Komîteya biçûkirî ya destûrî karê xwe roja înê, li baregeha Netewên Yekbûyî li Cenêvê qedand, û şanderê navnetewî yê li Sûrî, Ger Pederson, diyar kir, ku civîna bihêt dê di roja 25ê mijdara vê mehê lidar bikeve.
Pederson yekser piştî bi dawîhatina civînên komîteya biçûk, di preskonferansekê de tekezî li ser giringiya gengeşekirina mijarên mayî kir, nemaze mijara rêveberî û hilbijartinan, û tekez kir ku gotûbêjkirina destûrê bi tenê têra gihîştina çareseriyek siyasî li Sûriyê nake.
Hevdem ku serokê Komîteya danûstandina Sûrî, Dr. Nesr Al-Harîrî, pêdagiriya nûnerên desteya danûstandina Sûrî di komîta destûrî da li ser prensîbên pevbaweriya bo yekîtî, serxwebûn û serweriya miletê Sûrî û yekrêziya xaka Sûrî û veguheztina sîyasî ya li Sûrîyê li gorî biryarên navdewletî û nemaze daxuyaniya Cenêvê û biryara 2254 piştrast kiribû.
Ji hêla xwe ve, hevserokê Komîteya destûrî, Hadî Al-Behra, bal kişand ku gera niha bi gotubêjkirina raman û pêşniyarên di gotinên endamên komîta berfireh de yên di destpêkê civînê de hatibûn pêşkêşkirin.
Wî herweha tekez kir ku endamên Komîta destûrî di bin erkek neteweyî yê bilind de ne, û tekez kir ku divê hemû Sûrî makezagona nû pêk bînin, û hemû raman û dîtin tê de hebin, û qonaxa tijî qurbanî bidawî bike, û penaberan ji diyasporayê vegerîne li ser malên wan yên berê li welatekî ji bo hemûyan.
Wî tekez kir ku pêdivî ye destûr garantiya serweriya mirovî bike, azadîyên herkesî misoger bike, û mafên wan ên wekhevî û firerengiyê misoger bike, û got: ” sozek me ya berpirsiyariyê heye ku dive em bi welatê xwe re dilsoz bin, û dilsozê miletê xwe bin û destnivîseke makezagonê amade bikin ku gelên Sûrî tê de xwedan biryar bin”.
Jêder: Ofisa Ragihandina Hevbendiya Niştimanî Sûrî
