Endamê desteya siyasî ya Hevbendiya Niştimanî ya Hêzên Şoreş û Rikberiya Sûrî, Yasir Alferhan, tekez kir ku hîn Hevbendiya Niştimanî kar li gel civaka navdewletî dike ji bo dîtina mekanîzmeke sûdedar a gihandina alîkariyên mirovî bo hewcedaran li Sûriyê, û got ku wî hejmarek ji yadnameyan ji Encumana Ewlekariyê re şandine, têde daxwazê ji wan dike ku karên pêwîst û kartêker bikin, ji bo rizgarkirina sivîlan û parastina rastgoya Netewên Yekbûyî.
Û Elferhan di daxwiyaniya xwe ya ji malpara Erebî24 re, weha jî got: Hejmarek pêşinyar di yadnameyên Hevbendiyê de hebûn, yek ji wan ew bû ku Rûsiya wek aliykekî ji yên şer bibînin, li gor birgê şeşem ji paragrafa sêyemîn ya madeya 52, û bikaranîna têkesta paragrafa sêyem ji madeya 27 ji peymana Netewên Yekbûyî, û ev yasa nahêlin Rûsiya deng li ser ti pirojeyê biryarekê derbarê Sûriyê bide.
Û li gor Elferhan, Hevbendiya Niştimanî daxwaza dîtina şêweyekî dike, ji bo veguhestina dosya Sûriyê bo hevpeymaniyeke navdewletî an jî bo NY, ji bo kirina karin rêgir li pêşiya Rijêma Esed, eger ew û sponserên wê xwe nedin ber biryarên navdewletî.
Û Elferhan tekezî li ser giringiya derbaskirina alîkariyên mirovî di riya sînoran re kir, bi demdirêjkirina herdû biryarên Encumana Ewlekariyê, 2165(2014) û 2449(2018), an jî gihiştina çareyeke din di riya lipaşxwehiştina VETOyê, ya ji bo pûçkirina lihevkirina navdewletî li Encumana Ewlekariyê bikar tê.
Û bal kişand ser ku Rijêma Esed dixwaze alîkariyên mirovî ji xwe re bihêle, û wan ji bo armancên siyasî û leşkerî û aborî bikar bîne, anku wan ji wateya wan ya mirovî bixîne.
Û Elferhan got ku Rijêm dixwaze alîkariyêm mirovî li gor siyaseta xwe bikar bîne, di riya belavkirina wan li ser alîgirên xwe û bêparkirina sûriyên pir hewcedar li deverên rigarkirî ji wan alîkariyan. Û li gor Elferhan dibêje, rijêm dixwaze bi wan alîkariyan aboriya xwe ya rawestyayî bilivîne, û alîkariyên NY wek keresteyan li bazaran bên firotin, di riya alîgir û simsarên xwe re, û alîkariya saziyên ku jê re kar dikin.
Jêder: Ofîsa Ragihandinê ya Hevbendiya Niştimanî ya Sûrî
