Emîndarê giştî yê Hevbendiya Niştimanî ya Hêzên Şoreşê û Rikberiya Sûriyê, Ebdilbasit Ebdiletîf, digel serokê berê yê encûmena parêzgeha Reqa parêzer Seed Şiwêş civîya, û rewşa ewlehî û abûrî li herêma rojhelatê Ferat gotûbêj kirin.
Herdu aliyan mekanîzma bilezkirina destpêkirina karê dezgehên xizmetkariyê li herêma Til Ebyed li gundewarê Reqa, û Serê Kaniyê li gundewarê Hesekê, û bi taybetî rewşa tendiristî û perwerdeyê û kartêkerkirina karê encûmena xwecihî ya ko ji xelkên herêmê hatiye damezirandin gengeşe kirin.
Civînê behsa rewşa jiyana niştecihên herêmê û bilezkirina geşepêdana abûrî û pêşdebirina geşepêdana berdewam kir, her weha giringiya karê desthilata Sûrî ya demkî ji bo çakkirina karê jêrxanê û dabînkirina seqayên guncaw li pêşberî bazirganan ji bo tevgera abûrî ya kartêker dabîn bikin.
Herdu aliyan destnîşan kirin ko giring e navend û dezgehên xizmetkariyê yên desthilata demkî yê corbicor vebin, û aktîvkirina karê wan li hemû herêmên ku di operasiyona Kaniya Aştiyê de rizgar bûne, ji ber ew dihêle xelk yekser danûstandinê digel desthilata demkî bikin, tako desthilat pêdiviyên herêmê binase.
Emîndarê giştî yê Hevbendiya Niştimanî, çend civînên corbicor digel xelk û maqûlên herêma rojhelat lidar xistin, bi amanca naskirina pêdiviyên xelkê, û digel wan behsa nerîna Hevbendiya Niştimanî ya derbarê birêvebirina herêmê ji hêla xelkên wê ve û dabînkirina ewlehî û aramiyê kir.
Jêder: Ofêsa Ragehandinê ya Hevbendiya Niştimanî
