Daxwiyaniyeke Rojnamevanî
Îro bîranîna komelkujiya Hemayê ya 1982 nû dibe, ew komlekujiya tirsnak a ku hêzên rijêmê bi fermanên Hafiz Esed, bajar dorpêç kir, û bi dirêjiya heyvekê êrîş birin ser, û di encamê de nêzî 40 hezar sivîlî şehîd ket, herweha bajar wêran bû, û giringtirîn taxên Hemayê yên dîrokî bi erdê re rast bûn.
Bidehên dîdevaniyan, tewanên mezin ên çeteyên Esed li bajêr di komelkujiyê de pêk anîne belge kirine, û gelek ji tiştên pêk hatine hîn jî nehatine naskirin, û hewcedarî belgekirinek bêhtir e, ji bo dabînkirina peyketina tewankaran û rizgarnebûna wan ji sizayê.
Rêbaza xwîndar a malbata Esed ta îro jî berdewam e, û pêvajoya tewankariyê bi piştgiriya dagîrkariya rûsî û milîsên îranî berdewam e, û civaka navdewletî heman şêweyê xwe yê berî 38 salan dubare dike, dema li hember komelkujiya Hemayê bêdeng ma, û hişt rijêma Esed komelkujiyan pêk bîne , bê ti lêpirsîn û sizadan.
50 salên stemkarî û tewankarî û terorê yên rijêma Esed li Sûriyê birêve birin, rojek bi tenê jî tine ye bêyî bîranîna komelkujiyeke hovane û bobeletek koçberkirinê an jî wêrankirin û kuştinê yên rijêma Esed dijî gelê Sûriyê an gelên deverê, tê de hebe.
Tewankariyên rijêm îro di pêkanîna wan de berdewam e, encamên yekser in ji bêdengiya civaka navdewletî re li hember tewanên berê, û eger xelekên tewankariyê bidawî nebin, û tewankar neyên sizadan, di riya hilgirtina civaka navdewletî ji berpirsyariyên xwe re, dê siberoj dehên salan ji kuştin û terror û koçberkirinê bîne Sûriya û deverê û cîhanê li ser destê vê rijêmê û hevalbendên wê.
Şikodarî ji şehîdan re, saxbûn ji birîndaran re, û azadî ji girtiyan re,
Bijî Sûriya û gelê wê , bi azadî û serbilindî.
Hevbendiya Niştimanî ya Hêzên Şoreş û Rikberiya Sûrî
Beşê Ragihandin û Peywendiyan
31 kanûna paşîn 2020
