku ew madeyên destûrî yên girêdayî vê yekê serrast nebin.
Wî got ku divê dewletên dostên gelê Sûrî, nemaze koma navnetewî ya biçûk, fişaran li hevalbendên rêjîmê bikin da bi awayekî rast û cidî beşdarî prosesa siyasî bibe, ne ku bi tenê fişaran li opozisyona Sûrî bikin da dest ji mafên xwe berde.
Wî diyar kir ku Hevbendiya Niştimanî hêjî baweriyê bi çareseriyek siyasî tîne, ku divê dadperwer be û daxwazên gel bicîh bîne, li gorî bayana Cinêvê û biryara 2254 be.
Jêder: Ofisa Ragihandina Hevbendiya Niştimanî Sûrî
