Ehmed Şihadê, endamê Hevbendiya Niştimanî ya hêzên şoreş û rikberiya Sûriyê, li navenda rewşenbîrî ya bajarê “Atarib” ya li gundewarê Helebê, beşdarî di semînareke hişyarkirinê de kir, ya li ser girîngiya çandiniya genim, ku yek ji berhemên stratejî yê zivistanê ye, û yek ji girîngtirîn materyalên pêwîstiya gel li deverên rizgarkirî pê heye.
Semîner ji hêla Komeleya “Kenserîn ya Geşepêdanê” û malpera “Fox Heleb” ve hate organîzekirin û ji aliyê endezyarê çandiniyê Majd Hac Omar, rêvebirê kombenda kordînasyona çandiniyê li devera “ICARDA” hate pêşkêşkirin.
Semîner ji bo cotyarên herdu gundewarên Heleb û Idlibê, tevî teknokrat û endezyarên çandiniyê yên ofîsên çandiniyê li encûmenên xwecihî û rêxistinên mirovî hate lidarxistin.
Herweha di simînarê de, behsa nexweşiyên herî dawîn yên zeviyên genim û ziyanên wan nexweşiyan li berhemê çandiniya genim, hat kirin.
Ji aliyê pêşkêşkerên simînarê, hin agahî û rênima ji bo hişyarkirina cotyaran hatin pêşkêşkirin, ji bo bidestxistina berhemên baştir û parastina toxmên dexludanên xomalî ji xirabûn û nemanê.
Di simînarê de, danasînek li ser xizmetgozariyên ji bo berhemê genim, amadekirina erda çandiniyê, hilbijartina cûreyên baş yên çandiniyê, herweha rêkarên jinavbirina gelaş û giyayên zirav û stûr yên zirerdar, û hemû nexweşiyên din heya digehêja dema paleya genim.
Di serdema borî de, zeviyên mezin ji erdên çandî zirar dîtin, ji encama topbarana ji hêla rejîma Esed û sponserên wê ve, û ev yek jî bû sedema şewitandina bihezaran hektarên genim, û li dawiyê kesên amade di simînarê de tekezî li ser giringiya çandiniya genim û kar ji bo baştirkirina berhemê sala were kirin.
Jêder: Ofîsa Ragihandina Hevbendiya Niştimanî Sûrî
